«Böyük Britaniya, ABŞ və Avropa Azərbaycanın istənilən seçimini dəstəkləyəcək»
Tarix: 06.06.2013 | Saat: 00:13:00 | E-mail | Çapa göndər


Bakıda keçirilən beynəlxalq neft-qaz konfransındakı çıxışında Böyük Britaniyanın Azərbaycan üzrə ticarət nümayəndəsi Çarlz Endryu bildirdi ki, Böyük Britaniya, ABŞ və Avropa Xəzər hövzəsindən təbii qaz ixracı marşrutunun seçilməsi ilə bağlı Azərbaycanın istənilən qərarını dəstəkləyəcək. Onun sözlərinə görə, Britaniya Azərbaycanın Avropanın enerji təhlükəsizliyinə töhfə verməsini alqışlayır. Cənubi Enerji Dəhlizi ilə bağlı veriləcək qərar Avropanın enerji təhlükəsizliyi üçün çox əhəmiyyətlidir.
«Azərbaycan qazının Avropaya nəqli ilə bağlı konkret marşrutu dəstəkləmirik. Hansı marşrut olursa-olsun, əsas odur ki, qaz təchizatı başlasın. Buna görə də Böyük Britaniya, Avropa Komissiyası ABŞ-la birlikdə hansı kəmər seçilərsə, onu dəstəkləyəcək”. Britaniya nümayəndəsi qeyd etdi ki, seçim ediləndən sonra marşrut boyunca yerləşən tranzit ölkələr də bu qərara dəstək verəcək. Ç.Endryu Azərbaycan, Gürcüstan və Türkiyəni TANAP layihəsi münasibəti ilə təbrik edərək əmin olduğunu bildirib ki, bu layihə davam etdiriləcək. O bildirdi ki, Azərbaycan Avropanın enerji təchizatında strateji tərəfdaşıdır: «Azərbaycan müstəqil ölkədir və qərarlarını da müstəqil verir, onun tərəfdaşlarının enerji təhlükəsizliyində mühüm rol oynadığını dana bilmərik». Ç. Endryu onu da bildirdi ki, dünya enerji bazarında böyük dəyişikliklərin vaxtı çatıb. Onun sözlərinə görə, Azərbaycan neft sənayesinin beşiyi hesab olunsa da, regionda qeyri-ənənəvi istehsalçılar da yaranıb: «Bu sırada Şərqi Aralıq dənizi ölkələri və Şərqi Afrika ölkələrini misal çəkə bilərəm. Müxtəlif ölkələrdə tətbiq olunan yeni innovasiyalar və texnologiyaların inkişafına təkan verilir ki, bu da qlobal ticarət axınını dəyişdirir. Qeyri-ənənəvi neft və qaz hasilatı, o cümlədən ABŞ-dakı dəyişikliklər bazarda oyun qaydalarını dəyişdirib. Eləcə də Çin, Hindistan və digər Şərq ölkələrində bazar dəyişir». Britaniya nümayəndəsi enerji bazarındakı vəziyyətin sürətlə dəyişdiyini bildirdi: «Karbohidrogen ehtiyatları qarşıdakı bir neçə ildə qlobal enerji məsələlərində böyük rol oynayacağını qəbul etsək də, onu da bilirik ki, alternativ enerji mənbələri də inkişaf etdirilir və qlobal tələbatı qarşılamaq üçün yeni texnologiyalardan istifadə olunmalıdır». O qeyd etdi ki, enerji bazarında yaranan dəyişikliklər nəticəsində Azərbaycan kimi istehsalçılar digər yeni istehsalçılarla rəqabət aparmalı olacaqlar: «Məsələn, İsrail, Kipr və digər ölkələr Azərbaycanın rəqibləri olacaq».
Nigar




 
Bölməyə aid digər xəbərlər
15.06.2019
Heydər Əliyevin hakimiyyətə qayıdışı Azərbaycanın davamlı inkişafının əsasını qoydu
15.06.2019
İyunun 15-i xalqımızın bəlalardan qurtuluşunun carçısıdır
14.06.2019
Azərbaycanın bugünkü reallıqları Heydər Əliyev siyasətinin təntənəsi, milli qurtuluşun uğurlarıdır
14.06.2019
Bakıda dəhşət: Jurnalistin qızı və arvadı özünü 10-cu mərtəbədən atdı
14.06.2019
“Carlsberg Azerbaijan” ETSN qarşılıqlı anlaşma haqqında memorandum imzaladı

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10806

1 Naxçıvanda “Cavidşünaslıq” oncildliyinin təqdimatı olub
2 “Aa.com.tr”: “2020-ci ilə qədər Azərbaycan qazının Avropa bazarlarına çatması gözlənilir”
3 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
4 Ermənilərin təyyarəmizi vurmaq cəhdi uğursuzluqla nəticələnib - VİDEO
5 Bakı Atatürk Liseyində məzun günü münasibəti ilə tədbir keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info