“Təhsil avtobusu–2018” Masallıda
Tarix: 19.07.2018 | Saat: 21:41:00 | E-mail | Çapa göndər


Təhsil Nazirliyinin həyata keçirdiyi "Azərbaycan üçün öyrət" təhsil proqramı çərçivəsində təşkil olunan “Təhsil avtobusu-2018” iyulun 19-da Masallıya gəlib.
Masallıdakı “ASAN həyat” kompleksində keçirilən yay məktəbinin açılış mərasimində layihənin təşkilatçıları ilə yanaşı, rayon təhsil şöbəsinin nümayəndələri, Xallıcalı, Meşəkənar və Təkdam modul tipli kənd məktəblərinin şagirdləri iştirak ediblər.
Layihənin meneceri Ülviyyə Axundova AZƏRTAC-ın bölgə müxbirinə bildirib ki, iyulun 23-dək davam edəcək "Təhsil avtobusu-2018" yay məktəbinin məqsədi bölgələrdəki modul tipli və orta məktəblərinin şagirdlərinin şəxsi inkişafına stimul vermək, həyata fərqli baxış və dünyagörüşlərinin formalaşmasına təsir etmək, onların dərsə maraqlarının artırılmasına şərait yaratmaqdır. “Təhsil avtobusu” Bakı-Quba-Masallı-Şəmkir-Şəki-Qəbələ-Bakı marşrutu üzrə səyahət edəcək.
Yay məktəbinə ölkəmizin 5 bölgəsindəki məktəblərin akademik göstəriciləri zəif və orta olan VII-IX sinif şagirdləri cəlb olunacaqlar. Məktəblilərin hər biri 1 gün olmaqla təlimçi və ekspertlər tərəfindən keçiriləcək fərdi inkişaf təlimləri və intellektual yarışlarda iştirak edəcəklər.
Masallıda keçirilən yay məktəbində təlimçilər Ramal Verdiyev "Mənim uğurlu karyeram", Nərmin Qəhrəmansoy “Kommunikasiya bacarıqları”, Çingiz Səlimov və Elvin Məhərrəmov “Robotlarla iş", Elçin Mehdiyev "Sığorta” mövzularında çıxış ediblər.
Yay məktəbinin iştirakçıları arasında "Nə? Harada? Nə zaman?" intellektual oyunu keçirilib. Təlimlər və oyunlarda fəal iştirak edən şagirdlərə sertifikatlar verilib.
Qeyd edək ki, “Təhsil avtobusu–2018” yay məktəbi layihəsi Təhsil Nazirliyinin təşkilatçılığı, “Engin” LTD MMC, “Kapital Bank”, “Ekspo 2025 Bakı”, “Bakcell”, “GoldenPay”, “Microsoft Azərbaycan” və “PAŞA Sığorta” şirkətlərinin dəstəyi, “1News.az”, “Azərbaycan İntellektual Klublar Assosiasiyası”, “ARB TV”, “ASAN xidmət”, “Bir” Tələbə-Könüllü proqramı, “Code Tusi”, “Edumap” təhsil portalı, “Edutainment.az”, “Engineering For Kids”, “SABAH” qrupları, “Şərq-Qərb” ASC, “Təhsil TV və “Youth Inc.” Sahibkarlıq Proqramının tərəfdaşlığı ilə həyata keçirilir.
“Təhsil avtobusu–2018” yay məktəbinin növbəti ünvanı Şəmkir rayonu olacaq.
Mahmud




 
Bölməyə aid digər xəbərlər
15.09.2019
Şəki və Oğuzda mineral gübrələrin güzəştli şərtlərlə səyyar satışı keçiriləcək
15.09.2019
İsmayıllı rayonunun İvanovka kəndindəki Mədəniyyət Sarayı əsaslı təmirdən sonra istifadəyə verilib
14.09.2019
Masallıda peşə təmayüllü siniflər yaradılacaq
14.09.2019
Birinci vitse-prezident Mehriban Əliyeva İsmayıllı şəhərində uşaq bağçasının açılışında iştirak edib
14.09.2019
Şamaxıda zəlzələdən qəzalı vəziyyətə düşmüş evin yerində inşa edilən evdə yaradılan şəraitlə tanışlıq

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10886

1 Tələbələrə Prezident təqaüdünün verilməsi haqqında Sərəncam imzalandı
2 Prezident İlham Əliyev AŞPA-nın prezidentini qəbul edib
3 Müəllimlərin dərs yükü norması artırıldı
4 Daxili İşlər nazirindən yeni təyinat
5 Prezident təqaüdü alacaq tələbələrin yarısı regionların payına düşür


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info