Misirdə Azərbaycan dilini tədris edən tədqiqatçı alim
Tarix: 02.05.2018 | Saat: 21:18:00 | E-mail | Çapa göndər


Azərbaycanın Misirdəki Diaspor Təşkilatları Birliyinin sədri, Qahirə Universitetinin müəllimi, tədqiqatçı alim Seymur Nəsirovla doğulub boya-başa çatdığı Astara rayonuna gəlib. Ürəyi hər zaman Vətən sevgisi ilə döyünən həmyerlimiz 20 ildən çoxdur ki, Misirdə ölkəmizi layiqincə təmsil edir. Bu illər ərzində davam edən elmi tədqiqatlar nəticəsində o, 700-ə yaxın müxtəlif mənbələrdən Azərbaycanın görkəmli şəxsiyyətləri barədə yeni məlumatlar əldə edib.
Misirdə Azərbaycan dilini tədris etməkdən qürur duyduğunu qeyd edən həmyerlimiz deyib: “Çoxdankı arzum 2016-2017-ci tədris ilində reallaşdı. Qahirə Universitetində Azərbaycan dilinin tədrisinə başlayanda sevincim yerə-göyə sığmırdı. Artıq Misirin üç nüfuzlu universitetində yüzlərə tələbəyə Azərbaycan dilini tədris etməklə onlara ölkəmizin tarixi, mədəniyyət və incəsənəti haqqında məlumat verirəm. Bu xeyirxah missiyanın həyata keçirilməsində Azərbaycanın Misirdəki səfirinin də böyük dəstəyi olub”.
Onun sözlərinə görə Misirin Əl-Əzhər Universitetinin humanitar fənlər fakültəsinin ardınca dillər və tərcümə fakültəsində də Azərbaycan dilinin tədrisinə başlanılacaq.
Misirdə Azərbaycan dilinin tədrisinin qarşılıqlı əlaqələrin inkişafındakı əhəmiyyətini yüksək dəyərləndirən S.Nəsirov bildirib ki, hazırda bu ölkənin ən mötəbər universitetlərində və rəhbərlik etdiyi “Halqa” Fondunun Qahirədəki ofisində 600 nəfərdən çox tələbə Azərbaycan dilini öyrənir.
“Bu gün ailədə Azərbaycan dili kimi, ərəb dilində də rahat danışırıq. Həyat yoldaşım Misirin Aynu-Şəms Universitetində dillər fakültəsinin ərəb dili bölməsini bitirib. Hazırda Azərbaycanın Misirdəki Diaspor Mərkəzində və bir neçə ali təhsil ocağında xarici tələbələrə Azərbaycan dilini tədris edir. Övladlarım - 11 yaşlı Əli və 9 yaşlı Mustafa orta məktəbdə ərəb və ingilis dillərində təhsil alırlar. Onların gələcəkdə ərəbşünas olması məni çox sevindirir. Çünki, hazırkı dövrdə Azərbaycanda ərəb dilini mükəmməl bilən mütəxəssislərə böyük ehtiyac var”,- deyə bildirib.
Seymur Nəsirovun gördüyü işlər dövlətimiz tərəfindən layiqincə qiymətləndirilib. Belə ki, o, xalqlar arasında dostluq əlaqələrinin möhkəmləndirilməsi və Azərbaycan diasporunun inkişafı sahəsindəki xidmətlərinə görə Prezident İlham Əliyevin müvafiq Sərəncamı ilə “Tərəqqi” medalı ilə təltif edilib.
Qeyd edək ki, S.Nəsirov 1998-ci ildə Bakı İslam Universitetini, 2002-ci ildə Misirdə Əl-Əzhər Universitetinin islamşünaslıq və ərəb dilinin filologiyası fakültəsini bitirib. 2006-cı ildə Misir Fətva Evində dörd il təhsilini davam etdirən həmyerlimiz 2011-ci ildə Qahirə Açıq Amerika Universitetində ərəb dili və ədəbiyyatı üzrə magistraturanı əla qiymətlərlə başa vurduqdan sonra öz ixtisası üzrə doktorantura təhsilini davam etdirib. O, bir sıra sanballı əsərlərin müəllifidir.
S.Nəsirov 2003-cü ildən Misir müftisi, professor Şeyx Əli Cümənin xarici tələbələr üzrə köməkçisi, 2007-ci ildən “Halqa” Fondunun təlim mərkəzinin, 2011-ci ildən isə Qahirə şəhərindəki “Halqa” Fondunun təsisçilərindən biri və baş direktorudur.
Fuad




 
Bölməyə aid digər xəbərlər
16.11.2018
“Hüquqi dövlət quruculuğunda məhkəmə-KİV münasibətlərinin inkişafı vacibdir”
16.11.2018
Azərbaycan Gənclərinin VIII Forumu keçirilib
16.11.2018
Dərman vasitələrinin qanunsuz dövriyyəsi ilə əlaqədar başlanmış cinayət işi məhkəməyə göndərilib
16.11.2018
Dövlət Miqrasiya Xidmətinin fəaliyyətində yeniliklər tətbiq olunur
16.11.2018
“Azərbaycanda hakimlərin sayı azdır”

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10486

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Monteneqroda Azərbaycanla bağlı sayt fəaliyyətə başlayıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info