Tovuzda alternativ su mənbəyinin yaradılması və yeni mənbədən şəhərə magistral su kəmərinin çəkilişinə başlanılıb
Tarix: 13.07.2018 | Saat: 16:36:00 | E-mail | Çapa göndər


“Azərsu” ASC “Azərbaycan Respublikası regionlarının sosial-iqtisadi inkişafı Dövlət Proqramı”na uyğun olaraq bölgələrdə içməli su təchizatı və kanalizasiya sistemlərinin yenidən qurulması layihələrinin icrasını uğurla davam etdirir.
 
“Azərsu” ASC-nin İctimaiyyətlə əlaqələr şöbəsindən verilən məlumata görə, Azərbaycan prezidenti İlham Əliyevin “Tovuz şəhərinin su təchizatının yaxşılaşdırılması ilə bağlı əlavə tədbirlər haqqında” 30 mart 2018-ci il tarixli sərəncamına uyğun olaraq Tovuz şəhərini dayanıqlı və keyfiyyətli içməli su ilə təchiz etmək üçün alternativ su mənbəyinin yaradılması və yeni mənbədən şəhərə magistral su kəmərinin çəkilişinə başlanılıb. 
 
Tovuz şəhərinin dayanıqlı içməli su təchizatının həyata keçirilməsi və yay aylarında müşahidə olunan su çatışmazlığının aradan qaldırılması məqsədilə alternativ mənbə  olaraq Zəyəmçayın yatağında yeni sugötürücü qurğu tikilir. Layihəyə əsasən, Zəyəmçayda tikiləcək  üfüqi suqəbuledici qurğunun məhsuldarlığı saniyədə 80-100 litr təşkil edəcək. Eyni zamanda, mənbədə baxış quyuları və sutoplayıcı kameranın inşası nəzərdə tutulur. Mənbədən götürülən suyun Tovuz şəhərinə özüaxımlı rejimdə çatdırılması məqsədilə 530 mm diametrli 24 km uzunluğunda polad borularla magistral su xətti çəkilir. Tikinti-quraşdırma işlərinin ilin sonunadək tam başa çatdırılması nəzərdə tutulur. Yeni su mənbəyi istismara verildikdən sonra Tovuz şəhəri dayanıqlı və keyfiyyətli içməli su ilə təmin olunacaq. 
 
Qeyd edək ki, 2011-2013-cü illərdə dövlət büdcəsi vəsaiti hesabına icra olunmuş Tovuz şəhərinin su təchizatı və kanalizasiya sistemlərinin yenidən qurulması layihəsi 2035-ci ilə qədər perspektiv inkişaf nəzərə alınmaqla Tovuz şəhərində 28 min nəfərin içməli su təminatı və kanalizasiya xidmətlərindən istifadəsinin yaxşılaşdırılmasına hesablanıb.
 
Tovuz şəhərini içməli su ilə təchiz etmək üçün Qaziqulu kəndinin ərazisində 7 ədəd subartezian quyusu qazılıb, hər birinin tutumu 200 m3 olan 2 ədəd su anbarı və  nasosxana tikilib, anbardan Tovuz şəhərinə 2,5 km uzunluğunda magistral su xətti çəkilib. Layihə çərçivəsində, həmçinin rayonun Aşağı Öysüzlü kəndinin ərazisində hər birinin tutumu 2500 m3  olan 2 ədəd su anbarı, xlorator və laboratoriya binaları tikilib, 95,5 km uzunluğunda şəhərdaxili su və 110 km kanalizasiya şəbəkəsi yaradılıb. Bununla yanaşı, şəhərdə yaranan tullantı sularının zərərsizləşdirilib kənarlaşdırılması məqsədilə məhsuldarlığı sutkada 7 min kubmetr olan çirkab sutəmizləyici qurğu və Tovuz Sukanal İdarəsi üçün yeni inzibati bina tikilib. Layihə çərçivəsində rayonun Qaziqulu, Aşağı Öysüzlü, Abulbəyli və Bozalqanlı kəndlərində  2300 abunəçiyə də su verilib.
 
Qeyd edək ki, hazırda Tovuz şəhəri ilə yanaşı, Şamaxı, Gədəbəy və Lerik şəhərlərinin dayanıqlı su təchizatının aparılması məqsədilə yeni mənbələrin yaradılması layihələri icra olunur.
Tural




 
Bölməyə aid digər xəbərlər
28.11.2020
“Azeri Light” neftinin bir barreli 48,73 dollara satılır
27.11.2020
Azərbaycanda debet kartların sayı əhəmiyyətli dərəcədə artıb
27.11.2020
Bakı-Xırdalan-Sumqayıt qatarı yenidən xəttə buraxılır
27.11.2020
“Azərmaş”: İşgüzar nüfuzumuza vurulmuş zərərin aradan qaldırılması məqsədilə hüquq müstəvisində prosedur başlanılıb
27.11.2020
Azərbaycan nefti neçəyə satılır?

Şərh əlavə olunmayıb

    ,    
Ağasəf Babayev
Tural RASİMOĞLU
Anar MİRİYEV
Ağasəf Babayev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 12006

1 İşğaldan azad edilən rayonlarda turizm necə təşkil olunacaq? - Agentlik açıqladı
2 Minsk qrupu uzunmüddətli və dayanıqlı həll üzrə danışıqlara kömək göstərməlidir - Almaniya səfiri
3 Bu il xarici ölkələrə səfər edən Azərbaycan vətəndaşlarının sayı açıqlanıb
4 Azıx mağarasına aid arxeoloji tapıntılar Bakıya gətirildi
5 “Ezo gəlin” şorbası necə bişirilir?


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info