Əli Kərimli xəyanət etdiyi Elçibəyi “sevməyə” başlayıb?
Tarix: 22.06.2018 | Saat: 00:52:00 | E-mail | Çapa göndər


Daim mənfi, aqressiv, radikal düşüncələri, ittihamları ilə gündəmə gəlməyə çalışan Azərbaycan Xalq Cəbhəsi Partiyasının (AXCP) rəhbəri Əli Kərimli indi də keçmişdə xəyanət etdiyi eks-prezident Əbülfəz Elçibəyin adından istifadə edərək, öz aləmində, guya, qalmaqal yaratmağa çalışır. Belə ki, o, “Facebook” səhifəsində status yazaraq bildirib ki, guya, hakimiyyət Əbülfəz Elçibəyə ögey münasibət bəsləyir, onun ad gününün keçirilməsinə imkan vermir və s. Çox maraqlıdır, Əbülfəz Elçibəyin yaxınları, əzizləri, ona sadiq olan əsl siyasət adamları niyə belə giley-güzar etmirlər? Deməli, Kərimlinin əvvəlki ittihamları kimi, bu ittihamı da absurddur, insanların gözünə kül üfürmək üçündür. Ümumiyyətlə, bu adama sual verən lazımdır ki, sən hansı haqla Elçibəylə bağlı danışmaq, ona ad günü keçirmək istəyirsən, axı? Hətta müxalifət daxilində belə, bu siyasətçini Elçibəyə ən böyük xəyanət edən adam kimi tanıyırlar, onu 90-cı illərdə Elçibəyin inanıb yaxınına buraxdığı ən böyük yanlış seçimi kimi qiymətləndirirlər.
Sadə bir misal deyək ki, iki il öncə mətbuata açıqlama verən Elçibəyin qardaşı oğlu Hürrü Əliyev Əli Kərimli haqqında ağır sözlər demişdi, onun əmisinə xəyanət etdiyini dilə gətirmişdi: “Əli Kərimli” deyəndə, nədənsə, "satqın" və "xəyanətkar" sözləri yada düşür. Diqqət etsəniz görərsiniz ki, bu insan siyasi fəaliyyəti boyunca hamını öz şəxsi və siyasi maraqlarına qurban verib və hətta dostlarına belə, xəyanət edib”.
Bir məşhur qalmaqalı da xatırladaq. Əli Kərimlinin Əbülfəz Elçibəyin otağına dinləyici qurğu yerləşdirməsi, liderini dinləməsi faktını, yəqin ki, hər kəs xatırlayır. Onun cəbhənin qəzetində Əbülfəz Elçibəy əleyhinə sifarişlə yazdırdığı əxlaqa, insanlığa sığmayan məqalələr də unudulmayıb. Bu çirkin kampaniyaya Elçibəy Türkiyədə ölüm yatağında olanda belə, son verilmədi.
Hürrü Əliyev bununla bağlı deyirdi ki, bu yazılar adi xəyanət deyildi, hərəkat rəhbərinə qarşı yönəlmiş çirkin, ləyaqətsiz bir addım idi: “Əli Kərimli onu illərlə davam etdirdi. Bunu heç kim unutmayıb. Nə Elçibəy ailəsi, nə də elçibəyçilər”.
Doğrudan da, Əli Kərimlinin sifarişi ilə birbaşa idarə etdiyi “Azadlıq” qəzetində xeyli sayda Elçibəyi aşağılayan yazılar getdi. Bu qəzetdə gedən bir məqalədən təkcə bir hissəni oxuculara xatırladaq və dəyərli oxucular özləri qiymət versinlər: “Qonşu kəndə yas yerinə buraxılmayan Əbülfəz Elçibəy prezident seçkilərinə qısa zaman qalmış maneəsiz olaraq Bakıya qayıda bildi. Qəribə deyilmi? Elçibəy öz qəfil gəlişini belə izah edir : «Özüm istədim, gəldim. Oturdum, təyyarəyə, uçdum Bakıya». Deməli, 4 il ərzində gəlmək istəməyib. İstəsəydi, gələrdi. Nəsə inandırıcı görünmür. Keçmiş prezident həmişə bir suala cavabdan yayınıb - «Bakıdan nə üçün getdiniz?». Onun verdiyi bütün cavablar, əslində, bu sualın cavabsız qalması üçündür. Cənab Elçibəy 1993-cü il iyunun 17-dən 18-nə keçən gecə Rusiya və İran kəşfiyyatını aldatdığını söyləyir. Ancaq necə inanaq ki, indi bizi aldatmır?». (Azadlıq qəzeti, 18 iyul 2000-ci il, «Mübahisəli lider» məqaləsi).
İndi sual yaranır, siyasi karyerasının, az qala, yarısını öz rəhbərinə qarşı yönəldən bir adamın indi onun ad gününü keçirmək üçün haray-həşir salması nə qədər səmimi görünür? Doğrudanmı, Əli Kərimli düşünür ki, Elçibəy amilini qabartmaqla bir qrup insanın sevgi və sayğısını qazanacaq? Əsla. Xalq artıq hər şeyi gözəl görüb, 90-cı illərin qaranlıq səhifələrinin geridə qalmasına baxmayaraq, yenidən təkrarlanmasını qətiyyən arzulamır. O səhifələrin mənfi obrazlarından biri isə məhz Əli Kərimli idi. Vaxtilə quyusunu qazdığı keçmiş rəhbərinin indi ad gününü keçirməyə çalışan Əli Kərimli...
Tural Tağıyev




 
Bölməyə aid digər xəbərlər
17.11.2018
Fransalı deputatların Saakyanla mümkün görüşü Fransanın ATƏT-in Minsk qrupunun həmsədri kimi statusuna zidd olacaq
17.11.2018
KTMT-nin Ermənistan problemi: Azərbaycan-Belarus əməkdaşlığına rəsmi İrəvanın qısqanclığı
17.11.2018
Parisin qeyri-adekvat siyasəti Fransanın ATƏT Minsk qrupunda iştirakını şübhə altına alır
16.11.2018
Humanist addıma kölgə salmaq istəyənlər uğursuzluğa məhkumdur
16.11.2018
İlqar Orucov: Bu gün Azərbaycanı dünyada uğurla təbliğ edən yüksək hazırlıqlı gənclər ordusu formalaşıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10489

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Gedir dayanmadan zamanın köçü”
4 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info