Putin-Tramp görüşünün tərcüməçisi ifadə verə bilər
Tarix: 19.07.2018 | Saat: 00:40:00 | E-mail | Çapa göndər


“Həmin tərcüməçi bizə Trampın Putinə nələri vəd etdiyini öyrənməkdə yardımçı ola bilər”

Konqresmen Kennedi: “Tərcüməçi Konqresdə ifadə verməli və bununla da Trampın Putinlə şəxsi zəmində nələri müzakirə etdiyi aydınlaşmalıdır: “Əgər respublikaçılar, doğrudan da, həmin görüşlə bağlı qəzəblidirlərsə, onda həmin tərcüməçini dərhal dəvət etsinlər”

“Avropanın miqrasiya siyasəti fəlakətdir.” Bunu ABŞ prezidenti Donald Tramp “Fox News” telekanalına müsahibəsində deyib. “Mən Avropa İttifaqının nümayəndələrinə deyirdim – sizin miqrasiya siyasətiniz fəlakətdir, siz Avropanı dağıdırsınız, mədəniyyətinizi məhv edirsiniz. Həmin regionlarda cinayətkarlıq artır, siz buna qarşı nə isə etməlisiniz. Deyirdim ki, yalnız rəqəmlərə nəzər yetirin”- deyə Tramp qeyd edib. Bundan əvvəl ABŞ prezidenti özünün “Twitter” səhifəsində yazıb ki, miqrantları qəbul etdikdən sonra Almaniyada cinayətkarlıq 10 faiz artıb. Tramp qeyd edib ki, rəsmi Tehran təşəbbüs göstərərsə, İranın nüvə proqramına dair yeni saziş bağlana bilər: “Bildiyiniz kimi, biz İranla nüvə proqramına dair imzalanmış razılaşmadan çıxmışıq. Bu İrana mənfi təsir göstərib, əhəmiyyətli dərəcədə zəiflədib. Ümid edirəm ki, müəyyən bir anda onlar bizə zəng edərək müvafiq təşəbbüs göstərəcək və yeni bir saziş bağlanacaq. Bu ola da bilər, olmaya da bilər”. ABŞ prezidenti Donald Tramp qeyd edib ki,
ABŞ-Rusiya münasibətləri əhəmiyyətli dərəcədə yaxşılaşıb: “Rusiya ilə münasibətlərimiz indiyədək belə pis olmamışdı, lakin indi əhəmiyyətli dərəcədə yaxşılaşıb, gələcəkdə daha da yaxşılaşa bilər”. Eyni zamanda Tramp Rusiyaya qarşı sanksiyaların qüvvədə qalacağını bildirib. ABŞ prezidenti, həmçinin Rusiyanın 2016-cı il prezident seçkilərinə müdaxiləsinə dair kəşfiyyatın nəticəsi ilə razılaşdığını bildirib: “Mən kəşfiyyatın rəyini qəbul edirəm, lakin sövdələşmə olmayıb”. ABŞ-ın müdafiə naziri Ceyms Mettis isə rusiyalı həmkarı Sergey Şoyqu ilə danışıqlar aparmağa hazır olduğunu deyib. “Reuters” söhbətin şəxsi görüş və yaxud telefon danışığından getdiyini dəqiqləşdirməyib. Rəsmi mənbələr məlumatı nə təsdiq, nə də təkzib edib. “Hazırda bu barədə heç nə deyə bilmərəm. Hər hansı dəyişiklik baş versə, sizi məlumatlandıracağıq” - deyə “RİA Novosti” agentliyinin sorğusunu cavablandıran Pentaqonun mətbuat xidmətinin əməkdaşı bildirib. Qeyd edək ki, Tramp-Putin görüşü ABŞ-da böyük narazılıq yaradıb. Demokratlar Partiyasının təmsilçiləri artıq əməli addımlar atmağa başlayıblar. Nyu-Hempşir ştatından olan senator Cin Şahin Konqresin xüsusi toplantısının çağırılmasını və Tramp-Putin görüşündə ABŞ dövlət başçısının tərcüməçisi olmuş şəxsin həmin toplantıda ifadə verməsini tələb edib: “Mən xüsusi toplantı çağırılmasını tələb edirəm. Həmin toplantıda Putinlə görüşdə Trampın tərcüməçisi olmuş şəxs də iştirak etməlidir. Ancaq bu yolla onların gizli şəkildə nələri müzakirə etdiyini öyrənə bilərik. Həmin tərcüməçi bizə Trampın Putinə nələri vəd etdiyini öyrənməkdə yardımçı ola bilər”. Demokratlar Partiyasının başqa bir üzvü, konqresmen Co Kennedi də analoji tələblə çıxış edib. O hesab edir ki, tərcüməçi Konqresdə ifadə verməli və bununla da Trampın Putinlə şəxsi zəmində nələri müzakirə etdiyi aydınlaşmalıdır: “Əgər respublikaçılar, doğrudan da, həmin görüşlə bağlı qəzəblidirlərsə, onda həmin tərcüməçini dərhal dəvət etsinlər”. “Huffington Post” yazır ki, Cin Şahin hazırda xüsusi toplantının keçirilməsi üçün imza toplayır və həmin imzalar Senatın xarici əlaqələr komitəsinin rəhbəri Bob Korkerə təqdim ediləcək.

Anar Miriyev




 
Bölməyə aid digər xəbərlər
19.03.2019
ABŞ-da Perunun eks-prezidenti saxlanılıb
19.03.2019
Birləşmiş Ərəb Əmirlikləri dünyada ən təhlükəsiz ölkədir
18.03.2019
Senator Kirsten Cillibrand 2020-ci ildə ABŞ prezidenti vəzifəsinə namizədliyini irəli sürəcək
18.03.2019
Malidә hәrbi bazaya hücum edilib
18.03.2019
ABŞ-a mәxsus PUA yerә çırpılıb

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info