Bilik Fondu III Beynəlxalq Şagird Konfransı keçirib
Tarix: 05.05.2018 | Saat: 00:16:00 | E-mail | Çapa göndər


Prezident yanında Bilik Fondunun təşkilatçılığı ilə Azərbaycan Milli Elmlər Akademiyasının Mərkəzi Elmi Kitabxanasında Azərbaycan Xalq Cümhuriyyətinin yaranmasının 100 illiyinə və ümummilli lider Heydər Əliyevin anadan olmasının 95-ci ildönümünə həsr olunmuş “Azərbaycan: müasirlik və gələcəyin qovuşuğunda” mövzusunda III Beynəlxalq Şagird Konfransı öz işinə başlayıb.
Bilik Fondunun Mətbuat xidmətindən “Palitra”ya bildiriblər ki, Azərbaycanın 26 bölgəsindən 80, xarici ölkələrdən – Türkiyə, Rusiya, Gürcüstan, Misir və İsraildən 21 məktəblinin qatıldığı konfransda 101 şagird iştirak edir.
Bilik Fondunun icraçı direktoru Oktay Səmədov Beynəlxalq Şagird Konfransında açılış nitqi söyləyərək, mötəbər tədbirdə iştiraklarına görə məktəblilərə minnətdarlığını bildirib. Ölkə başçısının "Azərbaycan Xalq Cümhuriyyətinin 100 illik yubileyi haqqında" imzaladığı sərəncamla yanaşı, bu ilin həm də ümummilli lider Heydər Əliyevin anadan olmasının 95-ci ildönümü olduğunu xatırladan O.Səmədov şagirdlərin beş bölmə üzrə konfransa təqdim etdikləri yazıların mütəxəssislər tərəfindən seçildiyini, əsasən, səmimi hislərini dolğun fikirlərlə fərqli üslubda qələmə alanlara üstünlük verildiyini vurğulayıb.
İcraçı direktor qeyd edib ki, konfransın materiallarından ibarət toplu dərc olunur. Hər bir iştirakçıya elektron formada təqdim edilən topluda məktəblilərin Azərbaycan dilində 70, rus dilində 17, ingilis dilində 6 və türk dilində 6 məqaləsi əksini tapıb. Konfransa qatılan xarici ölkə məktəblilərinə paytaxt Bakını daha yaxından tanımağa, yaşıdları ilə dostluq münasibətləri qurmağa şərait yaradılacağını vurğulayan icraçı direktor onlara elmin yolunda mətin addımlarla irəliləməyi arzulayıb. Plenar iclasda AMEA Nəsimi adına Dilçilik İnstitutunun direktoru, akademik Möhsün Nağısoylu, Təhsil Nazirliyinin aparıcı məsləhətçisi Afət Süleymanova, Bakı Şəhəri üzrə Baş Təhsil İdarəsinin aparıcı məsləhətçisi Namiq Ağayev, Misir səfirliyinin mədəniyyət attaşesi Əhməd Sami Elaydi çıxış ediblər. Qeyd ediblər ki, belə tədbirlər yeniyetmələrin təfəkkürünün formalaşmasında, biliklərinin artmasında, onların vətənpərvər ruhda inkişaf etməsində böyük rol oynayır. Məktəblilər - Türkiyədən Asya Aslantürk, Rusiyadan Anna Sanina, Gürcüstandan Luka Gegeşidze, Azərbaycandan Ümid Həbibov çıxışlarında müsabiqənin qalibləri olduqlarına görə sevindiklərini və Beynəlxalq Şagird Konfransına qatıldıqları üçün qürur duyduqlarını dilə gətiriblər.
Cəbrayıl rayonu Novruz Aslanov adına Cocuq Mərcanlı kənd tam orta məktəbinin şagirdi Samirə Orucova növbəti beynəlxalq konfransın Qarabağda keçirilməsini arzuladığını deyib və xarici yaşıdlarını işğaldan azad olunan Cocuq Mərcanlı kəndinə dəvət edib. Konfrans çərçivəsində Heydər Əliyev adına Müasir Təhsil Kompleksinin, Türkiyənin Bandırma Yavuz Sultan Səlim Anadolu Liseyinin və Rusiyanın Mıtişi şəhər 31 nömrəli orta ümumtəhsil məktəbinin şagirdləri arasında “Qardaşlaşma Sazişi” imzalanıb.
AMEA Mərkəzi Elmi Kitabxanasının konfrans zallarında “Heydər Əliyev və azərbaycançılıq”, “Azərbaycan dili və ədəbiyyatı”, “Azərbaycan mədəniyyəti və incəsənəti”, “Azərbaycan tarixi və coğrafiyası”, “Azərbaycanı tanıyaq” mövzularında keçirilmiş bölmə iclaslarında Azərbaycan, türk, rus və ingilis dillərində məruzələr dinlənilib. Məruzələr ətrafında aparılan müzakirələrdən sonra məktəblilərə iştirakçı sertifikatları və Bilik Fondunun hədiyyələri təqdim edilib.
Bədii hissədə Yasamal rayonu 24 saylı Uşaq və Gənclərin Yaradıcılıq Mərkəzinin hazırladığı musiqili kompozisiya nümayiş olunub. Bu gün konfransa xarici ölkələrdən qatılan iştirakçılar şəhərimizin görməli yerləri ilə tanış olacaqlar.

Anar




 
Bölməyə aid digər xəbərlər
14.09.2019
Uyğun qiymətə mənzil təminatının inkişafına dair Strateji Yol Xəritəsi müzakirə olunub
14.09.2019
Azərbaycan-Qazaxıstan dostluq parkının təməli qoyulub
14.09.2019
Türkiyənin ehtiyatda olan zabitləri və müharibə veteranları DOST Agentliyində olub
14.09.2019
DİN Tovuzda keçmiş məhkəmə sədrinin qətli ilə bağlı məlumat yayıb
14.09.2019
Adam Draper ilə virtual reallıqda təlim təşkil olunub

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10886

1 Tələbələrə Prezident təqaüdünün verilməsi haqqında Sərəncam imzalandı
2 Prezident İlham Əliyev AŞPA-nın prezidentini qəbul edib
3 Müəllimlərin dərs yükü norması artırıldı
4 Daxili İşlər nazirindən yeni təyinat
5 Prezident təqaüdü alacaq tələbələrin yarısı regionların payına düşür


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info