“Suveren dövlətlərin daxili işlərinə müdaxilə etməmək prinsipi pozulur”
Tarix: 07.06.2018 | Saat: 01:08:00 | E-mail | Çapa göndər


Şoyqu: "Suriya ilə bağlı əməkdaşlığımızın geniş spektri mümkündür. Bura ərazilərin minalardan təmizlənməsi, deeskalasiya zonalarında birgə patrul xidməti, humanitar yardım göstərmək, infrastrukturun bərpası aiddir”

MDB İcraiyyə Komitəsinin katibi Sergey Lebedev: “Təşkilata üzv ölkələr xaricdən ixrac edilən “rəngli inqilablar” və digər stabilliyi pozan faktorlara qarşı birgə mexanizmlər hazırlamalıdır”

"MDB ölkələri, əsasən, beynəlxalq terror təhlükəsi ilə qarşılaşır." Bunu Tıva Respublikasının Kızıl şəhərində keçirilən MDB ölkələri Müdafiə Nazirləri Şurasının iclasında çıxış edən Rusiya müdafiə naziri Sergey Şoyqu bildirib. "Bu gün Birlik ölkələri Müdafiə Nazirləri Şurasının iclasının Asiyanın çoğrafi mərkəzində - Kızıl şəhərində keçirilməsi olduqca simvolikdir. Birgə sərhədlər və tarixi əlaqələrin ümumiliyi bizə ən aktual mövzularla bağlı etibarlı danışıqlar aparmağa imkan verir" - deyə o qeyd edib. Rusiyalı nazir MDB-dən olan tərəfdaşları vahid prioritetin birləşdirdiyini söyləyib: "Bu, mehriban qonşuluq, qarşılıqlı əməkdaşlıq və regional sabitlikdir. Bununla yanaşı, bizə qarşı ümumi çağırışlar və təhlükələr mövcuddur. Bu, hər şeydən əvvəl, beynəlxalq terrordan gələn təhlükədir. MDB Müdafiə Nazirləri Şurasının formatı milli və ümumi maraqları nəzərə almaqla əməkdaşlığın diapazonunu genişləndirməyə imkan verir. Bugünkü iclas bu yolda vacib addımdır". Şoyqu MDB ölkələri Müdafiə Nazirləri Şurasının iclasında tarixdə ilk dəfə fəxri qonaq qismində Monqolustan müdafiə naziri Nyamaaqiyn Enxboldun da iştirak etdiyini vurğulayıb. Şoyqu MDB-yə üzv dövlətləri Suriyada dinc həyatın bərpasında iştirak etməyə çağırıb: "Bu gün Suriya ərazisinin böyük bir hissəsi terrorçulardan azad olunub. Qalan terrorçuların tərk-silahı barədə danışıqlar gedir. Psevdoxilafətin yaradılması planı puça çıxıb. Münaqişənin siyasi yolla nizamlanması və Suriyanın vahid, bölünməz dövlət kimi dirçəlişi üçün bütün şərait yaradılıb”. Bununla əlaqədar Rusiya müdafiə naziri MDB ölkələrinə Suriyanın bərpasında iştirak təklif edib: "Hər kəsə məlumdur ki, təhlükəsizliyin təmin olunması ancaq birgə səylərlə mümkündür. Suriyada dinc həyatın bərpa olunmasında iştirak etmək təklifi ilə sizə müraciət edirəm. Bu gün Suriya ilə bağlı əməkdaşlığımızın geniş spektri mümkündür. Bura ərazilərin minalardan təmizlənməsi, deeskalasiya zonalarında birgə patrul xidməti, humanitar yardım göstərmək, infrastrukturun bərpası aiddir. Beynəlxalq terrorçuluqla mübarizədə və ümumi təhlükəsizliyin təmin olunmasında birliyimizi nümayiş etdirən dəstəyinizə ümid edirik".
MDB İcraiyyə Komitəsinin katibi Sergey Lebedev isə təşkilata üzv ölkələri xaricdən ixrac edilən “rəngli inqilablar” və digər stabilliyi pozan faktorlara qarşı birgə mexanizmlər hazırlamağa çağırıb: “Heç kim ölkələrimizə təhlükəsizliyi təmin etməyin effektiv reseptini verməyəcək. Biz özümüz ərazimizdə stabilliyin təmin olunmasına cavabdehik və stabilliyi pozan faktorlara qarşı birgə mexanizmlər formalaşdırmalıyıq. Vacib tapşırıq bizim çoxillik əlaqələrimizi pozmaq cəhdlərinə, ümumi və milli maraqlarımıza olan təhdidlərə qarşı mübarizə aparmaqdır”. O, nümunə kimi beynəlxalq hüququn əsas prinsiplərindən biri olan suveren dövlətlərin daxili işlərinə müdaxilə etməmək prinsipinin pozulmasını qeyd edib: “Bir çox halda biz silahlı müdaxilənin şahidi oluruq. Bu gün Suriyada BMT Nizamnaməsinə zidd, qanuni hakimiyyətin razılığı olmadan müxtəlif ölkələrin silahlı qüvvələri var və onlar döyüşlərdə iştirak edirlər. Təbii ki, belə hal beynəlxalq münasibətlər sistemini dağıdır. Bu fəaliyyət “rəngli inqilablar” ixracının davamıdır. Təəssüf ki, rəqiblərimiz bu strategiyanı MDB məkanında yaymağa cəhd edirlər”. Lebedev onu da deyib ki, ənənəvi təhlükəsizlik institutları olan BMT və ATƏT kimi təşkilatlar bu təhlükələrə qarşı effektiv mübarizə aparmaq iqtidarında deyil: “Müasir çağırışlar və təhdidlərin ayrıca bir dövlət tərəfindən neytrallaşdırılması mümkün deyil. Ona görə də MDB məkanında sülh və təhlükəsizliyin möhkəmləndirilməsi üçün inteqrasiya imkanlarından maksimal istifadə, birgə fəaliyyətin koordinasiyası vacibdir”.

Anar Miriyev




 
Bölməyə aid digər xəbərlər
15.07.2019
Türkiyədə son üç il ərzində terror təşkilatlarına qarşı 324 min 243 əməliyyat keçirilib
15.07.2019
Filippin təşvişdə - Qorxulu xəstəlikdən ölənlərin sayı artır
15.07.2019
Tanınmış idmançıların olduğu təyyarə qəzaya uğradı - Çox sayda ölü var: VİDEO
15.07.2019
Yunanıstan Juan Quaidonu Venesuela dövlət başçısı olaraq tanıdı
14.07.2019
“S-400“ zenit-raket komplekslərinin çatdırılması prosesi 2020-ci ilə qədər tamamlana bilər

Şərh əlavə olunmayıb

    ,    
Anar MİRİYEV
Tural Tağıyev
Namiq Əliyev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10827

1 Rostovun tarixinə düşən azərbaycanlı qız
2 Mehriban Əliyeva Yalçın Rzazadə ilə bağlı tapşırıq verdi
3 Rufiz Qonaqov: “Avropa İttifaqı üçün Azərbaycan vacib strateji tərəfdaşdır”
4 “4-cü qrupa hazırlaşan hər bir abituriyentin arzusu həkim olmaqdır”
5 Nə “Qurani-Kərim“, nə “İncil“, nə də “Tövrat“ insanları savaşa çağırır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info