BANM-in tələbələri “Petkim”də işə və təcrübəyə başlayırlar
Tarix: 13.07.2018 | Saat: 18:55:00 | E-mail | Çapa göndər


Bakı Ali Neft Məktəbində (BANM) bu ali təhsil müəssisəsinin SOCAR-ın Türkiyədəki “Petkim” neft-kimya kompleksinə işə və təcrübəyə qəbul olunan tələbə və məzunları, onların valideynləri ilə görüş keçirilib.
Ali məktəbdən bildirilib ki, tədbirdə çıxış edən rektor Elmar Qasımov, hər il olduğu kimi, bu il də SOCAR-ın Türkiyədəki müəssisələrinin işə qəbul və istehsalat təcrübəsi keçmək üçün Azərbaycandan yalnız BANM-in tələbələrini seçdiyini bildirib. Rektor qeyd edib ki, bu il “Petkim”in İzmir şəhərindəki petrokimya zavodu ali məktəbin 4 məzununu işə götürüb və 20 tələbəsini istehsalat təcrübəsi keçmək üçün seçib. E.Qasımov “Petkim”in bu addımını ali məktəbə böyük etimad və etibarın bariz nümunəsi olduğunu vurğulayıb.
“Petkim” petrokimya holdinqin insan resursları üzrə baş direktorunun müavini Levent Kocagül çıxışında bildirib ki, “Petkim”in BANM-in tələbə və məzunlarına marağı onların öz sahələri üzrə yüksək bilik və bacarığa malik olmaları, həmçinin nizam-intizam qaydalarına ciddi əməl etmələri ilə əlaqədardır. L.Kocagül bu il işə və təcrübəyə qəbul olunan tələbələrin sayının gələcəkdə daha da artacağını qeyd edib.
Holdinqin nümayəndəsi Bəhruz Babayev isə tələbələrin iyulun 18-dən etibarən İzmirdə təcrübəyə başlayacaqlarını bildirib və zavodun iş prosesindən, təhlükəsizlik qaydalarından, tələbələr üçün hazırlanmış layihələrdən, onların inkişafı üçün nəzərdə tutulmuş proqramlardan danışıb.
“Petkim”dən iş təklifi alan BANM-in 4 məzunu – Fərid Mustafayev, Fərid Əliyev, Pərvin Salamzadə, Mirhadı Həbibov və onların valideynləri SOCAR və BANM rəhbərliyinə təşəkkür ediblər.
Görüşün sonunda BANM və “Petkim” petrokimya holdinq arasında əməkdaşlıq müqaviləsi imzalanıb. Müqavilənin şərtlərinə əsasən, BANM-in tələbələri üçün “Petkim” öz zavodlarında yerləşən şöbələrdə iki ay müddətində istehsalat təcrübəsi təşkil edəcək. Həmçinin tələbələrin müasir texnologiyalardan və petrokimya sənayesində istifadə olunan texniki sənədlərdən faydalanmaları təmin ediləcək. Bundan əlavə, təcrübə zamanı tələbələrə texnologiya, qurğu və avadanlıqlar canlı olaraq nümayiş etdiriləcək. Eyni zamanda tələbələrə “Petkim”də keçirdikləri vaxt və təcrübə üçün təqaüd veriləcək.




 
Bölməyə aid digər xəbərlər
22.09.2018
Reytinq: Bakı dünyanın ən təhlükəsiz 41 şəhəri sırasında yer alıb
22.09.2018
Xüsusi Olimpiya Hərəkatı gənc liderlərin 20-ci Qolobal Forumu keçiriləcək
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib
21.09.2018
Sahil Babayev Göygöl rayonunda 4 rayon və şəhərin sakinləri ilə görüşüb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info