TWESCO Özbəkistanda ilk beynəlxalq tədbirini reallaşdırıb
Tarix: 14.05.2018 | Saat: 18:32:00 | E-mail | Çapa göndər


Beynəlxalq Türk Akademiyasının (TWESCO) təşkilatçılığı ilə Özbəkistanın paytaxtı Daşkənddə “Özbək dilinin beynəlxalq türkologiyada rolu və əməkdaşlığın perspektivləri” adlı beynəlxalq konfransı keçirilib.
Əlişir Nəvai adına Daşkənd Dövlət Özbək Dili və Ədəbiyyatı Universiteti ilə birlikdə keçirilən konfransda iştirakçılar öncə Əlişir Nəvai adına Milli parkda böyük şairin memorial kompleksini ziyarət edib, abidəsi önünə gül dəstələri düzüblər.
Azərbaycan, Qazaxıstan, Qırğızıstan, Rusiya, Türkiyə və digər ölkələrdən alimlərin qatıldığı tədbirdə Universitetin rektoru Şuxrat Sirojiddinov qonaqları salamlayaraq konfransın əhəmiyyəti barədə danışıb.
TWESCO prezidenti, professor Darxan Kıdırəli konfransa ev sahibliyi etdiyi üçün Özbəkistan tərəfinə minnətdarlıq edib və bu tədbirin gələcək əməkdaşlıq üçün möhkəm və sağlam təməl yaradacağına inandığını bildirib. Özbəkistanın Türkdilli Dövlətlərin Əməkdaşlıq Şurasından ayrı qalmasının ciddi bir çatışmazlıq kimi özünü göstərdiyini, Özbəkistan Prezidenti Şavkat Mirzayevin Şuraya üzv olacaqlarını bəyan etməsindən sonra Beynəlxalq Türk Akademiyası olaraq yaranan boşluğu ən qısa zamanda dolduracaq işlər görmək, müxtəlif ortaq layihələr həyata keçirmək istədiklərini vurğulayıb. Eyni zamanda, Akademiya rəhbəri təşkilatın indiyədək həyata keçirdiyi layihələr barədə geniş məlumat verib.
Daşkənddəki Heydər Əliyev adına Azərbaycan Mədəniyyət Mərkəzinin direktoru Samir Abbasov eyni dilə, dinə, mədəniyyətə malik olan xalqlarımızın ortaq gələcək inşa etmələri üçün əməkdaşlığın və birlikdə fəaliyyətin zəruriliyinə diqqət çəkib. Tanınmış türkoloq, akademik Kadirali Konkobaev, Qazaxıstan Yazıçılar Birliyinin sədri Esdaulet Uluqbek və digərləri konfransın türk dünyası üçün əhəmiyyətinə diqqət çəkərək, təşkilatçılara uğurlar arzulaybılar.
TWESCO-dan geniş nümayəndə heyətinin qatıldığı konfransda Qazaxıstanın Özbəkistandakı səfirinin, nüfuzlu alim və türkoloqların çıxışları dinlənilib və əməkdaşlıqla bağlı təkliflər səsləndirilib.
Tədbirdə böyük qazax şairi Mağcan Cumabayın TWESCO tərəfindən özbək dilinə tərcümə olunmuş “Tanlanqan asarlar” kitabının təqdimat mərasimi keçirilib.
Həmçinin, Qaraqalpaqıstanın xalq şairi Müzəffər Əhməd və filologiya elmləri doktoru, professor Nasimxon Raxmonova Akademiyanın gümüş medalı təqdim olunub.
Konfrans çərçivəsində Beynəlxalq Türk Akademiyasının nəşrlərindən ibarət kitab sərgisi də təşkil olunub.
Qeyd edək ki, konfrans çərçivəsində Beynəlxalq Türk Akademiyası ilə Daşkənd Dövlət Özbək Dili və Ədəbiyyatı Universiteti arasında əməkdaşlıq memorandumu imzalanıb.
Akademiya prezidenti D.Kıdıarlinin başçılığı ilə TWESCO nümayəndə heyətinin Özbəkistana səfəri çərçivəsində Özbəkistan Milli Elmlər Akademiyasında, Özbəkistan İncəsənət Muzeyində və Özbəkistan Yazıçılar Birliyində də görüşlər keçirilib.
Özbəkistan Milli Elmlər Akademiyasının prezidenti, akademik Behzod Yuldaşevlə ikitərəfli əməkdaşlığın perspektivləri müzakirə edilib, konkret təkliflər ətrafında fikir mübadiləsi aparılıb və yaxın gələcəkdə iki qurum arasında memorandumun imzalanması barədə ilkin razılıq əldə olunub.
Eyni zamanda, Akademiyanın nümayəndə heyəti Özbəkistan İncəsənət Muzeyində böyük qazax şairi Abayın şərəfinə təşkil olunan mərasimdə iştirak edib.
Özbəkistan Yazıçılar Birliyində özbək və qazax yazıçılar arasında keçirilən görüşdə isə iki ölkənin ədəbi əlaqələrinin genişləndirilməsi müzakirə olunub, ortaq dəyərləri bölüşən qardaş xalqların daha da yaxınlaşmasında ədəbiyyatın önəmi vurğulanıb.

Fuad Hüseynzadə




 
Bölməyə aid digər xəbərlər
24.09.2018
“ADEX-2018” müdafiə sərgisində 29 ölkədən 224 şirkət iştirak edəcək
24.09.2018
Diaspor təşkilatları əməkdaşlığı gücləndirirlər
24.09.2018
Dövlət Sərhəd Xidməti Akademiyasında kursantların andiçmə mərasimi keçirilib
22.09.2018
Reytinq: Bakı dünyanın ən təhlükəsiz 41 şəhəri sırasında yer alıb
22.09.2018
Xüsusi Olimpiya Hərəkatı gənc liderlərin 20-ci Qolobal Forumu keçiriləcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10136

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info