BƏT-in Baş direktoru Qay Rayder Azərbaycana gələcək
Tarix: 15.05.2018 | Saat: 17:13:00 | E-mail | Çapa göndər


Növbəti həftə ölkəmizdə BMT-nin Dayanıqlı İnkişaf Məqsədlərinə doğru
davamlı inkişafın və layiqli əməyin təbliği məsələlərinə həsr olunmuş
beynəlxalq konfrans keçiriləcək


Mayın 21-də Əmək və Əhalinin Sosial Müdafiəsi Nazirliyinin, Azərbaycan Həmkarlar İttifaqları Konfederasiyasının, Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının və Beynəlxalq Əmək Təşkilatının (BƏT) birgə təşkilatçılığı ilə Bakı şəhərində “Dayanıqlı İnkişaf Məqsədlərinə doğru, davamlı inkişafın və layiqli əməyin təbliği” mövzusuna həsr olunmuş beynəlxalq konfrans keçiriləcək.
Konfransda iştirak etmək üçün BƏT-in Baş direktoru Qay Rayderin ölkəmizə səfəri planlaşdırılıb. Bu, Azərbaycan Respublikasının BƏT-ə üzv olduğu dövrdə Təşkilatın Baş direktorunun ölkəmizə ilk səfəri olacaq. Tədbirdə beynəlxalq qurumların, ayrı-ayrı ölkələrin hökumətlərinin, həmkarlar ittifaqlarının və işəgötürənlər təşkilatlarının yüksək səviyyəli nümayəndələri iştirak edəcəklər.
BMT-nin 2016–2030-cu illər üçün Dayanıqlı İnkişaf Məqsədləri bəşəriyyəti dayanıqlı inkişaf yoluna səfərbər etmək üçün dünya liderləri arasında razılaşdırılaraq təsdiqlənmiş hədəfləri özündə əhatə edir. Azərbaycan Respublikası da BMT-yə üzv dövlətlərin 2015-ci ilin sentyabr ayında keçirilən Dayanıqlı İnkişaf Sammitində Dayanıqlı İnkişaf Məqsədlərinə qoşulub. Milli inkişaf prioritetlərini Dayanıqlı İnkişaf Məqsədlərinə uyğunlaşdıran Azərbaycan bu Məqsədlərin icrası istiqamətində uğurlu nəticələrə imkan verən fəal siyasətin həyata keçirildiyi ölkələrdən biridir. Hazırda Məqsədlərin icrası işlərinin əlaqələndirilməsi üçün ölkəmizdə aidiyyəti dövlət orqanlarının və sosial tərəfdaşların rəhbər şəxsləri səviyyəsində Dayanıqlı İnkişaf üzrə Milli Əlaqələndirmə Şurası da fəaliyyət göstərir.
Eyni zamanda, ötən dövrdə ölkəmizdə həyata keçirilən inkişaf strategiyasında məşğulluq amili ön planda saxlanılmaqla, əmək bazarının inkişafı və əhalinin səmərəli məşğulluğunun təminatı istiqamətində mühüm irəliləyişlərə nail olunub. Bunun nəticəsidir ki, Azərbaycan BMT-nin “2030 Gündəliyi”nin və Dayanıqlı İnkişaf Məqsədlərindən 8-ci Məqsədin (Layiqli əmək və iqtisadi inkişaf) icrası ilə bağlı region üzrə fokus ölkə kimi müəyyən olunub. “Dayanıqlı İnkişaf Məqsədlərinə doğru, davamlı inkişafın və layiqli əməyin təbliği” mövzusuna həsr olunmuş beynəlxalq konfransın ölkəmizdə keçirilməsi də Azərbaycanda dayanıqlı inkişaf şəraitində əmək və məşğulluq sahəsində həyata keçirilən uğurlu islahatlara, əldə olunan nailiyyətlərə beynəlxalq səviyyədə yüksək dəyər verildiyinin növbəti əyani ifadəsidir.
Konfrans çərçivəsində “Əməyin arzuolunan gələcəyi” mövzusunda plenar sessiya keçiriləcək, iqtisadi inkişafın inklüziv, davamlı və iş yerlərinin açılması baxımından səmərəliliyinin təmin edilməsi, qeyri-rəsmi iqtisadiyyatdan rəsmi iqtisadiyyata keçid, Dayanıqlı İnkişaf Məqsədləri üzrə monitorinq sistemlərinin tətbiqi məsələləri ətrafında panel iclaslar səviyyəsində müzakirələr aparılacaq. Layiqli əmək konsepsiyasının təbliği və reallaşdırılmasında region ölkələrinin əldə etdiyi nailiyyətlər nəzərdən keçiriləcək, təcrübə mübadiləsi aparılacaq.
Konfrans zamanı “Bakı EXPO 2025” ilə bağlı təqdimatın keçirilməsi də nəzərdə tutulub.
Tural




 
Bölməyə aid digər xəbərlər
20.07.2019
Ali Baş Komandanın qarşımızda qoyduğu ən əsas tapşırıq yüksək döyüş hazırlığıdır
20.07.2019
İqor Dodon: Moldova ilə Azərbaycan arasında çox gözəl əməkdaşlıq əlaqələri mövcuddur
19.07.2019
Xarici işlər naziri Elmar Məmmədyarov Çinin ölkəmizdəki yeni səfiri ilə görüşüb
17.07.2019
“Rusiya Azərbaycanlıları İttifaqı gündəmə bəyanatla yox, əməli işlə gəlir”
17.07.2019
STM-də millət vəkili Əli Hüseynli ilə görüş keçirilib

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 “4-cü qrupa hazırlaşan hər bir abituriyentin arzusu həkim olmaqdır”
2 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
3 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
4 Dünya brendi olmağı hədəfləyən azərbaycanlı gənc
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info