Erməni əsgər anaları: ”Seyran Ohanyanın həbsi ilə daha böyük cinayətlər ortaya çıxacaq”
Tarix: 28.06.2018 | Saat: 20:59:00 | E-mail | Çapa göndər


«Sputnikarmenia.ru»:
”Manvel Qriqoryanın həyat yoldaşı əsgər yeməklərinin oğurlanmasının iştirakçısıdır”

Ermənistan polisi Serj Sarkisyanın təhlükəsizlik şefi Vaçaqan Kazaryanı həbs edib. Bu barədə ölkənin Xüsusi İstintaq təcridxanasından məlumat verilib. Bir neçə cinayət maddəsi ilə ittiham olunan Kazaryandan axtarış zamanı böyük məbləğdə pul tapılıb. Belə ki, bir müddət bundan əvvəl onun İrəvandakı mənzilindən 35 milyon dram, 1 milyon 110 min 400 dollar və 230 min 500 evro, səhəri gün isə şəxsi qarajından 2 min dollar müsadirə edilib.
Qeyd edək ki, Ermənistanda həbslər davam etməkdədir.
«Həbsdə olan general Manvel Qrigoryanın həyat yoldaşı Nazik Amiryan həbs olunacaqmı? Bu, 72 saat ərzində aydın olacaq». Bu barədə açıqlamanı «sputnikarmenia.ru» saytına Ermənistan Müstəqil Araşdırmalar Xidmətinin rəhbəri Sasun Xaçatryan verib. Onun sözlərinə görə, artıq Nazik Amiryan polisə gətirilib. Amiryan silah və ordu mülkiyyətinə qanunsuz sahib olmaqda şübhəli bilinir. İstintaqdan əldə edilən ilkin məlumata görə, o, ərinə Eçmiadzin və Arşaluys kəndlərindəki mənzillərində silah və əsgərlərin konservləşdirilmiş məhsullarını gizlətməyə kömək edib: "Mən hələ ki, onun həbslə təhdid ediləcəyi barədə heç nə söyləyə bilmərəm. Bu , Nazik Amiryanın istintaqdakı davranışı ilə bağlı olacaq. Hər şey 72 saast ərzində məlum olacaq»-deyə Xaçatryan bildirib. Qeyd edək ki, Xaçatryan Amiryanın işi ilə bağlı cinayət prosesində bir-iki faktın sayılmadığını, onun həbsi üçün kifayət qədər dəlilin vacibliyini vurğulayıb: «Onun həyat yoldaşı general Manvelə gəldikdə isə , işin bütün şərtlərini öyrənmək üçün ən azı iki ay vaxt lazım gələcək».
Haşiyə çıxaraq bildirək ki, erməni əsgərlərinin yemək payını oğurlamaqda şübhəli bilinən general arvadı Nazik Amiryan, nə qədər qəribə də olsa, istefada olan polkovnikdir. O, polis idarəsinə gətirilənə qədər polisdən gizlənirdi. Xatırladaq ki, bu ayın 19-da erməni polisi etiketləri üzərinə "…əsgər payı" yazılmış yemək qutularını daşıyan yük maşınını saxlamışdı. Avtomobilin yoxlanılması zamanı maşının yük yerindən 2980 qutu konserv müsadirə edilmişdi. Saxlanılan sürücünün ifadəsinə görə, konserv bankaları deputat Manvel Qriqoryanın həyat yoldaşı Nazik Amiryanın göstərişi ilə "Yerkrapar" Könüllülər İttifaqının binasından götürülüb.

Erməni saytları Kim Qardaşyanın məşhur repçidən boşanacağı xəbərindən bərk kədərləniblər


Qeyd edək ki, bu arada orduda sülh şəraitində ölən əsgərlərin anaları yenidən Hökumət binasının qarşısına toplaşıblar. Manvel Qriqoryanın davranışı ilə bağlı Milli Təhlükəsizlik Xidmətinin videolarını şərh edən erməni analardan biri deyib: "Mən artıq səkkiz ildir ki, orduda baş verən hərc-mərclikdən danışıram. Hər şeyin- korrupsiyanın, mənimsəmənin, məhz Ermənistan ordusundan başladığını bildirirəm, lakin hələ ki. məni heç kim eşitməyib». Onun sözlərinə görə, erməni əsgərlərinin əksəriyyəti bu soyğunçuluğun şahidi olublar və onların hər hansı bir ehtiyatsızlığı bu əsgərlərin ölümü ilə sonuclanıb: «Mənim övladım da bu qanunsuzluğun qurbanı oldu. O, ölümündən bir neçə gün əvvəl mənimlə telefon danışığında xidmət etdiyi hərbi hissənin ordu yox, xaos mərkəzi olduğunu bildirmişdi. Hərbi hissədəki bütün oğurluqlara görə. ondan susmağı tələb edirmişlər. Mənimlə telefon danışığından bir neçə gün sonra onun müəmmalı şəkildə ölümü barədə xəbər tutduq». Erməni qadın bu və buna bənzər bütün cinayətlərin hələ də açılmadığını bildirib. Erməni anaları, oğullarının ölüm səbəblərinin və daha böyük cinayətlərin yalnız "Manvel Qriqoryandan sonra Seyran Ohanyanın həbsi ilə ortaya çıxacağını” düşünürlər.
Ermənistan mətbuatında yer alan xəbərlərdən biri də Kim Qardaşyanla bağlıdır. Erməni saytları «Amerikanın erməni mənşəli ulduzu»nun qaradərili həyat yoldaşı repçi Kanye Uest tərəfindən boşanma şəraitində olduğunu çox kədərli bir şəkildə oxucularına çatdırıb.
Ağasəf Babayev




 
Bölməyə aid digər xəbərlər
14.11.2018
Ermənistandakı bəzi siyasi qüvvələr parlament seçkilərində iştirakdan imtina edirlər
14.11.2018
Putin: “Rusiya müsəlman ölkələri ilə dostluq əlaqələrinin inkişafına böyük əhəmiyyət verir”
13.11.2018
Nazarbayev Asiyada Təhlükəsizlik və Əməkdaşlıq Təşkilatının yaradılmasını təklif edib
13.11.2018
NATO Avropa ordusuna qarşı çıxdı
13.11.2018
Ermənistanın dövlət strukturlarında çalışanlar ixtisar ediləcək

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10470

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info