ADPU-da “Erkən nikahlara yox!” mövzusunda sərgi keçirilib
Tarix: 22.06.2018 | Saat: 18:00:00 | E-mail | Çapa göndər


Yeni Azərbaycan Partiyasının Səbail rayon təşkilatının “Pedaqoqlar” ilk ərazi partiya təşkilatının Qadınlar Şurasının, Azərbaycan Dövlət Pedaqoji Universitetinin (ADPU) Musiqi, təsviri incəsənət, fiziki tərbiyə və gənclərin çağırışaqədərki hazırlığı fakültəsinin təşəbbüsü və təşkilatçılığı ilə universitetdə “Erkən nikahlara yox!” mövzusunda sərgi keçirilib. Tədbirdə İnzibati və iqtisadi işlər üzrə prorektor Ümid Mehdiyev, YAP-ın Səbail rayon təşkilatının “Pedaqoqlar” ilk ərazi partiya təşkilatının sədri, professor Himalay Qasımov, Tarix və coğrafiya fakültəsinin dekanı, dosent Şahin Pənahov, həmin fakültənin dekan müavini, dosent Mətanət Əsgərova, İbtidai təhsil fakültəsinin dekanı, professor Fərrux Rüstəmov, Ümumi psixologiya kafedrasının müdiri, professor Ramiz Əliyev, Şimali Kipr Türk Respublikasından gəlmiş tanınmış rəssam Selvi Sertdemir, "Ümidli Gələcək" Gənclər İctimai Birliyinin icraçı direktoru Kəmalə Aşumova iştirak ediblər. Öncə sərginin rəmzi açılışını bildirən lent kəsilib.
Tədbiri  giriş sözü ilə açan fakültənin dekanı, dosent Laçın Həsənova mövzunun aktuallığını qeyd edərək sözü Selvi Sertdemirə verib. Selvi Sertdemir öz fəaliyyəti barədə və erkən nikahların təhsilə, sağlamlığa mənfi təsirləri haqqında geniş danışıb. Qeyd edək ki, Selvi Sertdemir 1963-cü ildə Türkiyə Respublikasının Konya şəhərində anadan olub. Şimali Kipr Türk Respublikasının vətəndaşıdır. Həmin ölkədə SOS Uşaq Şəhərciyində işləyir. O, rəssam olmaqla yanaşı, “Uşaqların inkişafı” ixtisası üzrə mütəxəssisdir. Müxtəlif beynəlxcalq sertifikatlara layiq görülüb. 2015-ci və 2016-cı illərdə İzmir Xəbər Agentliyinin “İlin ən yaxşı rəssamı” və SOS Uşaq Kəndinin “İlin ən yaxşı anası” mükafatları ilə təltif olunub. “Beynəlxalq Sosial Məsuliyyət ART” layihəsi çərçivəsində müxtəlif ölkələrdə “Erkən nikahlara yox!” mövzusunda çoxlu sərgilər keçirib.
YAP-ın Səbail rayon təşkilatının “Pedaqoqlar” ilk ərazi partiya təşkilatının sədri, professor H.Qasımov çıxışında fakültənin rəhbərliyinə, müəllim və tələbələrinə sərginin təşkil olunmasına görə təşəkkür edib. Qeyd edib ki, fakültə sosial fəallığına görə universitetdə seçilir. Professor H.Qasımov fakültənin əməkdaşlarına gələcək fəaliyyətlərində uğurlar arzulayıb. 
Ümumi psixologiya kafedrasının müdiri, professor Ramiz Əliyev çıxışında sərginin mövzusunun və nümayiş olunan rəsm əsərlərinin  maraqlı olduğunu bildirib və növbəti sərgilərin milli dəyərlərə, sağlam ailəyə həsr olunmasını təklif edib.
Sonra  Əməkdar incəsənət xadimi Nailə Mirməmmədlinin rəhbərlik etdiyi  fakültənin birləşmiş xoru  fakültənin himnini, Nailə Mirməmmədlinin bəstələdiyi "Uşaqlar ağlamasın" mahnısını və turk bəstəsini  ifa ediblər. Bədii hissədən somra iştirakçılar Selvi Sertdemir, Təsvir incəsənət və onun tədrisi metodikası kafedrasının müəllimi Bənövşə Ağayevanın, Vəfa Allahyarovanın və fakültə tələbələrinin rəsm əsərləri ilə tanış olublar.
Tədbirdə fakültənin fəal tələbələri diplomlarla təltif olunublar. Həmçinin Selvi Sertdemir fakültənin dekanı, dosent Laçın Həsənovaya, fakültənin müəllimləri Bənövşə Ağayevaya, Vəfa Allahyarovaya  və tələbələrinə diplomlar təqdim edib. 

Nigar




 
Bölməyə aid digər xəbərlər
23.03.2019
Naxçıvanlı məktəblilər “Ölkəmizi tanıyaq” tur-aksiyası çərçivəsində Bakıya gəliblər
22.03.2019
İtaliyanın “Agenzia Nova” saytı Novruz bayramının adət-ənənələrindən yazır
20.03.2019
Bayramın ikinci günündə hava əsasən yağmursuz keçəcək
20.03.2019
Kiyevdə keçirilən Novruz şənliyində Azərbaycanın milli mətbəx nümunələri təqdim olunub
20.03.2019
Vaşinqtondakı Azərbaycan məktəbində Novruz bayramı qeyd olunub

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Azərbaycan xalqı zəngin mədəniyyətə sahibdir
3 Lənkəranın ucqar kənd məktəbində Novruz şənliyi keçirilib
4 İraqda bərə qəzaya uğrayıb: 71 ölü
5 Prezident və xanımı Bakıda Novruz şənliyində


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info