Amerika Ticarət Palatası ilə əmək və məşğulluq sahələri üzrə gələcək əməkdaşlıq istiqamətlərinə dair müzakirələr aparılıb
Tarix: 05.07.2018 | Saat: 20:49:00 | E-mail | Çapa göndər


“Əmək və məşğulluq sahəsində dövlət siyasətinin icrası, əmək qanunvericiliyinin təkmilləşdirilməsi, eyni zamanda, qeyri-rəsmi məşğulluğun qarşısının alınması işlərində sahibkarlarla daha fəal əməkdaşlıq müstəvisi qurmaq əsas hədəflərimizdən biridir.” Bunu əmək və əhalinin sosial müdafiəsi naziri Sahil Babayev nazirlikdə Azərbaycanda Amerika Ticarət Palatasının (“AmCham Azərbaycan”) nümayəndələri ilə keçirilən görüşdə bildirib. Nazir vurğulayıb ki, Azərbaycan Prezidenti cənab İlham Əliyevin sosial-iqtisadi inkişaf strategiyasının nailiyyətlərindən biri kimi, sahibkarlığın dövlət tərəfindən dəstəklənməsi, ölkədə biznes və investisiya mühitinin yaxşılaşdırılması və şəffaflaşdırılması nəticəsində özəl sektorun milli iqtisadiyyatda rolu əhəmiyyətli şəkildə artıb.
Əmək hüquqlarının təminatı, habelə qeyri-formal məşğulluğun qarşısının alınması yönündə görülən tədbirləri diqqətə çatdıran nazir “AmCham Azərbaycan”la bu sahədə, ümumən işçilərin sosial sığorta sistemində iştirak səviyyəsinin artırılması məqsədilə fəal əməkdaşlığın həyata keçirilməsinin faydalı ola biləcəyini deyib. O bildirib ki, məşğulluq xidmətlərinin keyfiyyətinin artırılmasında işəgötürənlərlə işin düzgün və məqsədyönlü təşkili vacib şərtlərdən biridir. İşəgötürənlər, o cümlədən “AmCham Azərbaycan”da təmsil olunan şirkətlər tərəfindən məşğulluq orqanlarına vakansiyalar təqdim olunarkən işçi qüvvəsinə olan tələblər ətraflı şəkildə qeyd olunmalıdır. Bu tələblər, eyni zamanda, hansı peşələr üzrə işçi qüvvəsinə ehtyac olduğu barədə məlumatlar verilməsi peşə hazırlığı kurslarının təşkilində, həmçinin peşə standartlarının hazırlanmasında çox əhəmiyyətli olar. Hazırda məşğulluq xidmətləri üzrə portalın yaradılması nəzərdə tutulur ki, bu portalda şirkətlər təkcə vakansiyaları deyil, qeyd olunan məlumatları da yerləşdirə biləcəklər.
Nazir ümumən korporativ sosial məsuliyyət prinsipi çərçivəsində aktiv əmək bazarı proqramlarının hazırlanması və icrasında, əlilliyi olan şəxslər üçün peşə hazırlığı infrastrukturunun genişləndirilməsində sistemli əməkdaşlığın mümkün olduğunu, “AmCham Azərbaycan”ın bu sahələrdə öz dəstəyini verə biləcəyini qeyd edib.
S.Babayev əmək qanunvericiliyinə əməl olunmasına nəzarət sisteminin İKT imkanlarından istifadə olunmaqla, müasir əsaslar üzərində təkmilləşdiriləcəyini, bu sahədə tam şəffaf elektron nəzarət sisteminin qurulacağını, bir sıra sahələr, o cümlədən tikinti sektoru üzrə sosial sığorta daxilolmalarının miqdarının müəyyən olunması ilə bağlı əmək tutumlu normativlərin hazırlanmasının nəzərdə tutulduğunu bildirib.
Nazir sosial sığorta, işsizlik sığortası barədə şirkətlər arasında geniş maarifləndirmə işlərinin aparılması sahəsində də Palata ilə əməkdaşlığın həyata keçirilməsinin önəmini vurğulayıb.
“AmCham Azərbaycan”ın prezidenti Nuran Kərimov Əmək və Əhalinin Sosial Müdafiəsi Nazirliyinin fəaliyyət istiqamətlərində aparılan islahatları, əmək bazarının qanunvericilik aktları əsasında tənzimlənməsi üçün görülən işləri maraqla izlədiklərini qeyd edib. O nazirliklə sıx əməkdaşlıqdan məmnun olduqlarını, bu əməkdaşlığın əmək qanunvericiliyinin təkmilləşdirilməsi işlərini də əhatə etdiyini bildirib. Palatanın ayrı-ayrı nümayəndələri qarşılıqlı məlumat mübadiləsi və müzakirələrə, müvafiq təkliflərin ifadə olunmasına imkan verən belə görüşlərin sosial dialoqun güclənməsinə xidmət etdiyini diqqətə çatdırıblar.
Görüşdə ƏƏSMN fəaliyyət sahələrində aparılan islahatlar, əmək bazarının tənzimlənməsi, biznes qurumlarında əmək qanunvericiliyinin tətbiqi sahəsində görülən işlərə dair qarşılıqlı məlumat mübadiləsi aparılıb. Əmək, məşğulluq, sosial sığorta sahəsində qanunvericiliyin təkmilləşdirilməsi ilə bağlı təkliflər səslənib və müzakirə olunub.

Tural




 
Bölməyə aid digər xəbərlər
19.09.2018
Azərbaycanın tranzit imkanları İsveçrədə təqdim olunub
18.09.2018
Bu il Dövlət İnvestisiya Proqramında azı 600 kəndin yolunun təmiri nəzərdə tutulub
18.09.2018
Prezident: Əsas ərzaq məhsulları ilə özümüzü təminetmə səviyyəsinə çox yaxınlaşmışıq
18.09.2018
“Kaşaqan” neftinin gələcəkdə Bakı-Tbilisi-Ceyhan kəməri ilə nəqli planlaşdırılır”
18.09.2018
Masallıda 3230 hektar əkin sahəsinin suvarma suyu ilə təminatı yaxşılaşdırılacaq

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10118

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info