BİTKol tədris və idarəetmənin təşkilinə görə II yerə layiq görülüb 
Tarix: 08.06.2018 | Saat: 21:26:00 | E-mail | Çapa göndər


Bakı İdarəetmə və Texnologiya Kollecində (BİTKol) təhsil ekspertləri Nadir İsrafilov, professor Şahlar Əsgərov, fəlsəfə doktoru Etibar Əliyev, "Mektebgushesi.az” portalının təsisçisi və baş redaktoru Məzahir Məmmədlinin iştirakı ilə görüş keçirilib. Görüşdə məqsəd "Mektebgushesi.az” portalında 20 aprel 2018 - 30 may 2018-ci il tarixlərində kolleclər arasında keçirilən "Hansı kollecdə tədris və idarəetmə sizi qane edir” sorğusunun əhəmiyyətini diqqətə çatdırmaq, həmçinin sorğunun nəticələrini elan etmək olub.
 Tədbiri giriş sözü ilə kollecin direktoru, filologiya üzrə fəlsəfə doktoru, əməkdar müəllim Faiq Şahbazlı açaraq, rəhbərlik etdiyi təhsil müəssisəsi barədə qonaqlara ətraflı məlumat verib. Təhsil müəssisəsində hazırda 19 ixtisas üzrə kadr hazırlandığını dilə gətirən direktor təəssüflə vurğulayıb ki, ötən il 5 ixtisas üzrə kollecə qəbul dayandırılıb. O, təhsil müəssisəsində 1582 tələbənin təhsil aldığını, 150 müəllimin, 133 nəfər tədris köməkçi heyətin çalışdığını bildirib. Qeyd edib ki,  hazırda kollecdə yaz imtahan sessiyasına başlanılıb. Onun sözlərinə görə, kollecin bütün müəllim heyəti ümumilikdə imtahan prosesinin şəffaf, demokratik, obyektiv, ədalətli keçirilməsi üçün səfərbər olunublar.
 "Mektebgushesi.az” portalının təsisçisi və baş redaktoru M.Məmmədli keçirilən sorğu barədə daha geniş məlumat verərək bildirib ki, ali məktəblər arasında indiyə qədər bir neçə bu tipli sorğular keçirilib. Lakin orta ixtisas təhsil müəssisələri arasında ilk dəfədir ki, belə sorğu keçirilib. M.Məmmədli sorğunun 37 kollec arasında keçirildiyini diqqətə çatdırıb.
 Təhsil eksperti N.İsrafilov kolleclər arasında keçirilən sorğunun ideyasının "Azərbaycan Respublikasında təhsilin inkişafı üzrə Dövlət Strategiyası”ndan, "İctimai iştirakçılıq haqqında qanun”dan, təhsildə dövlət siyasətinin prinsiplərindən qaynaqlandığını söyləyib. Bildirib ki, təhsildə dövlət siyasətinin əsas prinsipləri humanistləşmə, demokratikləşmə, şəffaflıq, aşkarlıq və sairdən ibarətdir. O, təhsillə bağlı Milli Məclisdə qəbul edilən qanundan, Prezident İlham Əliyev tərəfindən imzalanan sərəncamlardan, həyata keçirilən islahatlardan geniş söhbət açıb.
 Tədbirdə təhsil ekspertləri professor Ş.Əsgərov, fəlsəfə doktoru E.Əliyev, həmçinin kollecin müəllimlərindən Rafiq Salahov, Məhbubə Qurbanova, Gültəkin Zeynalova çıxış edərək öz fikirlərini bölüşüblər. Bununla yanaşı, tələbələri maraqlandıran suallar ekspertlər tərəfindən ətraflı cavablandırılıb.
 Sonda təhsil eksperti Ş.Əsgərov "Hansı kollecdə tədris və idarəetmə sizi qane edir” sorğusunun nəticələrinə görə II yeri tutan BİTKol-un diplomunu kollecin direktoru F.Şahbazlıya təqdim edib. Direktor bu mükafatı ümumilikdə kollecin fəaliyyətinə, müəllim əməyinə verilən qiymət kimi səciyyələndirib. 
 




 
Bölməyə aid digər xəbərlər
20.11.2018
DOST Agentliyinin konsepsiyasının təqdimatı olub
20.11.2018
Şəhid anası: Birdəfəlik ödəmələrin verilməsi şəhid ailələrinə qayğının bariz nümunəsidir
19.11.2018
Sabirabadda məcburi köçkünlərin məskunlaşdığı qəsəbə təbii qazla təmin olunub
19.11.2018
“ABC Tədris və İnkişaf mərkəzi“ və “Ahıllara və Tənhalara Dəstək“-dən təqdirəlayiq addım
19.11.2018
Səyyar “ASAN xidmət” davam edir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info