Lənkəran şəhər İH: “Həqiqəti görməmək nadanlıqdır”
Tarix: 13.06.2013 | Saat: 23:23:00 | E-mail | Çapa göndər


“Son günlər bəzi internet səhifələrində Lənkəran şəhəri barədə tamamilə yalan və iftiradan ibarət sicilləmə yazı verilib. Yazı müəllifləri huşsuz adamlar kimi beyinlərindəki sayıqlamaları internet səhifəsinə çıxararaq özlərini gülünc vəziyyətdə qoyublar”. “Azadinform” xəbər verir ki, bu barədə açıqlama ilə Lənkəran Şəhər İcra Hakimiyyəti çıxış edib.
Məlumatda bildirilir ki, Lənkəran bazarı keçən əsrin 90-cı illərində özəlləşdirilərək Səhmdar Cəmiyyətə çevrilib: “Bu illər ərzində bazarda və bazarın ərazisində aparılan hər hansı tikinti və ya yenidənqurma işi yalnız “Lənkəran bazar” ASC tərəfindən həyata keçirilir. Hazırda da “Lənkəran bazar” ASC tərəfindən lənkəranlıların “yaşıl bazar” adlandırdıqları antisanitariyalı, üstüaçıq, primitiv, eybəcər formalı pələmələrdən ibarət ticarət cərgələrinin yerində müasir dizaynlı, yaraşıqlı görünüşə malik, işıqlı, geniş ticarət mərkəzi tikilir. Ticarət mərkəzi Lənkəran bazar ASC-nin əmlakıdır, heç kimə satılmır və yalnız istifadəyə veriləndən sonra icarəyə veriləcək. Göründüyü kimi bu məsələnin Şəhər İcra hakimiyyətinə heç bir aidiyyəti yoxdur və ola da bilməz. Çünki İcra başçısı Taleh Qaraşov fəaliyyətində həmişə şəffaf quruculuq işləri ilə məşğul olub, özündən sonra abadlıq, səliqə-sahman, yerli əhali yanında hörmət və ehtiram saxlayıb. Bu gün də Lənkəran rayonunun əhalisi, şəhər sakinləri Taleh Qaraşovun quruculuq işlərini ürəkdən bəyənirlər. Son vaxtlarda Lənkəran şəhərinin sosial-iqtisadi inkişafı sahəsində görülmüş işlər nəticəsində şəhərin siması tamamilə dəyişib, küçələr, səkilər abadlaşıb, yaşıllıqlar artıb, park və bağlar səliqəli şəklə düşüb. Hazırda şəhərdə və rayon ərazisində kütləvi qazlaşma və yeni su-kanalizasiya sisteminin qurulması işləri aparılır. Yeni su-kanalizasiya sistemi qurulandan sonra Lənkəran şəhərinin bütün küçələri, o cümlədən şəhər Bələdiyyəsinin yerləşdiyi binanın qarşısı əsaslı şəkildə təmir olunub asfaltlanacaq. Hər gün Lənkərana yüzlərlə xarici qonaq, turist və iş adamı gəlir. Onların çoxu yerli istehsalla tanış olmaq üçün bazarda olmaq istəyir. Görəsən, haqqında danışdığınız üfunətli “yaşıl bazar” həmin xarici qonaqlarda hansı təəssüratı oyadacaqdı? Oradakı palçıq və çirkabı görəndə onlar bizim haqqımızda nə düşünəcəkdilər? Bəlkə də bunlar sizi heç maraqlandırmır. Çünki təkcə son 1 il ərzində Lənkəranda görülən bu qədər gözəl işlər barədə bir kəlmə də olsun belə yazmamağınız, yalnız ağa qara deməyiniz, böhtan, şər söyləməyiniz sübut edir ki, siz bəd niyyətli, qara fikirli bədbəxt insanlarsınız. Sizin üçün Vətən təəssübkeşliyi, xalqa xidmət meyarı yoxdur. Bütün bunlar sübut edir ki, siz Həsən bəy Zərdabi ənənələrinə sadiq qalan jurnalistlər deyil, bəzi qara qüvvələrin diqtəsi ilə vəzifə borcunu vicdanla yerinə yetirən, xalqa xidmət etməyi özünə şərəf hesab edən ləyaqətli insanlara böhtan atmağı özünüzə peşə seçmiş nadan və cahillərsiniz”.




 
Bölməyə aid digər xəbərlər
18.09.2018
Aşıq Hüseyn Bozalqanlının “Xalxal səfəri” dastanı belə başlayır...
18.09.2018
Biləsuvar şəhərində 1176 şagird yerlik yeni ümumtəhsil məktəbi tikiləcək
18.09.2018
Məcburi köçkünlərin növbəti qəbulu keçirilib
18.09.2018
Rektor: “İnstitutumuzda dövlətin qayğı və təminatı ilə hər cür şərait yaradılıb”
18.09.2018
Ucqar dağ kəndlərindəki uşaqlara məktəb ləvazimatları verilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10117

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info