Aprel döyüşlərində əlil olmuş hərbçiyə minik avtomobili hədiyyə edilib
Tarix: 15.06.2018 | Saat: 20:47:00 | E-mail | Çapa göndər



2016-cı ilin aprel ayında Ermənistanın silahlı təxribatının qarşısının alınmasında iştirak edən və bu döyüşlərdə yaralanaraq əlil olmuş hərbçi - mayor Asif Novruz oğlu Rəsulova “Azərmaş” Açıq Səhmdar Cəmiyyəti (ASC) tərəfindən minik avtomobili hədiyyə edilib.

Mayor Asif Rəsulov aprel döyüşlərində göstərdiyi qəhrəmanlığa görə Azərbaycan Respublikasının Prezidenti, Ali Baş Komandan İlham Əliyevin Sərəncamı ilə “Hərbi xidmətdə fərqlənməyə görə” üçüncü dərəcəli medalla təltif olunub.
AZƏRTAC xəbər verir ki, Asif Rəsulov ölkəmizin ərazi bütövlüyünün müdafiəsi uğrunda döyüşlərin iştirakçılarına, bu döyüşlərdə yaralanmış insanlara, habelə həlak olmuş Vətən övladlarının ailələrinə Azərbaycan Prezidenti tərəfindən göstərilən yüksək diqqət və qayğıya görə minnətdarlığını ifadə edib. O, 15 İyun – Milli Qurtuluş Günü və müqəddəs Ramazan bayramı münasibətilə ona belə bir sevinc hissinin bəxş olunmasına, minik avtomobili ilə təmin edilməsinə görə “Azərmaş” ASC-yə təşəkkürünü bildirib.
Tədbir zamanı vurğulanıb ki, aprel döyüşləri ordumuzun dünyanın güclü ordularından birinə çevrildiyini və ölkəmizin işğal altında olan ərazilərini qısa müddət ərzində işğaldan tam azad etməyə qadir olduğunu təsdiqləyib.
Əmək və Əhalinin Sosial Müdafiəsi Nazirliyinin nümayəndələri Prezident İlham Əliyevin korporativ sosial məsuliyyət təşəbbüsünə uyğun olan belə tədbirlərin nazirlik tərəfindən rəğbətlə qarşılandığını və dəstəkləndiyini, eyni zamanda, cəmiyyətimizdə sosial məsuliyyət çərçivəsində nəcib tədbirlərin genişlənməsi üçün yaxşı bir nümunə olduğunu vurğulayıblar.
“Azərmaş” ASC-nin səhmdarı olduğu “Xəzər” avtomobil zavodunda istehsal olunmuş “Xəzər” markalı minik avtomobili “Azərmaş” ASC-nin idarə heyəti sədrinin birinci müavini Zaur Hacıyev tərəfindən hərbçiyə təqdim edilib. Z.Hacıyev sosial məsuliyyət əsaslı layihələri gələcəkdə də davam etdirmək niyyətində olduqlarını deyib.




 
Bölməyə aid digər xəbərlər
17.01.2019
Dövlət Sosial Müdafiə Fondu tərəfindən ötən il 6148 sanator-kurort göndərişi verilib
17.01.2019
Bu il daha 6400-dən çox şəhid hərbi qulluqçunun vərəsələri birdəfəlik ödəmə ilə təmin ediləcək
16.01.2019
“Bizim həyət” layihəsi paytaxtın Sabunçu rayonunda icra olunur
16.01.2019
Yanvar ayı üzrə pensiyaların maliyyələşdirilməsinə başlandı
16.01.2019
Nazirlik işəgötürən şirkətlərə xəbərdarlıq etdi

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10564

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Hüseyn Babayev AAF-ın vitse-prezidenti təyin edilib
5 Dərslər təxirə salındı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info