“Polad müharibəsi” başladı: Avropa ABŞ-a cavab tədbirləri hazırlayır
Tarix: 02.06.2018 | Saat: 00:50:00 | E-mail | Çapa göndər


Almaniya tətbiq edilən rüsumları qəbul etmir: “Biz hesab edirik ki, bu, qeyri-qanunidir, milli təhlükəsizliyin müdafiəsi barədə gətirilən dəlillər qeyri-inandırıcıdır”
ABŞ hökuməti Avropa İttifaqı ölkələri, Kanada və Meksikadan olan istehsalçılara göndərilən polad və alüminiuma rüsumlar tətbiq olunması barədə qərar qəbul edib. Bu qərar ötən gün Vaşinqton vaxtı ilə gecəyarısı (Bakı vaxtı ilə səhər saat 8-də) qüvvəyə minib. ABŞ ticarət naziri Uilbur Rossun sözlərinə görə, Avropa İttifaqı ilə aparılan danışıqlarda ABŞ-ı cari ilin mart ayında tətbiq edilmiş rüsumların möhlət müddətinin uzadılmasına inandıra biləcək razılaşma əldə edilməyib. Rossun bu məlumatından az sonra Avropa Komissiyasının nümayəndəsi bildirib ki, Avropa İttifaqı cavab tədbirlərini elan edəcək. Kanada və Meksikaya gəldikdə isə Ross qeyd edib ki, bu iki ölkə ilə azad ticarət barəsində Şimali Amerika sazişinə yenidən baxılması barədə danışıqlar “bizim güman etdiyimizdən çox davam edir” və bu danışıqların nə vaxt bitəcəyini söyləmək mümkün deyil. Buna görə də ABŞ Kanada və Meksika üçün polada və alüminiuma rüsum tətbiq edilməsini qərara alıb. Artıq Almaniya Vaşinqtona ticarət münaqişəsinin eskalasiyasından çəkinmək barədə xəbərdarlıq edib. Federal hökumət ABŞ-ın polad və alüminium üçün tətbiq etdiyi rüsumları qəbul etmir. AFR hökumətinin rəsmi nümayəndəsi Şteffen Zayberq bu barədə deyib: “Biz hesab edirik ki, bu, qeyri-qanunidir, milli təhlükəsizliyin müdafiəsi barədə gətirilən dəlillər qeyri-inandırıcıdır”. Onun sözlərinə görə, bu qüsurlu cərimə tədbirləri son nəticədə hamının ziyanına olacaq: “AFR hökuməti azad ticarəti və açıq bazarları bundan sonra da müdafiə edəcək, problemlərin həllində multilateral yanaşmaya üstünlük verəcək”. Almaniya XİN rəhbəri Hayko Maasın bəyanatına əsasən, Aİ ABŞ-ın addımlarına cavab tədbirləri görməyə hazırdır. AFR kansleri Angela Merkel vəd etmişdi ki, Amerika rüsumları tətbiq edilərsə, Avropa İttifaqı buna “birgə və qəti” cavab verəcək. Kansler bu barədə Lissabonda, Vaşinqtonun qərarı elan ediləndən bir qədər əvvəl məlumat verib. Merkel deyib: “Avropa İttifaqında bu məsələ barəsində birmənalı mövqe formalaşıb. Biz əminik ki, rüsumlar Dünya Ticarət Təşkilatının qaydalarına ziddir”. Fransa prezidenti Emmanuel Makron da ABŞ-ın polad və alüminiuma idxal rüsumlarının tətbiq edilməsinə dair qərarını qanunsuz adlandırıb. Makron rüsumları qeyri-qanuni, onların tətbiqini isə yanlışlıq adlandırıb. Xatırladaq ki, ABŞ-da bu rüsumlar martın 23-dən tətbiq edilib. Rüsum dərəcələri polad məmulatlar üçün 25 faiz, alüminium məmulatlar üçün 10 faiz müəyyən edilib. Avropa İttifaqından olan şirkətlərə bu rüsumlar üçün iki dəfə, o cümlədən sonuncu dəfə ötən günə kimi möhlət verilib. Cərimə sanksiyalarının həmişəlik ləğv edilməsi üçün avropalıların dəfələrlə göstərdiyi cəhdlər uğursuz olub. Aİ buna cavab tədbiri kimi iyunun 20-dən etibarən Amerika mallarına, o cümlədən portağal şirəsi, motosikletlər, viski və tütün üçün 25 faiz rüsum tətbiq olunacağını vəd edib. Gözlənildiyinə görə, bu cür rüsumların məbləği üç milyard avro olacaq.
Anar




 
Bölməyə aid digər xəbərlər
21.11.2018
İspaniyada intensiv yağıntılar nəticəsində ölən və itkin düşənlər var
20.11.2018
Qətərdə regionun ultramüasir klinikası açılıb
19.11.2018
Putin:“Türk axını” tamamlandıqdan sonra Rusiya-Türkiyə enerji əməkdaşlığı daha da güclənəcək”
18.11.2018
Bolqarıstanı kütləvi etiraz aksiyaları bürüyüb
17.11.2018
Rusiyadan Ermənistana gedən magistralda 600-ə yaxın avtomobil qalıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10509

1 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 Eldar Əzizov Bakı Şəhər İcra Hakimiyyətinin başçısı təyin edildi
5 Abel Məhərrəmov BDU-nun rektoru vəzifəsindən azad edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info