“AmCham Azərbaycan”ın nümayəndə heyəti ABŞ-da işgüzar səfərdədir
Tarix: 14.05.2018 | Saat: 17:37:00 | E-mail | Çapa göndər


Azərbaycanda fəaliyyət göstərən və ABŞ investisiyasını təmsil edən 10 nəfərdən artıq şirkət rəhbərindən ibarət nümayəndə heyəti Azərbaycanda Amerika Ticarət Palatasının (“AmCham Azərbaycan”) dördgünlük “Door-Knock” missiyası çərçivəsində mayın 14-də Vaşinqtona səfər edib.

“AmCham Azərbaycan”ın icraçı direktoru xanım Natəvan Məmmədova və BP şirkətinin Azərbaycan, Gürcüstan və Türkiyə üzrə vitse-prezidenti, “AmCham Azərbaycan”ın Direktorlar Şurasının üzvü Bəxtiyar Aslanbəylinin rəhbərlik etdiyi nümayəndə heyətində “Chevron Xəzər”, “KPMG Azərbaycan”, “Coca-Cola”, “Nobel Oil”in Azərbaycan filialı, “FedEx Express”, “Cross Caspian Oil and Gas Logistics”, “Boeing” və “John Deere” şirkətlərinin təmsilçiləri iştirak edirlər.

“AmCham” tarixində ilk dəfə keçirdiyi “Door-Knock” missiyasının məqsədi Azərbaycana investisiyaları təşviq etməkdən ibarətdir. Bu məqsədlə “AmCham” nümayəndələri dörd gün ərzində ABŞ Konqresinin üzvləri, Administrasiya rəsmiləri, analitik mərkəzlərin əməkdaşları, ABŞ biznes icmasının rəhbərləri və digər şəxslərlə çoxsaylı görüşlər keçirəcək. Görüşlər zamanı nümayəndə heyəti müvafiq şəxslərə Azərbaycanın hazırkı iqtisadi vəziyyəti, biznes imkanlarının potensialı və ABŞ-Azərbaycan iqtisadi münasibətləri haqqında ətraflı məlumat verəcək.

Bundan başqa, səfər zamanı nümayəndə heyəti ABŞ Ticarət Palatasında keçiriləcək Üçüncü Trans-Xəzər Forumuna da qatılacaq. Forumda ABŞ-ın və Trans-Xəzər dəhlizi ölkələrinin ictimai xadimləri və biznes liderləri bir araya gələrək strateji tərəfdaşlığın inkişaf etdirilməsi, o cümlədən biznes, ticarət və investisiya imkanlarını müzakirə edəcəklər.

Növbəti günlər ərzində missiya və onun nəticələri barədə ətraflı məlumat ictimaiyyətə təqdim ediləcək.

Qeyd edək ki, “AmCham Azərbaycan” xarici və yerli biznesin maraqlarını dəstəkləyən və təşviq edən özəl, qeyri-kommersiya əsaslı, aparıcı ticarət-sənaye assosiasiyasıdır. 1996-cı ildə yaradılmış “AmCham Azərbaycan” iqtisadiyyatın hər bir sektorunda fəaliyyət göstərən 280-dən çox üzv və köməkçini özündə birləşdirir. Palata ölkədə bütün xarici investisiyaların təxminən 80%-ni, eləcə də yerli biznesin mühüm hissəsini təmsil edir.




 
Bölməyə aid digər xəbərlər
14.11.2018
Merkel Avropa İttifaqının öz ordusunun yaradılması tərəfdarıdır
14.11.2018
Tramp İrana görə Tereza Meyi tənqid etdi
14.11.2018
Türkmənistan qazı TAPI boru kəməri ilə iki il ərzində Pakistana çatdırılacaq
14.11.2018
İraqın şimalında 19 terrorçu zərərsizləşdirilib
14.11.2018
Jan-Klod Yunkerin xələfi olmağa ən şanslı namizəd kimdir?

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10467

1 “Universitetlərdə rəhbər şəxslərin qapıları tələbələr üçün daim açıq olur”
2 Polşalı şagirdlər Azərbaycan nağıllarına illüsturasiyalar çəkiblər
3 “Xaricdə təhsilimi davam etdirsəm, psixologiya sahəsini seçəcəyəm”
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info