Kəngərlidə “İki şəhid-iki zirvə” adlı kitabın təqdimatıi keçirilib
Tarix: 10.06.2018 | Saat: 14:11:00 | E-mail | Çapa göndər



Muxtar respublikanın Kəngərli rayonunun Yurdçu Kənd Mərkəzində filologiya üzrə fəlsəfə doktoru, şair-publisist Elxan Yurdoğlunun “İki şəhid-iki zirvə” kitabının təqdimatı olub.

AZƏRTAC-ın Naxçıvan bürosu xəbər verir ki, kitab ötən əsrin 90-cı illərində Naxçıvan Muxtar Respublikasına qarşı mənfur ermənilərin silahlı hücumları zamanı Vətənin müdafiəsi uğrunda şəhid olmuş Yurdçu kəndinin iki şəhidi – Müşfiq Səfərov və Kamran Məmmədovun ömür yoluna həsr olunub.
Təqdimat mərasimində Naxçıvan Muxtar Respublikası Yazıçılar Birliyinin üzvü, şair Yadulla Zaman çıxış edərək bildirib ki, tarixən Azərbaycan torpaqlarına iddialı olan ermənilər 1989-cu ilin dekabrın 14-dən başlayaraq muxtar respublikanın Ermənistanla sərhəddə yerləşən yaşayış məntəqələrini güclü atəşə tutublar. 1990-cı ilin yanvarın 19-dan isə hücumlar daha intensiv hal alıb, Sədərək, Havuş, Günnüt, Biçənək, Şada, Gərməçataq kəndləri erməni hücumlarına məruz qalıb. 1990-1993-cü illərdə ermənilərin hücumları zamanı təkcə Sədərək 109 şəhid verib. Həmin döyüşlərdə iştirak edən Müşfiq və Kamran şücaət göstərib, qədim diyarın ərazi bütövlüyü uğrunda şəhidlik zirvəsinə yüksəliblər. Tanınmış şair-publisist Elxan Yurdoğlunun “İki şəhid-iki zirvə” kitabında da həmin şəhidlərin gənc nəslə nümunə olan həyatından söhbət açılır.
Tədbirdə çıxış edən Yurdçu kənd kitabxanasının müdiri Samirə Məmmədova, rəssam Fizzə Quliyeva, jurnalist Rauf Kəngərli, şəhidlərin döyüş yoldaşı Zaur Abdullayev, şəhid Müşfiq Səfərovun qardaşı Zahid Səfərov və digərləri qeyd ediblər ki, Müşfiq və Kamranın müdafiəsində iştirak etdiyi hərbi post və Şərurun Günnüt kəndi bu gün yüksək döyüş qabiliyyətinə malik olan Əlahiddə Ümumqoşun Ordunun igid əsgərlərinin nəzarətindədir, burada üçrəngli Azərbaycan bayrağı qürurla dalğalanır.
Hər iki şəhidin döyüşlərdə göstərdikləri igidliklərə görə fəxr etdiklərini bildirən çıxışçılar gənclərə vətənpərvərlik hissi aşılayan belə bir kitabı ərsəyə gətirdiyinə görə Elxan Yurdoğluna minnətdarlıqlarını bildiriblər.
Kitabın müəllifi Elxan Yurdoğlu nəşrin gənclər tərəfindən maraqla qarşılanacağına ümidvar olduğunu deyib.
Sonra Yurdçu kənd məktəbliləri vətənpərvərliklə bağlı şeirlər səsləndiriblər.
Sonda tədbir iştirakçıları Yurdçu kənd kitabxanasında təşkil olunan “Müqəddəs amal uğrunda şəhid olanlar” adlı sərgiyə baxıblar. Sərgidə hər iki şəhidə məxsus fotoşəkillər, albomlar yer alıb. Rəssam Fizzə Quliyeva kətan üzərində yağlı boya ilə çəkdiyi Müşfiq və Kamranın portretini Yurdçu kənd kitabxanasına hədiyyə edib.




 
Bölməyə aid digər xəbərlər
12.11.2018
Zəfərlərə doğru
12.11.2018
“İrəli”nin intellektual yarışlarının Dağlıq Şirvan və Şəki- Zaqatala üzrə qalibləri müəyyənləşib
12.11.2018
Heydər Əliyev Fondu və Milli Onkologiya Mərkəzi birgə onkoloji skrininq və elmi-praktiki konfrans keçiriblər
12.11.2018
İran vətəndaşı daxili orqanlarında narkotik vasitələr keçirmək istədi
12.11.2018
Külli miqdarda xarici valyutanı gizlədərək keçirmək istədi

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10457

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info