“Star” zavodu üçün ilk neft Azərbaycandan göndəriləcək
Tarix: 22.05.2018 | Saat: 00:08:00 | E-mail | Çapa göndər


“SOCAR-ın 6,3 milyard dollar kapitalla Türkiyənin İzmir şəhərinin Əliağa rayonunda, “Petkim” neft-kimya kompleksinin ərazisində inşasını davam etdirdiyi “Star” neft emalı zavodu üçün ilk neft yükü iyunda Azərbaycandan göndəriləcək.” Bu barədə “Star” neft emalı zavodunun baş direktoru Mesut İlter deyib. O bildirib ki, iyun ayının sonunda ilk neft yükü simvolik olaraq Azərbaycandan göndəriləcək. Artıq bununla bağlı razılıq əldə olunub. İlk xam neft emalı qurğusu isə iyulun üçüncü həftəsində istismara veriləcək: “İndiyədək “Star” layihəsi üzrə 99,1 faiz irəliləyişə nail olunub və 5,2 milyard dollar xərclənib. Zavod oktyabrın əvvəlində istifadəyə verildikdə 6,3 milyard dollarlıq investisiya da tamamlanacaq”. “Neftin qiymətinin 100 dollar/barelə qədər yüksələcəyini düşünmürəm. Qiymətin 60-75 dollar/barel arasında olması həm istehsalçılar, həm də istehlakçılar üçün ideal səviyyədir”, - deyə o bildirib. Qeyd edək ki, layihə üzrə indiyədək ümumilikdə 16 min nəfər çalışıb və 100 milyon/saat iş görülüb. Yay aylarından etibarən zavod sınaq rejimində çalışacaq. Zavodda istehsal olunacaq ilk məhsul sentyabrın sonuncu həftəsində tankerlərlə yola salınacaq. İllik 10 milyon ton xam neft emal gücü olacaq “Star” neft emalı zavodunda xam neft ilə əsas və ya digər məhsulların saxlanması məqsədilə tikilən ümumilikdə 76 ədəd çənin montajı və test işləri tamamlanıb. Gündəlik 34 min kubmetr xam neft emal edəcək zavod Türkiyənin illik kəsirini təxminən 1,5 milyard dollar azaldacaq. 2018-ci ilin üçüncü rübündə zavodda istehsal ediləcək məhsulların satışının həyata keçirilməsi planlaşdırılır. “Star” neft emalı zavodu bu ilin dekabr ayından etibarən tam gücü ilə çalışmağa başlayacaq. “Star” hər il 10 milyon ton xam neft emal edəcək. Zavodda ildə 1,6 milyon ton nafta, 1,6 milyon ton təyyarə yanacağı, 4,8 milyon ton az kükürdlü dizel yanacağı, 700 min ton neft koksu və 160 min ton kükürd istehsal olunacaq.




 
Bölməyə aid digər xəbərlər
18.07.2019
Qubada keçiriləcək vətəndaş qəbulunun vaxtı dəyişdirilib
18.07.2019
Bəzi marşrut xətləri üzrə avtobusların hərəkət sxemi dəyişdiriləcək
18.07.2019
Maliyyə Nazirliyi 6 ayda dövlət büdcəsinin icrasına dair məlumat yayıb
18.07.2019
Prezident Avropa İttifaqı Şurası və Avropa Komissiyasının yeni seçilmiş prezidentlərini təbrik edib
18.07.2019
Milli valyutada olan əmanətlər 25,8 faiz artıb

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10831

1 “4-cü qrupa hazırlaşan hər bir abituriyentin arzusu həkim olmaqdır”
2 Dünya brendi olmağı hədəfləyən azərbaycanlı gənc
3 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
4 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”
5 “Ermənistana qarşı iqtisadi sanksiyalar tətbiq olunmalıdır”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info