Mövsümi meyvələrin faydası
Tarix: 22.05.2018 | Saat: 15:43:00 | E-mail | Çapa göndər


Mövsümi meyvələr orqanizm üçün çox faydalıdır.
AZƏRTAC xəbər verir ki, həmin meyvələrin tərkibində olan maddələr orqanizmin vitamin və elementlərə olan tələbatının xeyli hissəsini ödəyir.
Alça mövsümi meyvələrin içərisində çox sevilənlərdən biridir. Onun tərkibi qida lifi ilə zəngindir. Antioksidant komponenti ilə orqanizmi qoruyan və C vitamini ehtiva edən alça xəstəliklərə qarşı müqaviməti artırır, xolesterinin miqdarının tənzimlənməsinə kömək edir. 100 qram alça təxminən 45 kaloridir, tərkibində A, K və C vitaminləri üstünlük təşkil edir. Diyetoloqların dediyinə görə, 100 qram alça yeyilməsi gündəlik C vitamini ehtiyacının təxminən 16 faizini ödəyir, infarkt və digər ürək xəstəlikləri, eyni zamanda, astma, revmatizm, xərçəng riskini azaldan meyvələr arasında ilk sırada dayanır. Alçanı pəhriz yeməkləri sırasına da daxil etmək olar.
Çiyələk də faydalı mövsüm meyvəsi hesab olunur. Elmi tədqiqatlar sübut edib ki, çiyələyin tərkibində insanda rahatlıq yaradan 50-dən çox ətirli maddə var. Mənfi emosiyaların bir anda yox olması üçün cəmi 150 qram çiyələk qəbul etmək kifayətdir. Tərkibində C vitaminin çoxluğuna görə çiyələk təkcə qara qarağatdan geri qalır. Miqdarına görə isə fol turşusu çiyələkdə moruq və üzümdə olduğundan daha çoxdur. Çiyələk immun sistemi və damar divarlarını möhkəmləndirir, orqanizmi viruslardan qoruyur, qrip və soyuqlama zamanı profilaktika məqsədilə istifadə olunur. Güclü iltihab və mikrob əleyhinə vasitədir. Çiyələk ağızdan gələn xoşagəlməz qoxunu yox edir, tərkibində kifayət qədər yod olduğu üçün yayda bu maddə ilə zəngin digər qidalara o qədər də ehtiyac yaratmır. Şirin dadına baxmayaraq, qanda şəkərin miqdarını azaltmaq xüsusiyyətinə malikdir. Böyrək problemi olanlar üçün faydalıdır. Çiyələk meyvəsi və yarpaqlarından hazırlanmış dəmləmə orqanizmdə maddələr mübadiləsini və arterial təzyiqin normallaşmasına kömək edir. Bu meyvə yuxusuzluq zamanı da faydalı təsir göstərir. Qan azlığı, oynaq ağrılarının aradan qaldırılması və qan dövranının yaxşılaşması üçün çiyələyin rasionda olması çox xeyirlidir.
Faydalı meyvələrdən olan gilasın da sağlamlıq üçün çoxlu faydası var. Gilas orqanları hüceyrə zədələnməsindən qoruyan C, A və K vitaminləri, fosfor, dəmir və kalsium kimi minerallarla zəngindir. Həzm prosesinə də yaxşı təsir göstərir, yatmazdan bir neçə saat əvvəl gilas yemək yuxuya getməni asanlaşdırır. Onun tərkibi qida lifi ilə zəngin olduğuna görə artıq çəkidən xilas olmaq istəyənlərə də tövsiyə edilir. Gilas diabetik riski aşağı salır, dərini qoruyur, yaşlanma əlamətlərini gecikdirir. Bundan başqa gilas nevroloji xəstəliklərin müalicəsinə müsbət təsir göstərir, immunitet sistemini gücləndirir.
Mahmud




 
Bölməyə aid digər xəbərlər
19.11.2018
Bakıda Dördüncü Beynəlxalq Tibbi Treninq Günləri keçiriləcək
18.11.2018
Uşaqlarda görmə problemlərinin riskini azaldan çox bəsit üsul
15.11.2018
Ürək üçün ən təhlükəli məhsul hansıdır?
13.11.2018
Səhiyyə Nazirliyi: Azərbaycanda qripə qarşı pulsuz peyvəndin edilməsi məqsədəuyğun sayılmır
13.11.2018
Yatağın altına sabun qoyun

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info