Bilik Fondu Azərbaycan Ordusunun 100 illiyinə silsilə tədbirlər həsr edib
Tarix: 26.06.2018 | Saat: 00:48:00 | E-mail | Çapa göndər


Prezident yanında Bilik Fondu Azərbaycan Ordusunun 100 illiyi münasibətilə müxtəlif məzmunlu maarifləndirici tədbirlər təşkil edir. Bilik Fondundan bildirilib ki, “Ordum varsa, yurdum var” şüarı ilə hazırlanan tədbirlərdə Qarabağ müharibəsinə həsr olunan filmlər göstərilir, kitabların təqdimatları təşkil olunur. Bilik Fondu müxtəlif təyinatlı hərbi hissələrdə əsgər və zabitləri dəfələrlə ziyarət edib. Bu günə qədər hərbi hissələrin kitabxanalarına mindən çox kitab hədiyyə olunub. “Əsgərə məktub” və “Əsgərdən məktub” layihələri çərçivəsində yazılan məktublar ordu-xalq birliyinə xidmət edib. Görüşlərdə alimlərlə yanaşı, əsgər və zabitlər də Ali Baş Komandan İlham Əliyevin rəhbərliyi ilə torpaqlarımızı işğaldan azad etməyə hazır olduqlarını bildiriblər. Bilik Fondu işğaldan azad edilmiş Cəbrayıl rayonunun Cocuq Mərcanlı kəndinə də səfərlər təşkil edib. Məktəblilər, kənd sakinləri ilə sıx təmaslar qurulub, həm məktəbə, həm də kənd məscidinə 1000 nüsxədən çox kitab hədiyyə olunub. Fond Azərbaycan Hərb Tarixi Muzeyinə ekskursiyalar da təşkil edib. Gənclər muzeyin hərb tariximizin ayrı-ayrı dövrlərini özündə ehtiva edən geniş zallarında Səfəvi dövlətindən tutmuş bu günə qədər olan hərb tariximiz barədə əyani vasitələrlə tanış olurlar. Fondun “Tariximizi öyrənək və öyrədək”, “Gənc jurnalistlər” klublarının üzvləri də ordu tarixinin daha yaxından öyrənilməsi məqsədilə mütəmadi tədbirlərə cəlb olunurlar. Bilik Fondunun dəstəyi ilə Beyləqan rayonu ərazisində yerləşən hərbi hissədə əsgər və zabitlər üçün “Bilik otağı” yaradılıb, Tərtər şəhərində Qarabağ regional Bilik Evi fəaliyyətə başlayıb. Bilik Fondunun təşkilatçılığı və Şuşa Dövlət Musiqili Dram Teatrının yaradıcı heyətinin iştirakı ilə Binəqədi rayonu ərazisində yerləşən “N” saylı hərbi hissədə Azərbaycan Ordusunun yaradılmasının 100 illiyinə həsr olunmuş “Azərbaycan – yurdum mənim” mövzusunda ədəbi-musiqili kompozisiya, Pirəküşkül qəsəbəsində yerləşən digər hərbi hissədə “Əsgər papağı” tamaşası nümayiş etdirilib. Fondun hərbi vətənpərvərliyin təbliği istiqamətində layihələri davam edir.




 
Bölməyə aid digər xəbərlər
24.09.2018
Bakıda Xüsusi Olimpiya Hərəkatı Gənc Liderlərin 20-ci Qlobal Forumu işə başlayıb
24.09.2018
AQTA bəzi şirniyyatlarla bağlı məlumatlara aydınlıq gətirdi- “Ozmo”, “Pop kek”, “Tutku”...
24.09.2018
Aİİ bütün tələbələrini dərs vəsaitləri ilə təmin edib
24.09.2018
Ramil Usubov İranda səfərdədir
24.09.2018
Prokurorluğun yaranmasının 100 illiyinə həsr olunmuş konfrans

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10137

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info