İgityan: ”Ermənistanı bütün dünyada rüsvay ediblər”
Tarix: 02.05.2018 | Saat: 21:15:00 | E-mail | Çapa göndər


«Ermənistanın Respublika Partiyası baş nazir seçkisinə səsvermə zamanı normal partiya olmadığını bir daha ortaya qoydu. Bu partiyada yığılanların əksəriyyəti öz maraqlarına xidmət edən və böyük bir nəzarət təzyiqi altında olan insanlardır. Bu partiya, bir növ, hansısa digər fikirləri olmayan, durğunluq dövrünün Kommunist Partiyasına bənzəyir». Bu fikirləri «1in.am» saytına beynəlxalq münasibətlər üzrə mütəxəssisi, politoloq Ovannes İgityan mayın 1-də ölkə parlamentində keçirilən səsverməni şərh edrkən bildirib.
İgityana görə, parlamentdə Nikol Paşinyana qarşı çıxan Respublika Partiyası erkən parlament seçkilərində təkrar səs çoxluğu qazanmağa ümidlidir: « Mən, parlamentdə Respublika Partiyasınını təmsil edən 58 nəfərdən birinin belə öz ağılından irəli gələn bir şey düşünməyə qadir olduğuna inanmıram. Bu gün onları parlamentdə oturmayan, deputat olmayan şəxslər idarə edirlər. Mən idarə edənlərin iki nəfər olduğuna da şübhə etmirəm. Belə ki, burada söhbət Serj Sarkisyan və Robert Koçaryandan gedir. Hazırda bütün qərarları bu şəxslər qəbul edirlər. Ancaq bu partiya, deyəsən, fikir itkisi ilə üzləşib və Ermənistanda qurbanlıq masasında nəyin olduğunu hələ də dəqiq bilmirlər. Ona görə mən belə düşünürəm ki, bu gün Respublika Partiyası rəhbərləri öz resurslarından yararlanmaq yolu ilə yenidən parlamentə qalib kimi gedəcəklərini düşünürlər». İgityan artıq Respublika Partiyası üçün bu ssenarinin işləməyəcəyini bildirir. Onun fikincə, xalq artıq hər şeyi görür və inanıram ki, heç bir halda buna icazə verməyəcək. Çünki bu gün Ermənistan bu prosesin ədalətli həlli imkanını dünyaya göstərmək imkanı qazanıb: «Hakim partiyadan olan bu 58 deputat Ermənistanı bütün dünyada rüsvay ediblər. Məhz onların yarıtmaz fəaliyyətinin nəticəsidir ki, bu gün beynəlxalq aləm erməni xalqının bu çətin zamanda ağıllı qərar qəbul edə bilməsinə tərəddüdlə yanaşır» .
Xatırladaq ki, Respublika Partiyasını təmsil edən 58 deputatdan yalnız biri- Feliks Solakyan Paşinyanın lehinə səs verib.
Maraqlıdır ki, Respublika Partiyasının hakimiyyətdə olduğu müddətdə hökumət modelinin təhrif olunduğunu bildirən erməni iqtisadçı Movses Aristakesyan Paşinyanın bu problemləri həll edə biləcəyinə inandığını bildirir: «Mən düşünürəm ki, yeni hökumətin şüarı dövlət maraqlarının prioriteti olmalıdır. Sonrakı mərhələdə bu, kollektiv və yalnız sonda - şəxsi maraqların prioritetinə çevrilməlidir. Lakin hazırkı hakimiyyətdə bu məntiqə zidd tərzdə, əsasən, öz maraqları barədə düşünərək hərəkət edirdilər». Erməni iqtisadçı Nikol Paşinyan və onu əhatə edən gənclər qrupunun, bu şüarı tam mənası ilə təmin edərək yeni bir hökumət qura biləcəyini istisna etmir.
Sosial şəbəkələrdə Serj Sarkisyanın cəmiyyətdən uzaq biri olduğu barədə yazdığını bildirən başqa bir erməni politoloq Qaqiuk Qambaryan son hadisələr zamanı Sarkisyanla yanaşı, onun idarə etdiyi siyasi partiya və parlament fraksiyasının da bu qəbildən olduğunu bildirib: «Bu fraksiya üzvləri bundan ağıllı qərar qəbul edə bilməzdilər. Çünki daha çox karyeristlərin təmsil olunduğu bu partiya artıq çoxdan xalqın rəyinə tüpürüb».
«1in.am» saytına daşışan politoloq Respublika Partiyasının öz hakimiyyətini qorumaq üçün öz xalqının təhlükəsizliyi ilə əlaqəli təxribatlara belə, getməyə hazır olduğunu faciə kimi dəyərləndirir: «Onların 10 illik hakimiyəti də şantajla keçib. Məgər xalqın onlara necə nifrət etdiklərini görmürlər? Məncə, özünə dəyər verən hər bir kəs bunu anlayaraq, hakimiyyətdən getməlidir”.
Ağasəf Babayev




 
Bölməyə aid digər xəbərlər
19.03.2019
Ermənistan Azərbaycanla azaraq sərhədi keçmiş vətəndaşların mübadiləsinə hazırdır
18.03.2019
Naxçıvanda Çanaqqala zəfərinin ildönümü qeyd olunub
18.03.2019
Ermənistan Rusiya ilə razılıq əldə edə bilmədi
14.03.2019
Ermənistan müdafiə nazirinin müavini və iki vitse-qubernator vəzifələrindən azad edilib
14.03.2019
Ermənistanda vergilər artırıldı

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10698

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info