Ədliyyə orqanlarına qulluğa qəbulla bağlı növbəti test imtahanı
Tarix: 10.06.2013 | Saat: 22:26:00 | E-mail | Çapa göndər


Ədliyyə Nazirliyi Tələbə Qəbulu üzrə Dövlət Komissiyası (TQDK) ilə birlikdə Azərbaycan Texniki Universitetinin idman sarayında ədliyyə orqanlarına qulluğa qəbulla bağlı müsabiqənin növbəti test imtahanını keçirib.
Sənədlərin qəbulu Ədliyyə Nazirliyi tərəfindən həyata keçirilib və sayca 9-cu olan müsabiqədə iştirak etmək üçün 544 nəfərin namizədliyi qeydə alınıb. Onlardan 415-i test imtahanında iştirak edib. Müsabiqədə iştirak edən namizədlər müxtəlif regionlardan olmaqla əsasən gənclərdir. Namizədlərin əksəriyyətini respublikanın dövlət ali təhsil müəssisələrinin məzunları, 13 faizini xarici ölkələrdə təhsil almış şəxslər, 40 faizini isə bundan əvvəl ədliyyə orqanlarına qulluğa qəbulla bağlı keçirilmiş müsabiqələrdə uğur qazana bilməyən namizədlər təşkil edib. Müsabiqədə iştirak edən hüquqşünasların test imtahanına və söhbət mərhələsinə mükəmməl hazırlaşmalarına köməklik məqsədilə onlar üçün Ədliyyə Akademiyasında hazırlıq kursu təşkil olunub. Üç saat davam edən test imtahanında namizədin hüquqi biliklərini, məntiqi nəticə çıxarmaq qabiliyyətini və ümumi dünyagörüşünü müəyyən etmək üçün onlara 100 sualdan ibarət kitabça təqdim olunub. Test imtahanının yekununa görə, mümkün 90 baldan 55 və daha çox bal toplamış, qanunvericiliklə müəyyən edilmiş tələblərə cavab verən namizədlər müsabiqənin ikinci - söhbət (müsahibə) mərhələsinə buraxılacaqlar.
Tam aşkarlıq və şəffaflıq şəraitində, vahid auditoriyada keçən imtahanın gedişini yerli və beynəlxalq müşahidəçilər, eləcə də kütləvi informasiya vasitələrinin nümayəndələri izləyiblər.
Şəffaflığın təmin edilməsi məqsədilə imtahan prosesi Ədliyyə Nazirliyinin internet saytı vasitəsilə onlayn rejimdə birbaşa yayımlanıb. İmtahanın yekun nəticələrinə görə 95 namizəd müvəffəqiyyət qazanıb. Test imtahanında müvəffəqiyyət qazanmış namizədlər söhbət mərhələsində iştirak etmək üçün sənədlərini 15 iş günü ərzində, saat 09-dan 18-dək Ədliyyə Nazirliyinin kadrlar idarəsinə təqdim etməlidirlər. Sənədlərin siyahısı nazirliyin internet səhifəsində yerləşdirilib. Söhbətin vaxtı və yeri barədə namizədlərə əlavə məlumat veriləcək. Söhbət (müsahibə) mərhələsindən də uğurla keçmiş namizədlər peşə fəaliyyətinə buraxılması məqsədilə Ədliyyə Akademiyasında icbari təlimə cəlb ediləcək və təlimin sonunda keçiriləcək imtahan nəticəsində müvəffəqiyyət qazanan namizədlər qulluğa qəbul olunacaqlar. Ümumilikdə ədliyyə orqanlarına qulluğa qəbulla bağlı keçirilən açıq müsabiqə və müsahibələrdən uğurla keçən min nəfərdən çox gənc hazırda ədliyyə orqanlarında fəaliyyət göstərir.




 
Bölməyə aid digər xəbərlər
25.03.2019
Azərbaycandan Həcc ziyarətinə getmək istəyənlərin sayı artır
23.03.2019
Naxçıvanlı məktəblilər “Ölkəmizi tanıyaq” tur-aksiyası çərçivəsində Bakıya gəliblər
22.03.2019
İtaliyanın “Agenzia Nova” saytı Novruz bayramının adət-ənənələrindən yazır
20.03.2019
Bayramın ikinci günündə hava əsasən yağmursuz keçəcək
20.03.2019
Kiyevdə keçirilən Novruz şənliyində Azərbaycanın milli mətbəx nümunələri təqdim olunub

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10703

1 Azərbaycan xalqı zəngin mədəniyyətə sahibdir
2 Lənkəranın ucqar kənd məktəbində Novruz şənliyi keçirilib
3 İraqda bərə qəzaya uğrayıb: 71 ölü
4 Prezident və xanımı Bakıda Novruz şənliyində
5 Prezident Novruz bayramı münasibətilə xalqı təbrik edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info