Avstriyanın Klaqenfurt şəhərində Azərbaycanın fəxri konsulluğu açılıb
Tarix: 01.07.2018 | Saat: 12:10:00 | E-mail | Çapa göndər



Avstriyanın Klaqenfurt şəhərində Azərbaycanın Karintiya və Ştiriya federal əyalətləri üzrə fəxri konsulluğunun açılışı olub.

Fəxri konsulluğun açılışında Karintiya federal əyalətinin qubernatoru Peter Kayzer, Əyalət Parlamentinin (Landtaq) prezidenti Raynhart Rohr, Klaqenfurt şəhərinin meri Mariya-Luize Matiaşits, baş və fəxri konsulluqların, Karintiya və Ştiriya əyalətlərində fəaliyyət göstərən diplomatik korpusun, siyasi partiyaların təmsilçiləri, hər iki əyalətin ictimai-siyasi və mədəni həyatında mühüm rol oynayan şəxslər, müxtəlif şirkət və müəssisələrin nümayəndələri iştirak ediblər.
AZƏRTAC xəbər verir ki, tədbirin əvvəlində Azərbaycanın və Avstriyanın dövlət himnləri səsləndirilib.
Mərasimin açılışında Azərbaycan Respublikasının Avstriyadakı səfiri Qalib İsrafilov iki ölkə arasında əlaqələrin yüksək səviyyədə inkişaf etdiyini qeyd edib, ötən dövr ərzində dövlət rəhbərləri səviyyəsində qarşılıqlı səfərlərin baş tutduğunu və əlaqələrin daha da inkişafı üçün perspektivlərin mövcud olduğunu bildirib. Ölkəmizdə dövlət başçısı İlham Əliyevin rəhbərliyi ilə aparılan geniş quruculuq işlərindən bəhs edən səfir Azərbaycanın iştirak etdiyi regional layihələr, respublikamızın Şərq-Qərb və Şimal-Cənub istiqamətində strateji tranzit mərkəzinə çevrilməsi istiqamətində görülən işlər barədə danışıb. Səfir Bakı Ticarət Limanı və Çinə qədər uzanması nəzərdə tutulan dəmir yolu bağlantısının gələcəkdə Avropa və Asiya arasında ticari əlaqələri daha da intensiv və səmərəli hala gətirəcəyini vurğulayıb. Həmçinin qeyd edilib ki, bu günlərdə açılışı olan TANAP qaz kəməri layihəsi ilə Azərbaycan Avropanın enerji təminatına yeni töhfələr verəcək.
Fəxri konsul Helmut Mansenrayter çıxışında uzun illər Fillax (Villach) şəhərinin meri kimi fəaliyyət göstərdiyini, əyalətin və regionun ictimai-siyasi, iqtisadi həyatına yaxından bələd olduğunu bildirib. O, iki ölkə arasında əlaqələrin daha da möhkəmlənməsinə çalışacağını, işgüzar dairələr arasında əməkdaşlığın qurulmasında səylərini əsirgəməyəcəyini vurğulayıb.
Karintiya əyalətinin qubernatoru Peter Kayzer və Klaqenfurt şəhərinin meri Mariya-Luize Matiaşits əyalətdə Azərbaycanın fəxri konsulluğunun açılmasından məmnun olduqlarını qeyd ediblər. Onlar fəxri konsulluğun fəaliyyəti nəticəsində həm iki ölkə, həm də ölkələrin regionları arasında dostluğun və iqtisadi əlaqələrin möhkəmlənəcəyinə əmin olduqlarını bildiriblər.
Qeyd edək ki, Avstriyanın Klaqenfurt şəhərində açılışı keçirilən fəxri konsulluq Azərbaycanın bu ölkədəki sayca ikinci fəxri konsulluğudur. İlk fəxri konsulluq mayın 15-də Aşağı Avstriya federal əyalətinin paytaxtı Sankt Pölten şəhərində açılmışdı.




 
Bölməyə aid digər xəbərlər
19.07.2019
Xarici işlər naziri Elmar Məmmədyarov Çinin ölkəmizdəki yeni səfiri ilə görüşüb
17.07.2019
“Rusiya Azərbaycanlıları İttifaqı gündəmə bəyanatla yox, əməli işlə gəlir”
17.07.2019
STM-də millət vəkili Əli Hüseynli ilə görüş keçirilib
16.07.2019
“MegaFon“ Azərbaycana qarşı təxribata əl atan əməkdaşlarını cəzalandırıb
16.07.2019
Əli Həsənov: Əminik ki, dost Azərbaycan və gürcü xalqları arasında ədavət toxumları səpmək istəyənlərin cəhdləri heç bir nəticə verməyəcək

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 “4-cü qrupa hazırlaşan hər bir abituriyentin arzusu həkim olmaqdır”
2 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
3 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
4 Dünya brendi olmağı hədəfləyən azərbaycanlı gənc
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info