Yaponiyada Azərbaycanın biznes mühiti diqqət mərkəzində olub
Tarix: 05.07.2018 | Saat: 17:03:00 | E-mail | Çapa göndər


Yaponiyanın cənubunda yerləşən Kaqoşima prefekturasının Amami adalarında Yaponiyanın 2000-dən çox biznes adamını özündə cəmləşdirən “Sərhədləri Ötənlər Klubu”-nun (Cross Border Club, Ekkyokai) yaradılmasının 5 illiyinə həsr edilmiş təntənəli seminar təşkil edilib. Tədbirdə ən əsas diqqət Yaponiya və Azərbaycan mədəni əlaqələri, eyni zamanda hər iki ölkənin regionları arasında olan potensial biznes imkanlarına yönəldilib. Ölkəmizi tədbirdə Yaponiya-Azərbaycan Əməkdaşlıq Assosasiyasının sədri Əlibəy Məmmədov təmsil edib. “Sərhədləri Ötənlər Klubu”-un ötən 5 illik fəaliyyəti müddətində ən çox işlər görülmüş ölkə Azərbaycandır desək, yanılmarıq. Bu işdə sözü gedən klubun rəhbəri İşida Kazuyasunun xidmətləri danılmazdır. İ. Kazuyasunun rəhbərliyi altında bugünədək Azərbaycana 800-dən çox yaponiyalı biznesmen təşrif buyurub. 2014 və 2017-ci illərdə iki dəfə Bakıda Yaponiya məhsullarının sərgisi (Japan EXPO) keçirilib. Azərbaycanda Yaponiya məhsulları və mədəniyyəti təbliğ olunubdur. Eyni zamanda, İ. Kazuyasu yapon dilində 2014-cü ildə qələmə aldığı “Yaponların tanımadığı Azərbaycan” adlı kitabı ilə yerli insanlara Azərbaycanın mədəniyyəti, iqisadiyyatı ilə bağlı ətraflı məlumat verib. Onun kitabında ən əhəmiyyətli hissə ümummilli lider Heydər Əliyevin xidmətlərinə həsr edilmiş hissə olub. O, eyni zamanda dəfələrlə Yaponiyada Azərbaycanla bağlı geniş seminarlar təşkil edib və etməkdədir. İ. Kazuyasunun fəaliyyəti hər zaman Azərbaycanın biznes və siyasi dairələrinin marağında olub. O, hər zaman Azərbaycanda böyük hörmət və sevgi ilə qarşılandığını qeyd edir. Tədbirdə ölkəmizi təmsil edən Yaponiya-Azərbaycan Əməkdaşlıq Assosasiyasının sədri, diaspor fəalı Əlibəy Məmmədov Azərbaycan və Yaponiyanın potensial biznes imkanlarından danışıb. O qeyd edib ki, Azərbaycanda Yaponiyanı sevən, ona hörmət edən insanların çoxluğuna baxmayaraq Yaponiya və Azərbaycan arasında olan iqtisadi əlaqələr hələ arzuolunan səviyyədə deyil. Əlbəttə, son illərdə olan inkişaf gözəçarpır. Ölkələrimiz arasında siyasi və iqtisadi əlaqələr ən yüksələn xəttlə davam etdirilir. Amma bizim ölkələrimiz arasında olan potensial əməkdaşlıq daha böyük imkanlardan xəbər verir. Hələ çox işlər görülməlidir. Yaponiyada yaşayan hər bir yaponun Azərbaycan adını eşidəndə üzündə təbəssüm yarananadək bu işlər davam etdirilməlidir. Yaponiyada Azərbaycanı tanıyanlar, ona hörmət edənlər, Azərbaycanda işləmək, buranın insanları ilə dost olmaq istəyən yaponların sayı günü-gündən artmaqdadır. Buna səbəb çoxdur. Amma ən əsas səbəb ölkəmizin dünyada və Yaponiyada doğru və məqsədyönlü təbliğatıdır. Ən sevindirici hal isə ondan ibarətdir ki, artıq azərbaycanlıların olmadığı yerlərdə belə yaponlar özləri müstəqil olaraq Azərbaycanın tanıtımı üçün seminar və tədbirlər təşkil edirlər. Əlibəy Məmmədov onu da qeyd edib ki, Yaponiya və Azərbaycan arasında əlaqələri sistemli və daha nəticəyə hesablanmış şəkildə davam etdirməyə ehtiyac var. Bunun üçün həm siyasi, həm mədəni, həm təhsil, həm də biznes sahəsində bu əlaqələri sistemli və ardıcıl şəkildə görmək gərəkir. Özündə 200 nəfər yaponiyalı biznesmeni cəmləşdirən Yaponiya-Azərbaycan Əməkdaşlıq Assosasiyası olaraq bu işlərdə öz üzərimizə düşən işi var gücümüzlə davam etdirəcəyik. Yaponiyada bundan sonra da sönməz Azərbaycan alovu, durmaz Azərbaycan küləyi əsəcəkdir.

Fuad




 
Bölməyə aid digər xəbərlər
21.11.2018
Türkcə “Vikipediya”da Azərbaycanla bağlı məqalələrin yaradılması prosesi sürətlənir
21.11.2018
Sərhəd idarəçiliyi üzrə potensialın gücləndirilməsi istiqamətində görülən tədbirlər müzakirə edilib
21.11.2018
Bakıda Azərbaycan-Qazaxıstan Gənclərinin Forumu işə başlayıb
21.11.2018
YAP-ın yaranmasının 26 illiyi ilə əlaqədar Pirallahıda tədbir keçirilib
20.11.2018
“Cümhuriyyət 100 il” adlı rəsm müsabiqəsinə yekun vurulub

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10509

1 Davamli dil siyasəti dövlətin əsas prioritet istiqaməti kimi
2 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
3 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 Eldar Əzizov Bakı Şəhər İcra Hakimiyyətinin başçısı təyin edildi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info