Gürcüstan parlamenti növbədənkənar toplantı keçirəcək
Tarix: 05.06.2018 | Saat: 00:57:00 | E-mail | Çapa göndər


İclasda Tbilisinin Xorava küçəsində ötən il qətlə yetirilmiş yeniyetmələrin işi üzrə istintaq komissiyası yaradılacaq

Gürcüstan parlamentinin bu həftə ərzində növbədənkənar iclası keçiriləcək. Bu barədə parlament sədri İrakli Kobaxidze bildirib. O deyib ki, növbədənkənar iclas sabah çağırılacaq və iclasın təyin olunması ilə bağlı prezidentə müraciət olunacaq. İclasda Tbilisinin Xorava küçəsində ötən il qətlə yetirilmiş yeniyetmələrin işi üzrə istintaq komissiyası yaradılacaq. Komissiyaya deputat Sergi Kapanadze başçılıq edəcək. Qeyd edək ki, ötən il dekabrın 1-də Xorava küçəsində mübahisə zamanı 51 saylı məktəbin 16 yaşlı iki şagirdi qətlə yetirilib. Qətl üzrə məhkəmə işi yekunlaşsa da, yeniyetmələrin valideynləri məhkəmə hökmünü qəbuledilməz hesab edirlər. Son günlər yeniyetmələrdən birinin atası Zaza Saralidzenin təşkilatçısı olduğu kütləvi aksiya davamlı olaraq keçirilir. Yeniyetmələrin işi üzrə istintaq Daxili İşlər Nazirliyinə qaytarılıb. Gürcüstanın baş naziri Giorgi Kvirikaşvili qətlə yetirilmiş iki yeniyetmənin valideynləri ilə görüşməyə hazırdır. Bu barədə hökumət administrasiyasının yaydığı bəyanatda bildirilir. Bəyanatda hökumət başçısının valideynlərlə siyasi motivli şəxslərin iştirakı olmadan görüşməyə hazır olduğu deyilir: “Görüşdə valideynlərin istəyindən asılı olaraq, ombudsman da iştirak edə bilər”. Baş nazir Giorgi Kvirikaşvili söyləyib ki, Gürcüstanda qeyri-sabitliyin yaradılması üçün heç kəsə əsas verilməyəcək. Gürcüstanın baş naziri bildirib ki, ölkədə sabitlik təmin olunacaq: “Ədalətsizlik hissi olan insanlara gəlincə, bu, bizim üçün ciddi çağırışdır. Bütün suallara müvafiq formatda mütləq cavab veriləcək. Ölkədə sabitliyi pozmağa çalışan və tamamilə qanunsuz siyasi tələblər irəli sürən radikal qruplara qeyri-sabitliyin yaradılmasına əsas verilməyəcək”. Tbilisidə son günlər məhkəmə-hüquq sisteminə qarşı keçirilən davamlı etiraz aksiyasına bəzi müxalif siyasi partiyalar da dəstək verib. Partiyalar fəaliyyət planının hazırlanması məqsədilə məsləhətləşmələr aparır. Onu da qeyd edək ki, Gürcüstan parlamentinin Tbilisidəki binası qarşısında keçirilən etiraz aksiyasında gərginlik yaşanıb. Aksiya iştirakçıları parlamentin binası qarşısında Rustaveli prospektini bağlamağa cəhd ediblər. Bu zaman polislə onların arasında qarşıdurma yaşanıb. Polis bir neçə aksiya iştirakçısını saxlayıb. Buna baxmayaraq, aksiya iştirakçıları yolu bağlamağa nail olublar. Parlament qarşısındakı aksiya ilə paralel paytaxtın Vake parkında gənclər Z. Saralidzeyə dəstək aksiyası keçirirlər. Gənclər Z. Saralidzeni siyasi partiyalardan uzaqlaşıb, onlara qoşulmağa çağırıblar.
Anar




 
Bölməyə aid digər xəbərlər
20.11.2018
Qətərdə regionun ultramüasir klinikası açılıb
19.11.2018
Putin:“Türk axını” tamamlandıqdan sonra Rusiya-Türkiyə enerji əməkdaşlığı daha da güclənəcək”
18.11.2018
Bolqarıstanı kütləvi etiraz aksiyaları bürüyüb
17.11.2018
Rusiyadan Ermənistana gedən magistralda 600-ə yaxın avtomobil qalıb
17.11.2018
Suriyada uşaqlardan ibarət terrorçu dəstələr yaradılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info