Qazaxıstanda gənclərimizə nümunə olan idmançı
Tarix: 07.06.2018 | Saat: 17:28:00 | E-mail | Çapa göndər


Cuma Əliyev: “Ümid edirəm ki, Qazaxıstanda azərbaycanlı idmançıların sayı ildən-ilə artacaq”
Bu gün xarici ölkələrdə yaşayan gənclərimiz müxtəlif sahələrdə ölkəmizi tanıdırlar. Bu baxımdan xaricdəki idmançı gənclərimiz də öz uğurları ilə ölkəmizin adını ucaldırlar. Qazaxıstandakı gənc idmançımız Cuma Əliyev də belə gənclərimizdəndir. Cuma Əliyev daima öz üzərində işləyən idmançılardandır. Soydaşımız gənc idmançı kimi özünü Qazaxıstanda təsdiq edib.
Qeyd edək ki, Cuma Orxan oğlu Əliyev 21.05.1997-ci ildə Qazaxıstanın Pavlodar vilayətinin Ekibastuz şəhərində doğulub və 5 yaşından sərbəst güləşlə məşğul olub. Ekibastuzda Cumanın məşqçisi Saybotalov Xamit Nurislamoviç olub. Ekibastuzda “Djasıbay” sport kompleksində məşq edib. O, Ekibastuz şəhərində bir neçə dəfə yarışlarda iştirak edərək mükafatlara layiq görülüb.
Həmvətənimiz Mingəçevir şəhərində də güləş üzrə məşq edib. Gəncədə, Cəlilabadda yarışlarda iştirak edib və təltif olunub. Azərbaycanda Cuma Əliyevə Gənclər və İdman Nazirliyi tərəfindən idmançı olaraq üzvlük vəsiqəsi təqdim olunub.
Cuma hazırda Astana şəhərində yaşayır və bodibildinqlə məşğul olur. Astanada onun məşqçisi Plaksin Aleksandır Viktoroviçdir.
Xatırladaq ki, Cuma idmançı oğludur. Onun atası Orxan Əliyev də idmanla məşğul olur. Orxan Əliyev 03.05.1971-ci ildə Azərbaycanın Goranboy rayonun Zeyvə kəndində anadan olub. 8-ci sinfi bitirdikdən sonra Qazaxıstanın Pavlodar vilayətinin Ekibastuz şəhərinə gedib. Hərbi xidməti başa vurduqdan sonra polis işləyib. 2009-cu ildən Astanada yaşayır. O, eyni zamanda diaspor işində də aktivdir. Qazaxıstanda Azərbaycanlıların Mədəniyyət Mərkəzləri İttifaqında gənclər siyasəti üzrə vitse-prezident vəzifəsində çalışır.
Onu da əlavə edək ki, Cumanın qardaşı Əli Əliyev də idmançıdır. O, 17.11.2011-ci ildə Astana şəhərində doğulub. Hal-hazırda karate ilə məşğul olur.
Bu gün Cuma Əliyev Qazaxıstanda bir idmançı olaraq gənc nəslə nümunədir. O, hazırda növbəti yarışına hazırlaşır. Cuma Əliyev bizimlə söhbətində dedi ki, həmişə olduğu kimi, yarışa çox ciddi hazırlaşır: “Hər bir idmançının arzusu odur ki, iştirak etdiyi yarışda çempion olsun, ölkəsinin bayrağını qaldırsın, himnini səsləndirsin. Bu yarışda hədəfim çempion olmaqdır”. O, müəllimləri ilə hər zaman fəxr etdiyini və onların ümidini doğrultmağa çalışdığını bildirdi.
Onun sözlərinə görə, bir idmançı kimi onun fəaliyyəti qazaxlarda, eləcə də soydaşlarımızda ruh yüksəkliyi yaradır: “Qazax idmançılar hər zaman mənim hörmətimi saxlayırlar. Mənim Qazaxıstandan olan çoxlu idmançı dostlarım var”.
Cuma Əliyev bildirdi ki, diasporun dəstəyi ilə Qazaxıstanda idman zalı açıb, yeni nəsil idmançılar yetişdirmək olar: “Mənim bir idmançı kimi əsas istəklərimdən biri də Qazaxıstanda azərbaycanlı gəncləri bir araya toplamaq, yeni nəsil azərbaycanlı idmançılar yetişdirməkdir. Qazaxıstanda potensial gənclərimiz var. Mən bilirəm ki, azərbaycanlılardan Avropa və dünya çempionu çox olub. O potensial buradakı gənclərdə də var. Burada idman məktəbi olsa, elə gənclər uğur əldə edə bilərlər. Hətta burada olimpiya çempionu olacaq gənclərimiz var. Ümid edirəm ki, Qazaxıstanda azərbaycanlı idmançıların sayı ildən-ilə artacaq. Çünki xaricdəki hər bir idmançının qazandığı uğur elə dövlətimizin, xalqımızın uğurudur”.
Cumanın atası Orxan Əliyev oğlu ilə fəxr etdiyini və ondan böyük nəticələr gözlədiyini dedi: “Xaricdəki hər bir soydaşımızın uğuru bizi sevindirir. Çünki xaricdə görülən hər bir iş dövlətimiz, xalqımız adınadır. Cuma da əldə etdiyi nailiyyətlərlə xalqımızın adını Qazaxıstanda ucaldır”.

Fuad Hüseynzadə 




 
Bölməyə aid digər xəbərlər
19.08.2019
Fərid Çexiya liqasındakı oyunda fərqlənib
18.08.2019
Azərbaycan Premyer Liqası: “Səbail” “Zirə”ni məğlub edib
18.08.2019
"Barselona" Neymar üçün son təklifini edəcək
18.08.2019
La Liqada 8 qollu heç-heçə qeydə alınıb
18.08.2019
Ülvi Qənizadə dünya çempionatının finalına yüksəlib

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10860

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 Azərbaycana qarşı casusluq edən 128 nəfər aşkar edilib
4 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”
5 Türkiyədən Naxçıvana uçuşlar yeni hava dəhlizi vasitəsilə həyata keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info