“Cümhuriyyət tələbələri” inşa müsabiqəsi yekunlaşıb
Tarix: 23.05.2018 | Saat: 16:58:00 | E-mail | Çapa göndər


“ADA” Universitetində Azərbaycan Xalq Cümhuriyyətinin yaranmasının 100 illiyinə həsr edilən silsilə tədbirlərdən biri kimi tələbələr arasında keçirilən “Cümhuriyyət tələbələri” mövzusunda inşa müsabiqəsinə yekun vurulub.
Universitetdən bildirilib ki, müsabiqəyə namizəd görülənlər arasından yüz tələbənin işi “Student Essays” toplumu şəklində çap edilib.
Azərbaycan Xalq Cümhuriyyətinin 23 aylıq fəaliyyəti dövründə çətinlik və təhdidlərə baxmayaraq milli kadr quruculuğu məqsədilə 102 gəncin xaricə oxumağa göndərilməsi və onların sonrakı taleləri inşalarda tədqiqat mövzusu olub. “ADA” Universitetinin tələbələri işləri ilə seçdikləri “Cümhuriyyət tələbəsi”nin həyatına işıq salıb, onun Vətənə verdiyi töhfələri araşdırıblar.
İnşa müsabiqəsinin nəticələrinə görə, Biznes İnstitutunun bakalavrı Könül Bədəlova həkim Mürsəl bəy Şahsuvarova, İctimai və Beynəlxalq Münasibətlər İnstitutunun bakalavrı Nərgiz Qeybullayeva isə mühəndis Abbas bəy Atamalıbəyova həsr etdikləri inşalarına görə üçüncü yeri tutublar. Hər iki tələbəyə “ADA” Universitetinin yeni nəşri - ABŞ-ın Con Hopkins Universitetinin Mərkəzi Asiya və Qafqaz Araşdırmaları İnstitutunun təsisçisi, professor Frederik Starrın müəllifi olduğu “İtirilmiş maarif: Mərkəzi Asiyanın qızıl dövrü ərəb istilasından Teymurləngədək” kitabı hədiyyə edilib. İnşa müsabiqəsində İctimai və Beynəlxalq Münasibətlər İnstitutunun bakalavrı Roza Səfixanlı “Cümhuriyyət tələbəsi” hüquqşünas Mustafa Ağa Vəkilov barədə yazdığı inşaya görə ikinci yeri tutub. Tələbəyə “iPad” hədiyyə olunub. Müsabiqənin qalibi isə İctimai və Beynəlxalq Münasibətlər İnstitutunun bakalavrı Ceyhun Əliyev publisist Hilal Münşizadə barədə yazdığı inşaya görə seçilib. Qalib tələbə Azərbaycanın Avropa İttifaqı ölkələrindəki diplomatik nümayəndəliklərindən birində bu yay təcrübə keçmək imkanı qazanıb.
Tural




 
Bölməyə aid digər xəbərlər
19.11.2018
Mətbuat Şurası ilə Rusiya Jurnalistlər İttifaqı arasında əməkdaşlıq haqqında Memorandum imzalanıb
19.11.2018
“Azərbaycanda sosial müdafiə sisteminin inkişafı: dünən, bu gün, sabah” mövzusunda müsabiqə elan edildi
19.11.2018
Türkdilli dövlətlərin PR mütəxəssisləri Bakıya gələcəklər
19.11.2018
Qaradağ məktəbliləri “Ölkəmizi tanıyaq” tur-aksiya çərçivəsində yola salındılar
19.11.2018
KİV nümayəndələri “Mazımçay“ gömrük postundakı yeniliklərlə tanış olublar

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info