Rustam Kurbanov: “Azərbaycanla olan dostluq münasibətləri uğurla davam etdirilir”
Tarix: 14.05.2018 | Saat: 15:05:00 | E-mail | Çapa göndər


Daşkənddəki Azərbaycan Milli Mədəniyyət Mərkəzi ulu öndər Heydər Əliyevin 95 illiyi ilə bağlı mərasim keçirib.
Tədbirin əvvəlində ümummilli lider Heydər Əliyevin həyat və fəaliyyətini əks etdirən kitab və fotoşəkillərdən ibarət sərgi nümayiş olunub.
Mərkəzin sədri Firdovsi Hüseynov Ulu Öndərin həyat və fəaliyyəti haqqında iştirakçılara ətraflı məlumat verib. Qeyd edib ki, xaricdəki diasporun təşkilatlanması, Bakıda dünya azərbaycanlılarının qurultaylarının keçirilməsi ideyası məhz ulu öndər Heydər Əliyevə məxsusdur.
Özbəkistan Nazirlər Kabineti nəzdindəki millətlərarası münasibətlər və xarici ölkələrlə dostluq əlaqələri komitəsinin sədri Rustam Kurbanov Heydər Əliyevin Azərbaycan xalqı və dövləti qarşısındakı xidmətlərindən danışıb. O deyib ki, Azərbaycan və Özbəkistan arasında ikitərəfli münasibətlərin əsası ümummilli lider Heydər Əliyev və Özbəkistanın birinci Prezidenti İslam Kərimov tərəfindən qoyulub. Bu gün bu səmimi dostluq münasibətləri Azərbaycan və Özbəkistanın dövlət başçıları İlham Əliyev və Şavkat Mirziyoyev tərəfindən uğurla davam etdirilir.
Azərbaycanın və Özbəkistanın Xalq Artisti, Nəvai adına Özbəkistan Opera və Balet Teatrının baş rejissoru Firudin Səfərov Heydər Əliyevlə Bakıda və Daşkənddə görüşlərini xatırladaraq deyib ki, Ulu Öndər mədəniyyətin dərin bilicisi idi və mədəniyyət xadimlərinə yüksək qiymət verirdi.
Dünya Azərbaycanlılarını Əlaqələndirmə Şurasının üzvü Mobil Məmmədov, pedaqoji elmlər doktoru Almaz Məcidova, qardaş özbək xalqının nümayəndəsi Xaitbəy Djappakov ulu öndər Heydər Əliyevi dünya şöhrətli siyasətçi və dövlət xadimi kimi xarakterizə ediblər.
Tədbirdə Ulu Öndərin həyat və fəaliyyəti ilə bağlı sənədli film nümayiş etdirilib, şagirdlər onun haqqında şeirlər söyləyiblər. Özbəkistanın Sırdərya vilayətində yaşayan Əli Nəsirli də Heydər Əliyevə həsr etdiyi şeirini oxuyub.
Tural




 
Bölməyə aid digər xəbərlər
22.01.2019
Ermənistanda bir ildə korrupsiya ilə bağlı 8 mindən çox fakt qeydə alınıb
21.01.2019
Ərdoğan Tramp və Putinlə razılaşmağa çalışır
21.01.2019
Ukraynada yaşayan azərbaycanlının prezidentliyə namizədliyi qeydə alınıb
21.01.2019
Ermənistana yatırılan sərmayə 11 dəfə azalıb
21.01.2019
Fransada erməni mafiozlara qarşı xüsusi əməliyyat keçirilib

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Dərslər təxirə salındı
2 Nikola Sarkozi: “Bakıda böyük quruculuq işlərinin şahidi oldum”
3 “Mənim güc mənbəyim Bakıdadır”
4 Mehman Hüseynov Prezident İlham Əliyevə müraciət ünvanlayıb
5 Yalçın Topçu: “Türkiyə və Azərbaycan arasında ticarət daha da artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info