ƏMDK elektron hərraclarla bağlı Gürcüstan təcrübəsini öyrənir
Tarix: 29.06.2018 | Saat: 16:34:00 | E-mail | Çapa göndər


Əmlak Məsələləri Dövlət Komitəsi (ƏMDK) elektron hərracların təşkili ilə bağlı Gürcüstan təcrübəsini öyrənir.
ƏMDK-nin mətbuat xidmətindən bildiriblər ki, qurumun nümayəndə heyəti Tbilisi şəhərinə səfər edib. Səfər çərçivəsində Gürcüstanın Maliyyə Nazirliyinin tərkibində fəaliyyət göstərən Xidmət Agentliyi, eləcə də İqtisadiyyat və Dayanıqlı İnkişaf Nazirliyi, lisenziyaların verilməsi üzrə səlahiyyətli qurumun nümayəndələri ilə görüşlər keçirilib. Məqsəd dövlət əmlakının özəlləşdirilməsi sahəsində ikitərəfli əməkdaşlıq əlaqələrinin genişləndirilməsi, xüsusilə elektron hərracların təşkili ilə bağlı Gürcüstan təcrübəsinin öyrənilməsi, bu sferanın təkmilləşdirilməsi üçün fikir mübadiləsinin aparılması, o cümlədən kadrlara seminar və treninqlərin keçirilməsidir.
İlk olaraq Gürcüstanın Xidmət Agentliyinin rəhbəri Azərbaycanın nümayəndə heyəti üzvlərinə özəlləşmə sahəsində ikitərəfli əlaqələrin genişlənəcəyi üçün məmnunluğunu bildirib. Sonra tərəflər dövlət əmlakının özəlləşdirilməsi üzrə hər iki ölkədə təşkil olunan hərraclar, habelə əmlak xidmətlərinin fəaliyyət prinsipləri sahəsində müzakirələr aparıblar, məhsuldar təcrübə mübadiləsi həyata keçiriblər.
Qeyd edilib ki, Azərbaycanda dövlət əmlakının idarəçiliyi, o cümlədən özəlləşmə sahəsində müasir yanaşmaların, innovasiyaların tətbiqi, modern mexanizmlərin formalaşdırılması bu sahədə şəffaflığın daha da artmasına imkan verir. Bu sahədə həyata keçirilən ən mühüm layihələrdən olan elektron hərracların tətbiqi Azərbaycanın özəlləşdirmə prosesi tarixində yeni mərhələnin başlanğıcı olub. "Elektron hərrac" modeli dövlət əmlakının şəffaf şəkildə özəlləşdirilməsinə şərait yaratmaqla əhali və investorlar üçün prosesdə əlçatanlığı artıraraq zaman və məkan məfhumlarını aradan qaldırır.
Qısa müddətdir istifadəyə verilməsinə baxmayaraq onlayn hərraclara əhali tərəfindən yüksək maraq müşahidə edilir. Komitənin elektron xidmətlər portalı üzərindən qeydiyyatdan keçmədən özəlləşdirmə hərraclarını onlayn rejimdə izləmək imkanı isə investorların prosedurlar barədə dolğun informasiyalar əldə etməsinə imkan verir.
Sərmayəçi isə hərraca çıxarılan dövlət əmlakları ilə virtual tanış olmaq imkanına malikdir. Belə ki, "Özəlləşdirmə portalında" hər bir əmlakın mövqeyi, yerləşməsi, mövcud vəziyyəti barədə fotoşəkillər və mətn məlumatları var. Artıq portala baxış sayı 2 milyona yaxınlaşıb.
Komitənin həyata keçirdiyi bütün bu innovativ tədbirlərin başlıca məqsədi vətəndaşların minimum vaxt itkisi olmaqla, daha operativ qaydada, müasir texnoloji üstünlüklərdən istifadə etməklə xidmətlərdən yararlanmasını təmin etməkdir.
Sonda bildirilib ki, özəlləşmə sahəsində qarşılıqlı əməkdaşlıq əldə edilən inkişaf dinamikasının davamlılığını qoruyub saxlayacaq.
Fuad Hüseynzadə




 
Bölməyə aid digər xəbərlər
24.09.2018
“ADEX-2018” müdafiə sərgisində 29 ölkədən 224 şirkət iştirak edəcək
24.09.2018
Diaspor təşkilatları əməkdaşlığı gücləndirirlər
24.09.2018
Dövlət Sərhəd Xidməti Akademiyasında kursantların andiçmə mərasimi keçirilib
22.09.2018
Reytinq: Bakı dünyanın ən təhlükəsiz 41 şəhəri sırasında yer alıb
22.09.2018
Xüsusi Olimpiya Hərəkatı gənc liderlərin 20-ci Qolobal Forumu keçiriləcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10136

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info