Ermənistan tarixi saxtalaşdırmaqda davam edir
Tarix: 29.05.2018 | Saat: 23:12:00 | E-mail | Çapa göndər


“Sputnik Azərbaycan” multimedia mətbuat mərkəzində Prezident Administrasiyasının bölmə müdiri, politoloq Fuad Axundov və Qafqaz Tarixi Mərkəzinin direktoru, AMEA-nın Hüquq və İnsan Haqları İnstitutunun baş elmi işçisi Rizvan Hüseynovun iştirakı ilə mətbuat konfransı keçirilib. Tədbirdə 1918-ci il mayın 29-da İrəvan şəhərinin Ararat (Ermənistan) Respublikasının paytaxtı üçün verilməsinin faciəli nəticələrindən danışılıb. Fuad Axundov və Rizvan Hüseynov Azərbaycanın əzəli torpaqlarında Ermənistan dövlətinin yaranma tarixindən, azərbaycanlı əhalinin məruz qaldığı etnik təmizləmədən söz açıblar. Onlar, həmçinin Ermənistan hökumətinin bu torpaqların, guya, heç vaxt Azərbaycana məxsus olmaması barədə dünya ictimaiyyətini inandırmağa çalışdığı saxtalaşdırma metodlarından, o cümlədən tarixi abidələrin dağıdılmasından, arxivlərin məhv edilməsindən, yalançı elmi nəşrlərin buraxılmasından və s. bəhs ediblər. Sonra jurnalistlərin sualları cavablandırılıb. Tədbirdə, həmçinin İrəvan qalasının dağılmasından sonra Tbilisiyə aparılmış və hazırda Gürcüstan Milli Muzeyində saxlanılan qalanın orta əsr tikililərinin və artefaktların XIX əsrdə çəkilmiş unikal fotoşəkilləri nümayiş etdirilib, Qafqaz Tarixi Mərkəzinin bir neçə il bu mədəni irsi araşdırdığı diqqətə çatdırılıb. İrəvan xanlarının əşyaları, bayraqları, mebelləri və zinət əşyalarının fotoşəkilləri, habelə xanlığın indi dağılmış vəziyyətdə olan sarayından möhtəşəm portretlər də təqdim olunub. Rus fotoqrafiyasının pioneri, şərqşünas D.İ.Yermakovun (1845-1916) çəkmiş olduğu fotoşəkillər də sərgilənib. Qeyd edək ki, aşkar edilmiş fotoşəkillər və artefaktlara istinadən “Arxiv materialları və qədim fotoşəkillər əsasında Yerevanın (İrəvanın) tarixi mərkəzi” kitab-fotoalbomu nəşrə hazırlanıb. Nəşrdə Azərbaycanın İrəvan xanlığı hökmdarının orta əsr sarayının timsalında Azərbaycan mədəni irsinin Ermənistanda məhv edilməsi prosesi göstərilib. Hazırda xarabalığa çevrilmiş İrəvanın tarixi mərkəzində ümumilikdə 800 bina – məscidlər, saraylar, karvansaralar, hamamlar və digər ictimai tikililər yerləşirdi. Kitab-fotoalbom Prezident yanında Qeyri-Hökumət Təşkilatlarına Dövlət Dəstəyi Şurasının layihəsi əsasında “Qafqaz Tarixi Mərkəzi” İctimai Birliyi tərəfindən hazırlanıb. Layihənin müəllifi Fuad Axundov, tərtibatçısı Rizvan Hüseynov, məsləhətçisi Elbrus Məmmədovdur. Nəşrin hazırlanması Gürcüstan Milli Muzeyinin direktoru, professor David Lordkipanidze və muzeyin baş kuratoru, professor Eldar Nadirzadənin köməyilə həyata keçirilib.




 
Bölməyə aid digər xəbərlər
22.02.2020
Xocalı soyqırımı insanlığa qarşı törədilən qanlı cinayətdir
22.02.2020
“Azərbaycanın hər sahədə Türkiyəyə göstərdiyi maraq göz önündədir”
22.02.2020
Amerikalı politoloq: Rəsmi Bakıya etimad yüksək səviyyədədir
21.02.2020
Amerikalı alim: Ətrafda qiyamət qopur, Azərbaycanda isə sakitlikdir
21.02.2020
“Rusiya ilə qarşıdurma yaratmaq niyyətimiz yoxdur”

Şərh əlavə olunmayıb

    ,    
Anar MİRİYEV
Ağasəf Babayev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11453

1 “Qarabağda Ermənistanin heç biri tarixi irsi yoxdur” mövzusunda konfrans keçirilib
2 Tural İsmayılov: “İtaliya Azərbaycanın ərazi bütövlüyünü, münaqişənin ədalətli və beynəlxalq hüquq əsasında həllini dəstəkləyir”
3 “Bu ilin “Könüllü ili” elan olunması gənclərin inkişafı üçün böyük təkandır”
4 Münhen dərsi: Prezident bütün dünyaya sübut etdi ki, Qarabağ Azərbaycandır!
5 Altı il ərzində Ermənistanın dövlət borcu iki dəfə artıb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info