“Amerikalı musiqiçilər Azərbaycan bəstəkarlarının əsərlərinə böyük maraq göstərirlər”
Tarix: 03.07.2018 | Saat: 00:58:00 | E-mail | Çapa göndər


Töhfə Eminova:
“Azərbaycanlı gənclərin “Florida Keys” müsabiqəsində iştirak etmələri onların musiqi karyeralarına böyük təkan verəcək”

Gənc azərbaycanlı musiqiçilərin beynəlxalq arenaya çıxması üçün şans yaranıb. Belə ki, ABŞ-ın Nyu-York şəhərində gənc istedadlar arasında “Florida Keys” (IMCYT) adlı beynəlxalq musiqi yarışmasına start verilib. Maraqlıdır ki, bu müsabiqənin əsas təşkilatçıları azərbaycanlılar - bəstəkar Cövdət Hacıyevin qızı Pərvin Muradova və Azərbaycan-Amerika Mədəniyyət Assosiasiyasının rəhbəri Töhfə Eminovadır. Qeyd edək ki, Töhfə Eminova ixtisasca teatrşünas və musiqiçidir. Ailə vəziyyəti ilə bağlı 2000-ci ildən ABŞ-ın Mayami şəhərində yaşayır. Mayamidə Tibbi Kolleci (Medical College) bitirib. Ailəlidir, 2 övladı (Aydın və Nabat) var. Töhfə Eminova Azərbaycan-Amerika Mədəniyyət Assosiasiyasının rəhbəri olaraq ABŞ-da Azərbaycanın tarixini, mədəniyyətini, adət-ənənələrini tanıdır. “Florida Keys” musiqi müsabiqəsi də, bu baxımdan, orijinal ideyadır. Töhfə xanım bu beynəlxalq müsabiqə ilə bağlı özəl olaraq “Palitra”ya müsahibə verib.

- Bu müsabiqənin keçirilməsi təşəbbüsü kimdən gəlib?
-2018-ci ildə görkəmli Azərbaycan bəstəkarı Cövdət Hacıyevin qızı Pərvin Muradova, eləcə də təhsil və mədəniyyət şöbəsinin müdirinin təşəbbüsü ilə ilk beynəlxalq musiqi müsabiqəsi -Florida Keys (IMCYT) quruldu. Təşkilat Komitəsi mən, metodik kitabın müəllifi, musiqi studiyasının direktoru Kaye Lang və çinli pianoçu Vivian Fungdan ibarətdir.
- Müsabiqəni keçirməkdə məqsəd nədir?
- Yarışmamızın məqsədi gənc istedadları müəyyən etmək və dəstəkləmək, ölkələr arasında mədəni bir körpü yaratmaq və Azərbaycanın zəngin musiqi mədəniyyətini təbliğ etməkdir. Florida Keys ABŞ-da yaşayan azərbaycanlılar tərəfindən keçirilən ilk müsabiqədir.
- Yerli amerikalıların buna münasibəti necədir?
- Amerikalı musiqiçilər, müəllim və ifaçılar Azərbaycan bəstəkarlarının əsərlərinə böyük maraq göstərirlər. Hətta Azərbaycan bəstəkarlarının əsərləri imtahan proqramına daxil edilir, yerli müsabiqələrdə onların əsərləri ifa edilir. Belə tədbirlərə bizləri də dəvət edirlər. Bu, çox müsbət haldır və gələcəkdə birgə layihələr üçün böyük ümidlər verir.
- Müsabiqədə iştirak etməyin şərt və qaydalarını izah edərdiniz.
- Yarışmada 5-23 yaşarası gənclər, 5-32 yaşarası vokalçılar, eyni zamanda əlilliyi olan uşaqlar da iştirak edə bilərlər. Məqsəd dünyanın ən yaxşı musiqiçilərini internetlə üzə çıxarmaqdır. Münsiflər heyətinə nüfuzlu musiqiçilər daxildir. Müsabiqədə iştirak etmək üçün internetdə (www.floridakeyscompetition.com) qeydiyyatdan keçmək lazımdır. Daha sonra video göndərilməlidir. Münsiflər heyətinin üzvləri ən istedadlı musiqiçini seçib Nyu-Yorka dəvət edəcəklər. Bu ilin noyabr ayında Nyu-Yorkda “Carnegie Hall” da qala konsert keçiriləcək və mükafatlar təqdim olunacaq. Qaliblər şəxsi hesabları və ya sponsorlar vasitəsilə təqdimat mərasimində iştirak edə bilərlər.
Bizim musiqiçilərin ifaçılıq səviyyəsi çox yüksəkdir, hətta bir çox xalqlara nümunədir. Yeri gəlmişkən, təqdimatda Azərbaycan bəstəkarlarının əsərləri də səslənəcək.
- Azərbaycanlı gənc musiqiçilərin dünyada tanınmasında bu müsabiqənin nə kimi rolu var?
- Bu, çox professional müsabiqə olacaq. Burada iştirak etmək istəyən istedadlı uşaqlar var. Bu, gənc azərbaycanlı musiqiçilərin beynəlxalq arenaya çıxması və tanınması üçün bir şansdır. İnanıram ki, azərbaycanlı gənclərin “Florida Keys” müsabiqəsində iştirak etmələri onların musiqi karyeralarına gələcəkdə böyük bir təkan verəcək. Bu müsabiqə laureatların müsbət imiclərinin yaradılmasına kömək edəcək. Həmçinin onlar digər ölkələrdə keçirilən konsertlərdə iştirak edərək beynəlxalq musiqi aləmində tanınacaqlar. Bütün bunlar isə ölkəmizin milli mədəniyyətini daha da zənginləşdirir.
- Bu il daha hansı layihələr planlayıbsız?
- Bizim Azərbaycan musiqi mədəniyyətinin təbliği, notların çap olunması, festivalların təşkil olunması istiqamətində maraqlı layihələrimiz var. Biz iyulun 15-20 tarixlərindən Bakıda keçiriləcək Beynəlxalq Musiqi Təhsili Cəmiyyətinin (İnternational Society for Music Education - İSME) 33-cü Ümumdünya Konfransında iştirak edəcəyik.
Fuad Hüseynzadə




 
Bölməyə aid digər xəbərlər
16.07.2019
ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
16.07.2019
“Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”
15.07.2019
“4-cü qrupa hazırlaşan hər bir abituriyentin arzusu həkim olmaqdır”
15.07.2019
Dünya brendi olmağı hədəfləyən azərbaycanlı gənc
12.07.2019
“Piylənmə qaraciyər çatışmamazlığına, arterial təzyiqin artmasına, şəkərli diabetə, miokard infarktına, sonsuzluğa səbəb ola bilər”

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10830

1 Rostovun tarixinə düşən azərbaycanlı qız
2 “4-cü qrupa hazırlaşan hər bir abituriyentin arzusu həkim olmaqdır”
3 Mehriban Əliyeva Yalçın Rzazadə ilə bağlı tapşırıq verdi
4 Nə “Qurani-Kərim“, nə “İncil“, nə də “Tövrat“ insanları savaşa çağırır
5 Dünya brendi olmağı hədəfləyən azərbaycanlı gənc


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info