Paşinyan sonunu yaxınlaşdırır?
Tarix: 29.05.2018 | Saat: 03:59:00 | E-mail | Çapa göndər



Mayın 28-ni Ermənistan da Respublika günü kimi qeyd edib. Lakin necə? Hər şeydən əvvəl xatırladaq ki, Respublika günü ilə baglı keçirilən tədbirə parlament sədri Ara Babloyan qatılmayıb. Səbəb isə çox adidir, sadəcə, dəvət olunmayıb. Ermənilərin “Aysor.am” saytına danışan Babloyan bunları deyib: “Əvvəlki illərdə protokola əsasən ölkə parlamenti bütün heyətlə belə tədbirlərə dəvət alırdı. Bu il isə bir başqa yanaşma oldu. Belə ki, parlament orqanlarının rəhbərləri kimi, daimi komitə sədrləri də tədbirə dəvət olunmadılar. Bundan başqa, həm vitse-spikerlər, həm də parlament sədri kimi mən belə rəsmi tədbirdən kənarda qalmışıq. Tədbirə Respublikaçı Partiyası fraksiyasının yalnız üç deputatı dəvət olunub”.
Bu günə qədər Ermənistanda keçirilən bütün tədbirlərin üçlük- Ermənistan prezidenti, Parlament sədri və Baş nazirin iştirakı ilə keçirildiyini xatırladan Babloyan Paşinyanın bu addımını özünə və həmkarlarına qarşı qeyri-adekvat rəftar, hprmərsizlik kimi dəyərləndirib.
“Mayın 28-i ermənilərin milli bayramıdır, amma qanunvericilik orqanları rəhbərlərinin belə bir tədbirə dəvət etməməyi absurd hesab edirəm”. Bu fikirləri isə “News.am” saytına verdiyi açıqlamada Respublikaçı Partiyasının mətbuat katibi Eduard Şarmazanov bildirib. O, deputatların tədbirə dəvət edilməməsini utancverici bir hal kimi dəyərləndirib. Onun cözlərinə görə, burada söhbət partiya təmsilçiliyindən deyil, qanunverici və icra hakimiyyəti arasındakı əlaqədən gedir: “Bu gün ölkədə hakimiyyət şöbələri müstəqildir, heç kim heç birinə bağlı deyil. Bundan başqa, qanunvericilik orqanı icra hakimiyyətinin başçısını seçir və o hökumətə nəzarət edir. Məhz bəlkə də elə bunun nəticəsidir ki, hakimiyyət belə bir utançverici, antidemokratik addım atıb. Bu, Paşinyan hökumətinin hansı yolla getdiyini və bundan sonra da gedəcəyini bir daha ortaya qoyur. Bunula bağlı biz hökumətdən cavabını gözləyirik”-deyə Şarmazanov bildirib.
“Bu gün Ermənistan hakimiyyəti, onun icra şöbələri güclərin ayrılmasına hörmət etməlidir. Biz bir-birimizi sevməyə bilərik, amma biri-birimizə hörmət etməliyik. Nikol Paşinyan məni ailə tədbirinə dəvət etməyə bilər, amma ümummilli bir hadisədə məni və həmkarlarımı bu tədbirə dəvət etməyə borcludur”.
Təbii ki, Şarmazanovun səsləndirdiyi bu fıkirlər artıq Ermənistanda Paşinyan hökumətinə qarşı narazılıqların təşəkkül tapmasından xəbər verir. Qeyd edilməlidir ki, o qədər ideal bi şəxs kimi dəyərləndirilməyən Şarmazanovun bu narazılığını partiyadaxili narazılıq kimi də qəbul etmək olardı. Lakin unutmaq lazım deyil ki, Nikol Paşinyanın son günlərdəki səbatsız çıxışları onun o qədər də ümidverici olmayan gələcəyindən xəbər verir.
Ağasəf Babayev




 
Bölməyə aid digər xəbərlər
15.11.2018
Makron: “ABŞ-ın müttəfiqi olmaq vassal dövlət olmaq demək deyil”
15.11.2018
Seçkilər yaxınlaşdıqca Ermənistanda siyasi gərginlik artır
14.11.2018
Ermənistandakı bəzi siyasi qüvvələr parlament seçkilərində iştirakdan imtina edirlər
14.11.2018
Putin: “Rusiya müsəlman ölkələri ilə dostluq əlaqələrinin inkişafına böyük əhəmiyyət verir”
13.11.2018
Nazarbayev Asiyada Təhlükəsizlik və Əməkdaşlıq Təşkilatının yaradılmasını təklif edib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10478

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info