“ArmenianReport”: “Rusiya artıq bizi qanlı qucağında saxlaya bilməyəcək”
Tarix: 06.05.2018 | Saat: 09:59:00 | E-mail | Çapa göndər


““Satqın“ Mixail Leontiev erməni xalqına təhqir edib..?”

“Bizi öz qanlı qucağında saxlaya bilməyəcəyini başa düşən Rusiya, indi də öz sərxoşlarının dili ilə erməni xalqını təhqir etməyə
başlayıb”. Bu ermənilərin rusiyalı telejurnalist Mixail Leontyevin "Komsomolskaya Pravda" radiostansiyasının efirində səsləndirdiyi "Rusiya olmasaydı, fiziki cəhətdən nə Ermənistan olardı, nə də bir erməni" fikirlərinə cavablarıdır.

“ArmenianReport” saytının yazdıgına görə, “Putin indi Serj Sarkisyana çox hiddətlənib. Çünki o öhdəsində olan güc, aktivində olan milyardlarla dollar vəsaitə baxmayaraq, özünü xilas edə bilmədi”.
Paşinyanı Putinin yuxuları üçün qorxulu kabus kimi dəyərləndirən erməni saytı yazır: “Bizim sivil bir xalq oldugumuzu inkar etməyə sizin haqqınız yoxdur. Ona görə də biz, sizdən fərqli olaraq, sivil bir cəmiyyətdə yaşamaq istəyirik. Bunun üçün, ilk olaraq, sizdən xilas olmağımız vacibdir. Bu, Ermənistanın və erməni xalqının fiziki yaşaması məsələsidir. Rusiya artıq bizi qanlı qucağında saxlaya bilməyəcəyini anlamaga başlayıb. Ermənistanı əldən verməmək üçün artıq yollar axtarışına cıxıb. Putin bunun üçün öz sərxoşlarının xidmətindən belə yararlanmaga çalışır.
Kremlin bir sıra təbliğatçıları artıq “Ermənistanın Rusiyaya ehtiyacı yoxdur” kimi tezislərini yayıblar. Təbii ki, bu Kremlin İrəvan qarşısında, bir növ, məğlubiyyətinin etirafıdır.
Bu, rusların insan yolunda təşkil edə bilməyəcəyi təslimdir. Ona görə də onlar erməni xalqına yalan vədlər verməkdən, hətta yalvarmaqdan belə çəkinmirlər.
Ancaq hazırda əbədi olaraq tükənən sərxoş Mixail Leontiev ayrı cür dəyərləndirilməlidir. Lakin, bu da Putin Rusiyasının üzünü göstərən təbliğatın bir formasıdır. Məhz bütün bu amillər Ermənistana bu ölkənin təsirindən tez bir zamanda, özü də ən böyük sürətlə qaçmasını vacb edir”.
Sayt Mixail Leontievin dediklərini Nikol Paşinyanın nəzərinə çatdiraraq, gələcəkdə “sərxoş rusun” Ermənistana girişinə qadaga qoymaga çagırır.. Maraqlısı odur ki, az qala bütün rusları icki düşkünü kimi dəyərləndirən sayt, erməniləri qürurlu, özünü təmin edən sivil xalq kimi təqdim edir: “Ermənistanda rus əyyaşına gülürlər. Artıq Ermənistan deyilən karvan, Putinin itlərinin hürüşünə heç bir diqqət yetirmir. O, sivilizasiyaya, yəni Rusiyadan uzaqlaşmağa davam edir”. Bunları erməni saytından oxuyarkən, Dosteyevskinin yazdığı “özünə də yalan satan insanın bir müddətdən sonra doğru ilə yalanı bir-birindən ayırmaz” kəlamı ilə yanaşı, bizim “araba kölgəsində yatan itin...” deyimini xatırladım.
Ağasəf Babayev




 
Bölməyə aid digər xəbərlər
15.02.2019
Yerevanda “Rusiyada necə inqilab etməli?” kursları keçirilib
15.02.2019
«Ermənilər xarici yardım hesabına yaşamağa alışıblar»
15.02.2019
Yerevanda avtobus sürücüləri tətil edirlər
15.02.2019
İslamabadda “İpək yolunun dostları” təşəbbüsünə start verilib
15.02.2019
ABŞ Rusiya ilə Almaniya arasında “Berlin divarı” çəkə biləcəkmi?

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 Qabaqcıl texnologiyalar dövründə ənənəvi və internet medianın inkişafı
5 “Əsas oxucu kütləsi sayılan gənclər bu gün internet mediaya daha çox üstünlük verirlər”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info