“Azərbaycanın İsveçrəyə ixracı 43 faiz artıb”
Tarix: 10.07.2018 | Saat: 02:46:00 | E-mail | Çapa göndər


Şahin Mustafayev: “Biz fındıq üzrə dünyada üçüncü ixracatçıyıq. Lakin İsveçrəyə cəmi 40 ton fındıq ixrac olunub. Bu rəqəm dəfələrlə artıq ola bilər”
“Bu ilin ilk beş ayında Azərbaycan ilə İsveçrə arasında ticarət dövriyyəsi 82 faiz artıb. Ölkəmizdə 71 İsveçrə kapitallı şirkət fəaliyyət göstərir.” Bu barədə iqtisadiyyat naziri Şahin Mustafayev Bakıda keçirilən Azərbaycan-İsveçrə biznes forumunda deyib. Nazir qeyd edib ki, ötən il ölkələrimiz arasında ticarət dövriyyəsi 240 milyon dolları ötüb. Bu, 2016-cı illə müqayisədə 46 faiz çoxdur. İsveçrə Azərbaycanın qeyri-neft sektoruna 730 milyon dollar, Azərbaycan isə İsveçrəyə 1,2 milyard dollar investisiya yatırıb. Eyni zamanda Azərbaycanın İsveçrəyə ixracı 43 faiz artıb. Qeyri-neft məhsullarının ixracında İsveçrə ön sıralardadır. İqtisadiyyat naziri Şahin Mustafayev deyib ki, Azərbaycandan İsveçrəyə şərab ixracı üçün böyük potensial var. Nazir qeyd edib ki, İsveçrəyə ən böyük həcmdə qızıl ixrac edirik, həmçinin fındıq ixracı həyata keçirilir: “Hesab edirik ki, şərab ixracı üçün də potensial böyükdür. Biz fındıq üzrə dünyada üçüncü ixracatçıyıq. Lakin İsveçrəyə cəmi 40 ton fındıq ixrac olunub. Bu rəqəm dəfələrlə artıq ola bilər. Bu yaxınlarda ölkəmizin fındıq ixracatçılarının İsveçrəyə ixrac missiyası təşkil olunmuşdu. Ölkələrimiz arasında əlaqələrin daha da genişləndirilməsi hesabına göstəriciləri artıra bilərik”. Azərbaycan-İsveçrə əlaqələrinin uğurla inkişaf etdiyini deyən nazir qeyd edib ki, qeyri-neft məhsullarının ixracında İsveçrə ön sıralardadır: “Azərbaycanda İsveçrənin "Holcim" şirkəti sement istehsalı ilə məşğul olur. Eyni zamanda Sumqayıt Kimya Sənaye Parkının rezidenti olan tikinti materialının istehsalı ilə məşğul olan zavod bu yaxınlarda açılacaq. Həmçinin dərman avadanlıqlarının idxalı sahəsində İsveçrə ilə Azərbaycan arasında sıx əlaqələr mövcuddur. Hesab edirik ki, Azərbaycan-İsveçrə əlaqələrinin inkişafı üçün kifayət qədər istifadə olunmamış potensial var. Bu potensialdan istifadə edərək şirkətlər arasında əlaqələr genişlənə bilər”. İsveçrə Konfederasiyasının federal müşaviri, İqtisadi Məsələlər, Təhsil və Tədqiqatlar üzrə Federal Departamentin rəhbəri Yohan N.Şnayder-Ammann deyib ki, İsveçrə daim sağlam əməkdaşlıq potensialı axtarışında olan ölkə kimi Azərbaycanla əməkdaşlıq etmək niyyətindədir: "Ölkələrimiz arasında çox gözəl ikitərəfli münasibətlər mövcuddur. Biz neçə ildir ki, sıx əməkdaşlıq edirik. Biz, "Holcim" və əczaçılıq sahəsində ixtisaslaşan İsveçrə şirkətləri ilə Azərbaycana gəlmişik, iqtisadi sahədə əlaqələrimizi daha da intensivləşdirmək istəyirik". Yohan N.Şnayder-Ammann Avropa ölkələrini də əhatə edən "Bir kəmər – bir yol" layihəsinin əhəmiyyətinə toxunaraq bildirib ki, İsveçrə daim sağlam əməkdaşlıq potensialı axtarışında olan ölkə kimi Qafqazda, xüsusilə Xəzər regionunda dost Azərbaycan ilə əməkdaşlıq etmək niyyətindədir.
A.Miriyev




 
Bölməyə aid digər xəbərlər
10.12.2018
“Bu seçkilər ən utancverici seçkilərdən biri kimi Ermənistan tarixinə düşəcək”
04.12.2018
Sosial şəbəkə təxribatı: Fransanı qarışdıran “sarı jilet” və Honkonqda sınaqdan keçirilən “sarı çətir”
20.11.2018
“Sondakika.com”: “Sumqayıtda açılan zavod dünyada ən müasir müəssisə xüsusiyyətinə malikdir”
16.11.2018
Şervin Nəcəfpur: “Norveçdə doğulub boya-başa çatsam da, Vətən uzaqda deyil”
14.11.2018
Türkiyə mediası: “Star” zavodu satış üçün istehsala yanvarda başlayacaq”

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10527

1 “Macarıstandakı Azərbaycan icmasının böyük əksəriyyətini gənclər təşkil edir”
2 Bill Klinton Heydər Əliyevlə görüntülərini paylaşdı
3 “Xəzər hövzəsi və enerji təhlükəsizliyi” - Rufiz Qonaqov yeni kitabını təqdim etdi
4 Əli Həsənov: “Nə qədər Azərbaycan var, Heydər Əliyevin ideyaları yaşayacaqdır...”
5 OPEK-ə üzv ölkələr neft hasilatını azaltmaq barədə razılığa gəliblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info