“Jewish Journal”: “Holokost dövründə Azərbaycan yəhudi qaçqınlar üçün sığınacaq yeri olub”
Tarix: 02.05.2018 | Saat: 18:00:00 | E-mail | Çapa göndər


Amerikada çıxan “Jewish Journal” nəşrində Azərbaycanın yəhudi icmasının rəhbəri Milix Yevdayevin “Antisemitizmə qarşı mübarizədə və mükəmməl cəmiyyət quruculuğunda həmrəyliyin gücü” sərlövhəli məqaləsi dərc edilib. Materialda Azərbaycanın nümunəsində antisemitizmin olmamasının, habelə inklüzivliyin və tolerantlığın vacibliyindən bəhs edilir. Müəllif Almaniyada antisemitizmə qarşı mübarizədə həmrəylik əlaməti olaraq keçən həftə keçirilmiş “Kipalıların yürüşü” barədə söhbət açaraq Avropada, Amerikada və bütün dünyada antisemitizmin artması problemindən bəhs edir.
Milix Yevdayev “Antidiffamasiya liqası” tərəfindən bu yaxınlarda aparılmış tədqiqatın nəticələrinə istinadla qeyd edir ki, 2017-ci ildə təkcə Birləşmiş Ştatlarda antisemitizm hallarının əvvəlki ildəkinə nisbətən 60 faiz artması qeydə alınıb. Lakin dünyada antisemitizmin artması faktlarına baxmayaraq, Yevdayev ümidvar olduğunu bildirir ki, Azərbaycanda müşahidə olunan konfessiyalararası və mədəniyyətlərarası harmoniya və tolerantlıq modelini dünyanın qalan hissələrində də tətbiq etmək mümkün olacaq. Müəllif vurğulayır ki, sosial harmoniya Azərbaycan cəmiyyətinin kökündəki milli identiklikdən irəli gəlir. O yazır: “Bizim musiqimizdə, incəsənətimizdə, təhsil proqramlarımızda, qanunlarımızda və liderlərimizdə təzahür edən sosial harmoniya bizim cəmiyyətin hər bir səviyyəsində möhkəmlənir”.
Əhalisinin əksəriyyəti müsəlmanlar olan Azərbaycanda yəhudi millətindən olan parlament üzvləri ölkə vətəndaşlarını bərabər hüquqla təmsil edir. Azərbaycanda yəhudi mətbəxi yeməklərini şagirdlərə pulsuz təklif edən ümumtəhsil məktəbləri, ölkə Prezidenti İlham Əliyevin tapşırığına əsasən tikilmiş və ya yenidən qurulmuş gözəl sinaqoqlar var. Təəccüblü deyil ki, bu yaxınlarda keçirilən seçkilərdə İlham Əliyev seçicilərin böyük əksəriyyətinin səsini toplayaraq yenidən prezident seçildi. Bu da təəccüblü deyil ki, ölkənin yəhudi icmasının hər bir nümayəndəsi İlham Əliyevə səs verib. Prezident Əliyev müntəzəm sürətdə Azərbaycandakı yəhudilərin imkanlarını qoruyan və genişləndirən dəyərlər uğrunda mübarizə aparır. Bu dəyərlər yəhudilərin Azərbaycanda 2000 il ərzində yaşamasını təmin edib, yəhudi icmasını müxtəlif hücumlardan qoruyub, onlara müxtəlif resurslar, torpaq və ölkənin həyatında iştirak etmək üçün bərabər hüquqlar verib.
Azərbaycan yəhudi icmasının rəhbəri öz məqaləsinin sonunda yazır ki, Holokost dövründə Azərbaycan yəhudi qaçqınlar üçün sığınacaq yeri olub və nasistlərə qarşı yorulmadan mübarizə aparıb.
Tural




 
Bölməyə aid digər xəbərlər
25.09.2018
Yaponiya hökuməti dövlət qulluqçularının çoxunun evlərində işləməsinə çalışır
25.09.2018
Roma Papası Latviyada səfərdədir
25.09.2018
Mərkəzi Asiyada ilk beynəlxalq turizm universiteti Astanada açılacaq
25.09.2018
PKK başçısının yaxın silahdaşı həbs olunub
24.09.2018
Moldova Konstitusiya Məhkəməsi Dodonun səlahiyyətlərini müvəqqəti dayandırlb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10145

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info