Namiq Əliyev: “Azərbaycan Ordusu dünyanın ən güclü 50 ordusu sırasındadır ”
Tarix: 23.06.2018 | Saat: 14:55:00 | E-mail | Çapa göndər


“Prezident İlham Əliyev Azərbaycan Xalq Cümhuriyyətinin 100 illiyi ilə bağlı rəsmi mərasimdə belə bir fikir söylədi ki, Xalq Cümhuriyyətinin qurucuları bu günü görsəydilər, onlar da ölkəmizlə fəxr edərdilər”. Bunu SİA-ya açıqlamasında “Palitra” qəzetinin baş redaktoru Namiq Əliyev deyib.
Onun sözlərinə görə, eynilə də, Milli Ordunu yaradan generallar - Səməd bəy Mehmandarov, Əliağa Şıxlinski, hərbi nazir Xosrov Paşa bəy Sultanov bu günkü hərbi qüdrətimizi görsəydilər, qürur duyardılar: “Bu gün beynəlxalq təşkilatların rəyinə görə, Azərbaycan Ordusu dünyanın ən güclü 50 ordusu sırasındadır. Ordumuzun bu səviyyəyə çatmasında Prezident İlham Əliyevin müstəsna xidmətləri var. Yeri gəlmişkən, Prezidentin fəaliyyət prinsipində bir xüsusiyyətini xatırlatmaq istəyirəm. O, istənilən sahə üçün lazım olan avadanlığın dünyadakı ən son modelinin ölkəyə gətirilməsini tələb edir. Bu yanaşma ordu quruculuğu sahəsinə də aiddir. Azərbaycan Ordusu ən müasir texnologiya, avadanlıqlar və silahlarla təchiz olunub. Elə bu ay Belarus və İsraildən hədəfi yüksək dəqiqliklə vura bilən ən müasir raketlər aldıq və onların təqdimatında Prezident özü də iştirak etdi. Ermənistandan fərqli olaraq bu hərbi texnikanı öz hesabımıza alırıq, həmçinin Azərbaycan özü hərbi məhsullar istehsal edə bilir. Silahlı Qüvvələrimizin tələbatının müəyyən hissəsi ölkədə istehsal edilən yerli hərbi məhsulların hesabına ödənilir. Dünyanın ən güclü dövlətləri ilə hərbi əməkdaşlıq qurmuşuq, aparıcı silah şirkətləri ilə sıx əlaqələrimiz var. Ən əsası da odur ki, xalqımız öz Milli Ordusu ilə fəxr edir, onun nailiyyətlərini yüksək qiymətləndirir. 2016-cı ildə Qarabağdakı Aprel döyüşlərinə, 2018-ci ildə Naxçıvandakı Günnüt əməliyyatına xalqımızın münasibəti göz qabağındadır. Sosial şəbəkələrdə ən çox izlənilən, paylaşılan, oxunan, qürur duyulan xəbərlər bu əməliyyatlarla bağlı idi. İnanırıq ki, Aprel döyüşünün və Günnüt qələbəsinin ardınca yeni qələbələrin şahidi olacağıq. Baxın, 2 il əvvəl Qarabağda 2 min hektar sahəni düşməndən azad etmişdik, 2018-ci ildə Naxçıvanda bu rəqəm 11 min hektara çatdı. Bu o deməkdir ki, Azərbaycan Silahlı Qüvvələri xalqımızı daha böyük qələbələrlə sevindirəcək”.
GÜLYANƏ




 
Bölməyə aid digər xəbərlər
19.09.2018
Gəncənin Qazaxlar və Balabağman məscidləri təmir edilib
19.09.2018
Gəncədə iki yerdə qanvermə aksiyası keçiriləcək
19.09.2018
ADPU-da professor Faruk Faik Köprülünün məruzəsi dinlənilib
19.09.2018
Dövlət Əmək Müfəttişliyi Xidməti Lənkəran və Masallı rayonlarında seminar keçirib
19.09.2018
Əcnəbilərin Azərbaycana marağını necə artırmaq olar

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10122

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info