“Həyatımın ən böyük arzusuna çatdım – BANM-in tələbəsi oldum”
Tarix: 24.05.2018 | Saat: 20:59:00 | E-mail | Çapa göndər


Ali təhsil müəssisələrinə qəbul imtahanlarında 700 bal toplayan abituriyentlərin sayı ildən-ilə artır. Yüksək bal toplayan abituriyentlər istədiyi peşə ilə bağlı müəyyən ali təhsil müəssisəsinə üstünlük verirlər. 2018/2019-cu tədris ili üçün bu günlərdə ali məktəbə qəbul imtahanında 700 bal toplayan abituriyentlərdən biri - Vasif Əsədov təhsilini davam etdirmək üçün Bakı Ali Neft Məktəbini seçib:

- Vasif, özünüzü daha yaxından tanıdın.
- Mən 2000-ci il sentyabrın 28-də İsmayıllıda anadan olmuşam. 2007-ci ildə İsmayıllı şəhər 6 saylı tam orta məktəbin birinci sinfinə daxil olmuşam. Atam Rusiyada işləyir. Anam isə evdar qadındır. Mən ailənin böyük övladıyam. Məndən kiçik bir qardaşım var.
- Təhsil almaq üçün niyə məhz Bakı Ali Neft Məktəbini (BANM) seçdiniz?
- Düzü, kiçik yaşlarımdan mühəndislik sahəsinə böyük marağım olub. Həmçinin daha yaxşı biliklərə yiyələnə bilmək üçün xaricdə təhsil almağı da arzu etmişəm. Bu istiqamətdə bir universitet axtarışında idim və BANM qarşıma çıxdı. Sonra ali məktəb haqqında ətraflı araşdırmalara başladım və əmin oldum ki, BANM elə məhz mənim axtardığım bir yerdir.
- Bu uğurunuz üçün ən çox kimə borclusunuz?
- Uğurum üçün müəllimlərimə, valideynlərimə və məktəb yoldaşlarıma borcluyam.
- Hobbiniz varmı və ümumiyyətlə, nə ilə məşğul olmağı daha çox sevirsiniz?
- Daha çox kitab oxumağı sevirəm. Ona görə hobbim kitab oxumaqdır deyə bilərəm. Qəbul imtahanına hazırlaşdığım son il istisna olmaqla, aşağı siniflərdən bədii kitab oxumağı əsas hobbiyə çevirmişəm. Amma, bundan başqa, şahmat və voleybol oynamağı, bir də döyüş növləri ilə məşğul olmağı da sevirəm.
- BANM-i bitirdikdən sonra nə etməyi planlayırsınız?
- BANM-i bitirdikdən sonra təhsilimi xarici ölkələrin birində, xüsusilə də ABŞ və ya Almaniyada davam etdirməyi planlayıram.
- Seçiminiz BANM-in “Proseslərin avtomatlaşdırılması mühəndisliyi” ixtisası olub. Bu ixtisas nə ilə sizi cəlb edir?
- “Proseslərin avtomatlaşdırılması mühəndisliyi” ixtisası üçün keçid balı respublikada ən yüksək keçid balına çatdığına görə bu ixtisas məni cəlb etdi. Mən həmişə rəqabəti sevmişəm. Bu ixtisasda rəqabətin ən yüksək səviyyədə olduğunu düşündüyüm üçün seçimimi məhz onun üzərində dayandırdım. Düşünə bilirsinizmi, ixtisasın ən aşağı bal yığan tələbəsi 685 bal yığıb. Təbii ki, bu cür ixtisas sağlam rəqabətə və yüksək təhsilə zəmanət verir.
- Seçim qarşısında olan və növbəti il gələn abituriyentlərə nə məsləhət görərdiniz?
- Seçim qarşısında olan abituriyentlərə məsləhətim bu olardı ki, əgər I qrup üzrə hazırlaşırlarsa, heç düşünmədən BANM-i seçsinlər. BANM-in kampusu ilə də tanış oldum, çox möhtəşəmdir. Mən həyatımın ən böyük arzusuna çatdım – BANM-in tələbəsi oldum. Bu çox gözəl hisdir. “BANM-in tələbəsi” adını qazanmağı hər bir abituriyentə arzulayıram.

Nigar




 
Bölməyə aid digər xəbərlər
22.01.2019
Paytaxtın bəzi rayonlarının təbii qaz təchizatında məhdudiyyət olacaq
22.01.2019
Gələcəkdə “BakıKart”ların balansının onlayn artırılması mümkün olacaq
22.01.2019
“Bakcell”dən 6 bölgənin sakinlərinə 5 GB PULSUZ İnternet!
22.01.2019
Azərbaycanda tolerantlıq mühitinin qorunub saxlanılması üçün hüquqi baza formalaşdırılıb
22.01.2019
Mübariz Qurbanlı şimal bölgəsindən olan sakinlərin müraciətlərini dinləyib

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Dərslər təxirə salındı
2 “Mənim güc mənbəyim Bakıdadır”
3 Mehman Hüseynov Prezident İlham Əliyevə müraciət ünvanlayıb
4 Ahmet Gencehan Babiş: “Türkiyənin Azərbaycanın razı olmayacağı bir işdə olması mümkün deyil”
5 Azərbaycanın Birinci vitse-prezidenti Mehriban Əliyeva Nikola Sarkozi ilə görüşüb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info