“Ötən il Azərbaycanla ticarət dövriyyəsi rekord həddə çatıb”
Tarix: 13.06.2013 | Saat: 23:16:00 | E-mail | Çapa göndər


Prezident yanında Strateji Araşdırmalar Mərkəzində (SAM) Çin Xalq Respublikasının Azərbaycandakı səfiri Xun Tsuyin ilə görüş keçirilib.
Tədbirdə əvvəlcə çıxış edən SAM-ın direktoru Fərhad Məmmədov bildirib ki, Azərbaycan-Çin əlaqələri hərtərəfli inkişaf edir. O qeyd edib ki, Azərbaycan Respublikasının Prezidenti İlham Əliyev bu əlaqələrə böyük önəm verir.
Çinin Azərbaycandakı səfiri Xun Tsuyin Çində son illər baş verən dəyişikliklərdən, ölkəsinin xarici siyasətindən danışıb. Azərbaycanla Çin arasındakı əlaqələrə toxunan səfir xatırladıb ki, iki ölkə arasında diplomatik əlaqələr 1992-ci ildə qurulub: “Keçən il biz bu əlaqələrin 20 illiyini qeyd etmişik. İki ölkənin liderləri sayəsində bu əlaqələr qarşılıqlı şəkildə uğurla inkişaf edib və stabil nəticələr əldə edilib. Çin-Azərbaycan əlaqələri heç zaman olmayan səviyyəyə çatıb. Qarşılıqlı siyasi inam və hörmət inkişaf edir. Hazırda iki ölkə arasında həll edilməmiş məsələ yoxdur. Hər iki ölkə suverenlik və ərazi bütövlüyü məsələsində bir-birini dəstəkləyir”.
Səfirin sözlərinə görə, bu əlaqələrin hüquqi bazası gücləndirilir. Bu məqsədlə iki ölkənin hökumətləri arasında 12 saziş imzalanıb. Xun Tsuyin qeyd edib ki, əlaqələrin 21 ili ərzində ticarət dövriyyəsi 600 dəfə artıb: “Əgər 1992-ci ildə ölkələrimiz arasında ticarət dövriyyəsi 1,5 milyon dollar idisə, 2011-ci ildə 1,086 milyard dollar olub. Bu, 2009-cu ildəkindən 16,5 faiz, 1992-ci ildəkindən isə 600 dəfə çox olub. Ötən il isə bu göstərici rekord həddə - 1 milyard 200 milyon dollara çatıb”.
O bildirib ki, Azərbaycanla Çin arasında dostluq münasibətlərinin, qarşılıqlı əlaqələrin inkişafı böyük potensiala malikdir. Çin bu münasibətlərin inkişafına böyük önəm verir:
“Azərbaycanla Çin arasında ticari-iqtisadi əlaqələrin səviyyəsi qaneedici deyil. Bu əlaqələr əsasən alış-verişə əsaslanır. İki ölkə arasında investisiya qoyuluşları lazımdır. Artıq Çində Azərbaycana böyük investisiyalar qoymaq istəyən şirkətlər var. Çin tərəfindən 700 milyon dollar investisiya qoyuluşuna başlanılıb. Çində isə 15 Azərbaycan şirkəti fəaliyyət göstərir. Gələcəkdə əlaqələrin inkişafı üçün qarşılıqlı investisiyaların həcmi artırılmalıdır. Biz bu istiqamətdə işləyirik”.
Humanitar sahədəki münasibətlər barədə danışan səfir X.Tsuyin bildirib ki, bu sahədə də böyük işlər görülür, hər iki ölkədə müxtəlif mədəni tədbirlər təşkil olunur.
Cavidan




 
Bölməyə aid digər xəbərlər
03.12.2020
Azərbaycanda 4 189 nəfər COVID-19-a yoluxdu, 2 072 nəfər sağaldı, 40 nəfər vəfat etdi
03.12.2020
Laçın rayonunun Hüsülü və Malıbəy kəndləri - VİDEO
03.12.2020
Laçın şəhərinin görüntüləri – VİDEO
02.12.2020
“Səndən mənə qardaş olmaz, sən ermənisən”... – VİDEO
02.12.2020
Laçının Qarıqışlaq kəndindən VİDEOgörüntü

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 12129

1 Yatanda 5 yastıq istifadə edin - Çinli həkimdən tövsiyə - VİDEO
2 Ev şəraitində öskürəyə qarşı tətbiq edilən ən effektiv vasitələr
3 Qarabağ yeni turizm destinasiyası kimi dünyaya təqdim olunacaq
4 İqor Korotçenko: “Dağlıq Qarabağ Azərbaycan ərazisidir. Bu məsələ birdəfəlik və həmişəlik bağlanıb”
5 “Anamın kitabı” pyesi əsasında çəkilən film tamaşaçıların görüşünə gələcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info