İnsan alveri ilə bağlı maarifləndirmə turuna start verilib
Tarix: 13.06.2018 | Saat: 17:38:00 | E-mail | Çapa göndər


“Ailə Dünyası” Ailələrə Hüquqi Yardım İctimai Birliyi Azərbaycan Respublikası Prezidenti yanında QHT-lərə Dövlət Dəstəyi Şurasının maliyyə dəstəyi ilə maarifləndirmə turuna start verir. Bu məqsədlə “Xaricə getmək istəyənlər üçün təhlükəsizlik bileti” adlı maarifləndirmə turu barədə tədbir təşkil edilib.
Görüləcək işlər barədə məlumat verən İctimai Birlik sədri, eləcə də layihə rəhbəri Gülayə Səfərova qeyd edib ki, tədbirlər planının əsas məqsədi insanları maarifləndirmək, onları həm ölkə daxilində, həm də ölkədən kənarda təhlükəsizliyinin təmin olunması üçün səfərbər etməkdir. Layihə rəhbərinin sözlərinə görə, son vaxtlar insan alveri məsələsi qlobal problemə çevrilib və bu bəla Azərbaycandan da yan keçmir. İnsan alveri dedikdə burada vətəndaşların müxtəlif yollarla təhsil, iş adı ilə başqa ölkələrə aparılması, onların həm cinsi, həm də əməyinin istismar olunması, orqan transplantasiyası qurbanına çevrilmək riski kimi başa düşülməliidr. Gülayə Səfərova vurğulayıb ki, layihənin qayəsi də, insanları baş verə biləcək hər hansı təhlükəyə qarşı təlimatlandırmaqdır. Bu səbəbdən xaricə gedən şəxslərin daha çox nəyi bilmələri, hansısa problem olduqda necə davranmaları, hara müraciət etmələri, şəxsi sənədləri qoruması vacib və bilməli olduğu məsələlərdir.

İctimai birlik sədri qeyd edib ki, maarifləndirmə layihəsi çərçivəsində sərhəd-gömrük keçid məntəqələrinə yaxın rayonlara Qusar, Biləsuvar, Qazaxa bir qrup könüllülər ilə birgə turlar təşkil olunacaq. Gənclər həmin ərazidə insanları layihənin məqsədi ilə tanış edəcək və təlimatlandırıcı bukletlər paylayacaqlar.
Daha sonra çıxış edən DİN-nin insan alverinə qarşı mübarizə üzrə QHT koalisiyasının sədri Mahirə Əmirhüseynova da vurğulayıb ki, xüsusiylə qızlarımızın əcnəbilərlə ailə qurmaq arzuları , gənclərin xaricdə təhsil almaq və ya yaşamaq istəkləri çox halda onların həyatını təhlükə ilə üz-üzə qoya bilər. Bu səbəbdən valideynlərin də övladları üzərində nəzarəti vacibdir.

Ardınca çıxış edənlər Səhiyyə Nazirliyinin əməkdaşı Nüşabə Səlimova, Dünya Azərbaycanlılarının Mədəniyyət Mərkəzinin vitse-prezidenti Hacı Quliyev, Mədəniyyət Nazirliyinin təmsilçisi Məftunə Qulamova və başqaları da mövzunun aktuallığını və vətəndaş cəmiyyətinin təbliğat kampaniyasında aktiv iştirakının vacibliyini qeyd ediblər.

Fuad




 
Bölməyə aid digər xəbərlər
19.12.2018
Gədəbəyin 8 yaşayış məntəqəsinə təbii qaz verilib
18.12.2018
72 nəfər Naxçıvana müalicə müəssisələrinə göndərilib
18.12.2018
423 vərəsəyə birdəfəlik ödəmənin verilməsi üçün qərar qəbul edildi
18.12.2018
30-dan çox müəssisə 270 vakant iş yeri təklif edib
18.12.2018
Bu il 41 rayondan olan 151 fermerə 10 milyon manat kredit verilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10529

1 Anara Hacıbəyli Pirallahı rayonunda YAP ərazi təşkilatının sədri seçilib
2 “Tbilisi elə bir yerdir ki, burada zamanın necə keçdiyini hiss etmirsən”
3 Bill Klinton Heydər Əliyevlə görüntülərini paylaşdı
4 Azərbaycanlı gənc Misirdə fiziki qüsurlular üçün iki cihaz ixtira edib
5 Gələn ildən işlə bağlı müraciətlər elektron qaydada aparılacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info