“Mülki müdafiənin və tibbi yardımın əsasları” kitabının təqdimatı olub
Tarix: 23.05.2018 | Saat: 20:14:00 | E-mail | Çapa göndər


Bakı Ali Neft Məktəbində (BANM) Kimya mühəndisliyi kafedrasının professoru, Azərbaycan Respublikası Dövlət Sərhəd Xidmətinin hərbi hospitalının rəisi, tibb elmləri doktoru Kənan Yusifzadənin “Mülki müdafiənin və tibbi yardımın əsasları” kitabının təqdimatı keçirilib. BANM-dən bildirilib ki, tədbirdə çıxış edən rektor Elmar Qasımov Kənan Yusifzadəni yeni çapdan çıxan kitabının təqdimatı münasibətilə təbrik edib. “BANM neft-qaz sənayesinin müxtəlif sahələri üçün ixtisaslı kadrlar hazırlayır. Sabahın mühəndisləri olacaq tələbələrimiz istehsalatda baş verə biləcək hər cür ekstremal vəziyyətə hazır olmalı, lazımi anda düzgün tibbi yardım göstərməyi bacarmalıdırlar. Bu baxımdan, professor Kənan Yusifzadənin müəllifi olduğu dərsliyin rolu əvəzedilməzdir”, - deyə rektor qeyd edib. Milli Məclisin səhiyyə komitəsinin sədri, akademik Əhliman Əmiraslanov da müəllifi təbrik edib və müxtəlif sahələrdə çalışan insanlar üçün böyük əhəmiyyəti olan bu dərsliyin hər kəsin stolüstü kitabına çevrilməsinin vacibliyini vurğulayıb. Dövlət Sərhəd Xidmətinin (DSX) rəis müavini, general-mayor Fərhad Tağızadə kitabda hadisə yerində zərərçəkmişlərə ilk tibbi yardımın göstərilməsi üçün vacib olan əsas məlumatların yer aldığını bildirib. Qeyd edib ki, dərslik ilk tibbi yardımın bütün üsullarının asanlıqla mənimsənilməsi, həmçinin özünə və başqalarına dərhal yardım göstərə bilmək bacarıqlarının əldə olunması üçün çox faydalıdır. BANM-in müəllim və tələbələri də çıxış edərək “Mülki müdafiənin və tibbi yardımın əsasları” kitabının məziyyətlərindən danışıb, müəllifə minnətdarlıqlarını bildiriblər. Sonda Kənan Yusifzadə kitabının geniş təqdimatına, həmçinin nəşrin ərsəyə gəlməsində ona göstərilən dəstəyə görə BANM-in rektoruna təşəkkür edib. Qeyd edək ki, Kənan Yusifzadə 2016-cı ildən mülki müdafiənin və tibbi yardımın əsasları fənnindən dərs deyir. Onun ali məktəbin beşinci kurs tələbələri üçün dərs vəsaiti kimi hazırladığı eyniadlı kitabı 6 fəsildən ibarətdir və ingilis dilində hazırlanıb.

Nigar




 
Bölməyə aid digər xəbərlər
17.11.2018
Başqa ölkələrdən gələn qaçqınların sosial təminatlardan yararlanması üçün yeni mexanizm yaradılacaq
16.11.2018
“Hüquqi dövlət quruculuğunda məhkəmə-KİV münasibətlərinin inkişafı vacibdir”
16.11.2018
Azərbaycan Gənclərinin VIII Forumu keçirilib
16.11.2018
Dərman vasitələrinin qanunsuz dövriyyəsi ilə əlaqədar başlanmış cinayət işi məhkəməyə göndərilib
16.11.2018
Dövlət Miqrasiya Xidmətinin fəaliyyətində yeniliklər tətbiq olunur

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10495

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info