Pakistan Azərbaycana birbaşa hava reysinin açılmasında maraqlıdır
Tarix: 07.06.2018 | Saat: 00:44:00 | E-mail | Çapa göndər


Pakistanlı iş adamları Azərbaycanda yaradılmış sənaye zonalarında fəaliyyət göstərmək istəyirlər

İqtisadiyyat naziri Şahin Mustafayev Pakistan İslam Respublikasının Azərbaycandakı səfiri Səid Xan Mohmand ilə görüşüb. Görüşdə Şahin Mustafayev dost Pakistanın Azərbaycanın dövlət müstəqilliyini tanıyan ilk ölkələrdən, Pakistan səfirliyinin Bakıda açılan ilk səfirliklərdən olduğunu qeyd edib. Vurğulanıb ki, ümummilli lider Heydər Əliyev 1996-cı ildə, Prezident İlham Əliyev 2005-ci və 2017-ci illərdə Pakistana səfər edib, Pakistan rəsmiləri ölkəmizdə səfərdə olublar. 2015-ci ildə ölkələrimiz arasında strateji tərəfdaşlıq haqqında Birgə Bəyannamə imzalanıb. Azərbaycan hökuməti ilə Pakistan hökuməti arasında Azərbaycan-Pakistan Birgə Komissiyası və Azərbaycan ilə Pakistan arasında ticarət sahəsində əməkdaşlıq üzrə Birgə İşçi Qrupu fəaliyyət göstərir, 2017-ci ildə İşçi Qrupunun ilk iclası keçirilib. Müdafiə, humanitar sahələrdə də əməkdaşlığımız genişdir və Heydər Əliyev Fondu tərəfindən Pakistanda bir sıra layihələr həyata keçirilib. Şahin Mustafayev Azərbaycanda bir sıra Pakistan şirkətlərinin fəaliyyət göstərdiyini, iqtisadi əməkdaşlığın genişləndirilməsi məqsədilə işgüzar dairələrin iştirakı ilə müxtəlif tədbirlərin, biznes-forumların keçirildiyini qeyd edib, iqtisadi əlaqələrin inkişafı üçün geniş potensialı, əməkdaşlığın genişləndirilməsi perspektivlərini, xüsusilə Azərbaycanın tranzit imkanlarından istifadə imkanlarını diqqətə çatdırıb.
Səfir Səid Xan Mohmand Azərbaycanın Pakistan üçün önəmli ölkə olduğunu, siyasi əlaqələrimizin yüksək səviyyədə olduğunu vurğulayıb. Qeyd edib ki, Pakistan Ermənistan-Azərbaycan, Dağlıq Qarabağ münaqişəsində Azərbaycanın ədalətli mövqeyini tam dəstəkləyir. Pakistan Senatı Xocalı soyqırımını rəsmi olaraq soyqırımı kimi tanıyıb.
Səfir Səid Xan Mohmand ölkələrimiz arasında iqtisadi əlaqələrin inkişafının prioritet olduğunu bildirib, pakistanlı iş adamlarının Azərbaycanda yaradılmış sənaye zonalarında fəaliyyət göstərməkdə, nəqliyyat, enerji, sənaye, əczaçılıq, tikinti, qarşılıqlı investisiya qoyuluşu sahələrində əməkdaşlıqda maraqlı olduğunu vurğulayıb. Pakistandan Azərbaycana gələn turistlərin sayının ildən-ilə artdığını qeyd edən səfir Azərbaycanın viza rejiminin sadələşdirilməsi istiqamətində atdığı addımları müsbət qiymətləndirib. Səfir Bakı və İslamabad arasında birbaşa nəqliyyat əlaqəsinin qurulmasının Pakistan üçün önəmli olduğunu və bir Pakistan şirkətinin birbaşa hava reysinin açılmasına maraq göstərdiyini də diqqətə çatdırıb. Bundan başqa, Pakistan şirkətləri Bakı Beynəlxalq Dəniz Ticarət Limanı ərazisində yaradılan azad ticarət zonasında əməkdaşlığa da maraq göstərir.
Səfir iqtisadiyyat nazirini iyul ayında Bakıda keçiriləcək Azərbaycan-Pakistan biznes imkanlarına dair konfransa və avqust ayında təşkil olunacaq Pakistan sərgisinə dəvət edib.

Anar




 
Bölməyə aid digər xəbərlər
23.11.2020
Azərbaycanda istehsal olunan minik avtomobillərinin sayı açıqlanıb
23.11.2020
Əmlakın siyahıya alınması qaydasında dəyişiklik edilib
23.11.2020
Fars körfəzi dəmiryolu ilə Xəzərə birləşəcək
23.11.2020
Azərbaycanda sahibkarlar banan yetişdirməyə başlayıb
21.11.2020
Region sahibkarları vergi və sosial tətillərlə bağlı maarifləndiriliblər

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11858

1 Зачистка по-пашиняновски. Усидит ли армянский премьер на посту до конца года
2 “Türkvizyon“ gələn il Şuşada keçiriləcək
3 Mədəniyyət Nazirliyi “Xristian irsimizi tanıyaq” layihəsini təqdim edir
4 Сирийская террористка: мы помогали армянским оккупантам воевать в Карабахе
5 “Azərbaycançılıq ideyası - dünya azərbaycanlılarının istinad mənbəyi” adlı kitab nəşr olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info