Qubada tikilən yeni xəstəxanada avadanlıqların quraşdırılmasına başlanılıb
Tarix: 13.07.2018 | Saat: 15:56:00 | E-mail | Çapa göndər


Quba Rayon Mərkəzi Xəstəxanası üçün tikilən 218 çarpayılıq yeni binada tamamlama işləri görülür. Binada müasir avadanlığın quraşdırılmasına başlanılıb. Beşmərtəbəli xəstəxanada əsas korpusla yanaşı, yoluxucu xəstəliklər, patoloji anatomiya, mətbəx-camaşırxana, qazanxana korpusları, eləcə də oksigen, su nasos stansiyaları, elektrik yarımstansiyası, texniki xidmət binası və avtomobil dayanacaqları fəaliyyət göstərəcək.
AZƏRTAC-ın bölgə müxbiri xəbər verir ki, bu barədə Qubada 2018-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunmuş hesabat yığıncağında məlumat verilib.
Yığıncaqda Quba Rayon İcra Hakimiyyətinin başçısı Ziyəddin Əliyev məruzə ilə çıxış edərək, hesabat dövründə rayonda irihəcmli tikinti-quruculuq və abadlıq işləri görüldüyünü diqqətə çatdırıb.
Məruzədə qeyd olunub ki, hesabat dövründə rayonda yol infrastrukturunun yenilənməsi istiqamətində xeyli iş görülüb. Uzun illər yerli əhali üçün narahatlıq yaradan 23 km uzunluğunda, 8 kəndi birləşdirən Hacıhüseynli-Gənclər qəsəbəsi avtomobil yolu və bu yola birləşən digər kənd yollarının asfaltlaşdırılması işləri başa çatdırılıb. Bununla yanaşı, 33 kilometr uzunluğunda Zərqava-Qasımqışlaq-Çayqışlaq-Xaspolad-Aspərasti və 60 km uzunluğundakı Gəndob-Quba-Qəçrəş-Qımılqazma avtomobil yolunun əsaslı təmiri işlərinə də başlanılıb. Turizm əhəmiyyətli Quba-Qonaqkənd yolunun Təngəaltından Afurca kəndinə qədər olan 3 kilometrlik hissəsinə asfalt örtüyü çəkilib.
Bildirilib ki, Quba Müalicə və Diaqnostika Mərkəzinin qarşısında yeni istirahət parkının salınması işlərinə başlanılıb. Şəhərin həmin ərazidə yerləşən giriş qapısında əsaslı təmir işləri aparılıb və ora müasir işıqlandırma sistemi ilə təmin olunub.
Şəhərin Heydər Əliyev prospektində müasir tələblərə cavab verən, ikimərtəbəli 120 yerlik uşaq bağçası inşa edilib. Binanın daxilində tamamlama işləri aparılır və ətrafın abadlaşdırılması həyata keçirilir.
Qeyd olunub ki, cari dərs ili müddətində rayonun Çartəpə, Ərməki, Çağacıq, İsnov və Kürkün kəndlərində yeni məktəb binaları tikilib istifadəyə verilib. Zərqova kənd tam orta məktəbində rayonun daxili imkanları hesabına aparılan əsaslı təmir işləri başa çatdırılıb və şagirdlərin istifadəsinə verilib. Rayonun daha 8 kəndində isə modul tipli məktəb binalarının tikintisi nəzərdə tutulur.
Çıxışlarda Azərbaycanın xarici siyasətdə qazandığı uğurlardan, regionların sosial-iqtisadi inkişafı Dövlət Proqramının icrasından, aqrar sektorda aparılan islahatlardan, ixracyönümlü məhsulların istehsalında müsbət dinamikadan söz açılıb, dövlətimizin başçısının qarşıya qoyduğu vəzifələr diqqətə çatdırılıb.
Mahmud




 
Bölməyə aid digər xəbərlər
21.11.2018
Ümumdünya Dağ Yəhudiləri Konqresi: “Azərbaycan multikulturalizm, tolerantlıq və dinlərarası dialoq nümunəsidir”
21.11.2018
Neftçalada tikilən modul tipli 7 məktəb binasında işlər ilin sonunadək başa çatacaq
20.11.2018
Gömrükçülər narkotik vasitə aşkarlayıb
20.11.2018
NDU-da YAP-ın yaradılmasının 26-cı ildönümü ilə bağlı konfrans keçirilib
19.11.2018
“İrəli”nin keçirdiyi intellektual yarışların Aran və Gəncə-Qazax üzrə qalibləri müəyyənləşib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10509

1 Davamli dil siyasəti dövlətin əsas prioritet istiqaməti kimi
2 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
3 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 Eldar Əzizov Bakı Şəhər İcra Hakimiyyətinin başçısı təyin edildi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info