Avropa-Rusiya yaxınlaşmasına zərbə
Tarix: 30.05.2018 | Saat: 01:06:00 | E-mail | Çapa göndər


Polşa Müdafiə Nazirliyidən ABŞ-a müraciət: “Varşavada zirehli texnika ilə təmin olunmuş hərbi baza yaradın, xərcini biz ödəyirik”

Polşa Müdafiə Nazirliyi ABŞ-a müraciət edərək ərazisində hərbi baza yerləşdirməyi xahiş edib. Polşa bu istəyini Rusiyadan olan təhlükə ilə əlaqələndirib. Varşava zirehli texnika ilə silahlanmış diviziyanın Polşa ərazisində olmasını məqsədəuyğun hesab edir. Polşa bunun üçün hərbi bazanın 500 milyon - 2 milyard dollar arasında qiymətləndirilən illik xərcini də ödəməyə hazırdır. Rəsmi müraciət artıq Polşa Müdafiə Nazirliyinin rəsmi saytında yerləşdirilib. “RİA Novosti” yazır ki, 2014-cü ildən etibarən Polşada olan ABŞ qüvvələrinin sayı hər il artır. Hazırda bu dövlətin ərazisində 4 minlik xarici hərbi qüvvə yerləşdirilib. Buraya həm ABŞ-ın, həm də NATO-nun çoxmillətli qüvvələri daxildir. İndi isə buraya zirehli texnikanın olduğu diviziya əlavə oluna bilər. ABŞ Baltikyanı dövlətlərində olan zirehli texnikasının bir hissəsini Polşada yerləşdirə bilər. Varşava istəyir ki, ABŞ tankları, “BMP”-ləri Polşa ərazisində daimi yerləşsin. Rəsmi Varşava hesab edir ki, Rusiyadan olan təhdidlər çox ciddidir və Avropa ABŞ olmadan bunun qarşısında dayana bilməz. Ona görə də ABŞ-ın yeni hərbi qüvvələrinin Avropada yerləşdirilməsinə ciddi şəkildə zərurət yaranıb. Polşa siyasiləri bütün variantları düşünüblər. ABŞ hərbçiləri üçün geniş ərazi ilə yanaşı, ən həssas məsələ olan maliyyələşmə məsələsini də öz üzərinə götürüb. Polşa siyasi rəhbərliyinin Rusiya təhdidləri ilə bağlı xəbərdarlıqları ilk xəbər deyil. Sadəcə, Müdafiə Nazirliyinin rəsmi saytında yayılan bu məlumatla bağlı yerli mətbuat fərqli mövqelər ortaya qoyur. Məsələn, “Onet” nəşri yazır ki, Müdafiə Nazirliyinin ABŞ hərbçilərini ölkəyə dəvət etməklə bağlı bəyanatı nə parlament, nə də prezidentlə razılaşdırılmayıb. Polşa ordusunun Ali Baş Komandanı olan prezident Dudanın bu məsələdən xəbəri yoxdur. Yayılan bəyanat Polşa Xarici İşlər Nazirliyi ilə də razılaşdırılmayıb. Ekspertlər hesab edirlər ki, Polşa siyasi dairələrində ABŞ xəttini müdafiə edənlərlə Avropa xəttini müdafiə edənlər arasında ciddi rəqabət var. Doğrudur, hakim partiya olan və prezident Dudanın da şinelindən çıxdığı “Hüquq və Ədalət” partiyası ABŞ - Britaniya vektoruna sadiqdir. Amma Avropa İttifaqını əsas götürənlər də az deyil. Merkel və Makron kimi qitə liderləri Rusiya ilə yaxınlaşmağa cəhd etdiyi bir vaxtda Polşa təklənməmək üçün ABŞ-ın ölkədəki təmsilçiliyinin daha da artmasını əsas çıxış yolu hesab edirlər. Rəsmi Varşava məhkəmə sistemi və “Şimal axını-2” layihəsi ilə bağlı Avropa İttifaqı ilə zidd mövqedədir. Rusiya dövlət başçısının mətbuat katibi Peskov bildirib ki, ABŞ-ın Polşada hərbi baza yaratmaq məsələsi Varşavanın suveren hüququdur. Amma bu addımın ümum Avropa təhlükəsizliyi baxımından müəyyən nəticələri olacaq: “NATO strukturlarının bizim sərhədlərimizə doğru ekspansiyası, sərhədlərimizə yaxınlaşması qitədə təhlükəsizliyin və stabilliyin təmin olunmasına xidmət etmir”. Rusiyalı hərbi ekspert İqor Korotçenko isə bildirib ki, ABŞ-ın Polşada hərbi baza yaratmağına ehtiyac yoxdur. Əgər belə bir baza yaradılarsa, bu, Rusiyaya qarşı düşmənçilik aktı olacaq. Buna hərbi addımlarla cavab verilməlidir.

Anar Miriyev




 
Bölməyə aid digər xəbərlər
20.11.2018
Qətərdə regionun ultramüasir klinikası açılıb
19.11.2018
Putin:“Türk axını” tamamlandıqdan sonra Rusiya-Türkiyə enerji əməkdaşlığı daha da güclənəcək”
18.11.2018
Bolqarıstanı kütləvi etiraz aksiyaları bürüyüb
17.11.2018
Rusiyadan Ermənistana gedən magistralda 600-ə yaxın avtomobil qalıb
17.11.2018
Suriyada uşaqlardan ibarət terrorçu dəstələr yaradılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10508

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 Eldar Əzizov Bakı Şəhər İcra Hakimiyyətinin başçısı təyin edildi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info