İsa Həbibbəyli: “Heydər Əliyev bütün dünyanın diqqətini cəlb etmiş qüdrətli şəxsiyyətdir”
Tarix: 04.05.2018 | Saat: 18:57:00 | E-mail | Çapa göndər


Azərbaycan Milli Elmlər Akademiyasının (AMEA) Rəyasət Heyətində ümummilli lider Heydər Əliyevin anadan olmasının 95 illiyinə həsr edilən “Müstəqil Azərbaycan: reallıqlar və perspektivlər” mövzusunda elmi sessiya keçirilib.
AMEA-nın prezidenti, akademik Akif Əlizadə ümummilli lider Heydər Əliyevin həyat və fəaliyyətindən danışıb. Akademik bildirib ki, müstəqil Azərbaycanın banisi olan Heydər Əliyev tarixin çətin vaxtlarında hakimiyyətə gələrək böyük xidmətlər göstərib, xalqı parçalanmaqdan xilas edib. Ulu Öndər ölkəmizə rəhbərlik etdiyi vaxtda Azərbaycanın inkişafı və dünyada tanıdılması istiqamətində mühüm addımlar atıb.
Ulu öndər Heydər Əliyevin elmimizin inkişafındakı xidmətlərini xatırladan akademik vurğulayıb ki, ümummilli lider AMEA-nın işinin daim gücləndirilməsinə və zənginləşdirilməsinə xüsusi diqqət yetirib. Akademiyanın rəhbəri bildirib ki, ümummilli liderin əsasını qoyduğu siyasət bu gün Prezident İlham Əliyev tərəfindən layiqincə davam etdirilir və Azərbaycan inamla işıqlı gələcəyə addımlayır. Prezident seçkilərində İlham Əliyevə böyük etimad göstərilməsi dövlət başçısının xalqla həmrəyliyinin bariz nümunəsidir.
Sonra AMEA-nın vitse-prezidenti, akademik İsa Həbibbəyli “Heydər Əliyev: zaman və müasirlik” mövzusunda məruzə ilə çıxış edib.
İ.Həbibbəyli bildirib ki, görkəmli dövlət xadimi Heydər Əliyev XX əsrin ikinci yarısından etibarən bütün dünyanın diqqətini cəlb etmiş qüdrətli şəxsiyyətdir. Ulu öndər Heydər Əliyev yeni Azərbaycanın böyük yaradıcısı və qurucusu, xilaskarı və müdrik rəhbəridir. Akademik vurğulayıb ki, xalqımız ümummilli lider Heydər Əliyevin 95 illik yubileyini ölkəmizin məsuliyyətli və şərəfli tarixinin böyük hadisəsi kimi qeyd edir.
AMEA-nın vitse-prezidenti qeyd edib ki, hazırda ölkəmizdə ulu öndər Heydər Əliyevin böyük ideyaları ardıcıllıqla və dönmədən, uğurla həyata keçirilir. Prezidenti İlham Əliyev müstəqil Azərbaycanı yaradıcılıqla, yeni epoxanın reallıqlarına uyğun şəkildə böyük sürətlə inkişaf etdirərək yeni sabahlara doğru aparır.
Tədbirdə Milli Məclisin deputatı, professor Şəmsəddin Hacıyevin “İqtisadi inkişafın Azərbaycan modeli: Heydər Əliyevdən İlham Əliyevə” mövzusunda məruzəsi dinlənilib.
Müstəqillik dövründə Azərbaycanın keçdiyi iqtisadi inkişaf yolunu tutarlı arqumentlərlə təhlil edən Ş.Hacıyev bildirib ki, Azərbaycanın iqtisadi inkişaf modeli ulu öndər Heydər Əliyevin adı ilə bağlıdır. Ölkəmizin bu iqtisadi uğurlarını Prezident İlham Əliyev yüksələn xətlə davam etdirir. Azərbaycanda dayanıqlı, davamlı inkişafın formalaşmasından danışan professor iqtisadi inkişaf yolu, aparılan siyasət və onun nəticələri barədə ətraflı məlumat verib.
Sonra Memarlıq və İncəsənət İnstitutunun direktoru, AMEA-nın müxbir üzvü Ərtegin Salamzadə “Təsviri sənətdə Heydər Əliyevin obrazı” mövzusunda məruzə ilə çıxış edib. Ə.Salamzadə bildirib ki, ulu öndər Heydər Əliyevin təsviri və dekorativ-tətbiqi sənətlərin bütün növlərində yaddaqalan surətləri yaradılıb. Yağlı və sulu boya, karandaşla işlənmiş, parlaq, rəngarəng xalça ilmələri vasitəsilə təcəssüm etdirilmiş obrazlar silsiləsi müasir incəsənətin ən dəyərli nümunələrindən hesab olunur.
Vurğulanıb ki, rəngkarlıq və qrafikada olduğu kimi, heykəltəraşlıqda da ümummilli lider Heydər Əliyevin yüksək dinamikliyi ilə seçilən, ifadəli üz cizgilərinə malik möhtəşəm heykəlləri yaradılıb. Bu heykəllər həm Azərbaycan, həm də dünya incəsənətində özünəməxsus yer tutur.
Ə.Salamzadə qeyd edib ki, Ulu Öndərin obrazı dekorativ-tətbiqi sənətdə də əksini tapıb. Natiq bu sahədə əsas yeri xalçaçılığın tutduğunu vurğulayıb: “Son illər üzərində Heydər Əliyevin təsvirləri olan bir-birindən gözəl, rəngarəng xalçalar toxunulub. Bundan başqa, Ulu Öndərin daş, çaylaq daşı, ağac və digər materiallar üzərində oyma və yonma üsulu ilə hazırlanmış təsvirlərinə də rast gəlinir. Eləcə də onun zərgərlik, misgərlik sahələrində, basma və başqa üsullarla yaradılmış surətlərinə də təsadüf olunur”.

Nigar




 
Bölməyə aid digər xəbərlər
13.11.2018
“Bakcell”in dəstəyi ilə keçirilmiş M.A.P. Festivalı teatr həvəskarlarına unudulmaz təəssüratlar bəxş edib
13.11.2018
Gömrük əməkdaşları üçün seminar təşkil edilib
13.11.2018
“Dini radikalizmi doğuran əsas səbəblərdən biri İslam haqqında biliklərin az olmasıdır“
13.11.2018
“Nərimanov“ elektrik deposunda qatarlara texniki baxış sahəsi yenidən qurulur
13.11.2018
1100-dək kiçik ailə təsərrüfatı yaradılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10462

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitetlərdə rəhbər şəxslərin qapıları tələbələr üçün daim açıq olur”
4 Polşalı şagirdlər Azərbaycan nağıllarına illüsturasiyalar çəkiblər
5 “2019-cu ildə əmək haqları və pensiyalar artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info