Azay Quliyevin kitabının təqdimatı keçirilib
Tarix: 02.05.2018 | Saat: 18:05:00 | E-mail | Çapa göndər


Azərbaycan Milli Elmlər Akademiyasının Mərkəzi Elmi Kitabxanasında Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri, siyasi elmlər üzrə fəlsəfə doktoru Azay Quliyevin “Azərbaycanda qeyri-hökumət təşkilatları – Tarix və inkişaf” kitabının təqdimatı keçirilib.
 
Kitabda qeyri-hökumət təşkilatlarının əhəmiyyəti, beynəlxalq münasibətlər sistemində QHT sektorunun yeri və rolu araşdırılır.
 
Millət vəkili Hikmət Babaoğlu monoqrafiyanın elmi və ictimai əhəmiyyətindən danışıb. O qeyd edib ki, Azay Quliyevin monoqrafiyası vətəndaş cəmiyyəti quruculuğu istiqamətində gedən prosesləri əks etdirən yeni və aktual elmi mənbədir: “Müəllif elmi tədqiqatında QHT-lərin yaranma tarixini və inkişafını, ictimai sektorun təkamül mərhələlərini geniş araşdırıb, bu sahədə milli və beynəlxalq təcrübəni müqayisəli şəkildə tədqiq və təhlil edib. Kitabda vətəndaş cəmiyyəti haqqında mövcud nəzəriyyələrə müəllifin elmi baxışı və yaradıcı mövqeyi, Azərbaycan elmi qarşısında qaldırdığı bir sıra aktual məsələlər monoqrafiyanın dəyərini və sanbalını daha da artırır”.
 
Menecment Universitetinin kafedra müdiri İsrail İsgəndərov, Dövlət İdarəçilik Akademiyasının dosenti İnşallah Qafarov, Azərbaycan Milli Qeyri-Hökumət Təşkilatları Forumunun sədri Rauf Zeyni, Beynəlxalq Münasibətlərin Araşdırılması Mərkəzinin sədri Rufiz Qonaqov, Beynəlxalq Avrasiya Mətbuat Fondunun rəhbəri Umud Rəhimoğlu və başqaları kitabın çap olunmasını yüksək qiymətləndiriblər.
 
Qeyd olunub ki, Azay Quliyev elmi tədqiqatında vətəndaş cəmiyyətinin, ictimai sektorun tarixlə müasir dövrün üzvi bağlılığını və canlı proses olaraq davamlılığını dəqiq göstərə bilib və dövlətimizin bu sahədə atdığı addımları və qəbul etdiyi qərarların elmi təhlilini aparıb.
 
A. Quliyev isə müəllifi olduğu monoqrafiya və Azərbaycan QHT sektoru haqqında geniş məlumat verib, tədbirin təşkil olunmasında yaratdığı şəraitə görə Mərkəzi Elmi Kitabxananın rəhbərliyinə təşəkkürünü bildirib.
 
Qeyd edək ki, nəşrin elmi redaktoru Azərbaycan Respublikası Prezidentinin ictimai-siyasi məsələlər üzrə köməkçisi, professor Əli Həsənov, rəyçiləri Azərbaycan Respublikasının Prezidenti yanında Dövlət İdarəçilik Akademiyasının professoru Əlikram Abdullayev, Bakı Dövlət Universitetinin professoru, Avropa İnsan Haqları Məhkəməsinin hakimi Lətif Hüseynov, Birmingem Universitetinin professoru, Avropa Şurasının Venesiya Komissiyasının eksperti Jeremi McBride, Bakı Dövlət Universitetinin professoru, deputat Hikmət Məmmədov və AMEA Fəlsəfə İnstitunun professoru Rəna Mirzəzadədir.
Tural




 
Bölməyə aid digər xəbərlər
22.02.2019
Şəhid qazancı...
22.02.2019
Elçin Quliyev: Azərbaycan Sərhəd Mühafizəsi ən müasir döyüş texnikaları, gözətçi gəmiləri ilə təchiz olunub
22.02.2019
Baş prokuror Salyan rayonunda vətəndaşları qəbul edib
22.02.2019
“İrəli” gəncləri “Women rights are human rights” layihəsində
22.02.2019
“Kaspersky Lab”: Azərbaycanda istifadəçilərin 60%-i antivirus quraşdırmaqda maraqlı deyil

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info