Sahil Babayev Lənkərandakı bərpa mərkəzində reabilitasiya şəraiti ilə tanış olub
Tarix: 23.07.2018 | Saat: 18:36:00 | E-mail | Çapa göndər


Əmək və əhalinin sosial müdafiəsi naziri Sahil Babayev Lənkəran şəhərində Əlilliyi olan şəxslər üçün Regional Bərpa Mərkəzindəki reabilitasiya şəraiti ilə tanış olub.
Nazirliyin ictimaiyyətlə əlaqələr şöbəsindən AZƏRTAC-a verilən xəbərə görə, mərkəzin kollektivi və müəssisədə reabilitasiya kursu keçən əlillərlə görüşündə S.Babayev vurğulayıb ki, Azərbaycan Respublikasının Prezidenti İlham Əliyevin tapşırığı əsasında əlilliyi olan şəxslər üçün reabilitasiya sisteminin müasir tələblərə uyğun qurulması işləri Əmək və Əhalinin Sosial Müdafiəsi Nazirliyinin bölgələrdəki bərpa mərkəzlərini də əhatə edir. Nazir bir sıra bölgələrdəki əlillər üçün bərpa mərkəzlərində bu istiqamətdə işlərin aparıldığını qeyd edib. Eyni zamanda, bildirilib ki, Lənkəran şəhərindəki Əlilliyi olan şəxslər üçün Regional Bərpa Mərkəzində də əsaslı təmir və yenidənqurma işləri aparılacaq.
S.Babayev əlilliyi olan şəxslərin reabilitasiya potensiallarının reallaşdırılmasında konkret nəticələrə nail olunmasının, reabilitasiya səviyyəsinin yüksəldilməsinin mühüm hədəflərdən olduğunu diqqətə çatdırıb. O bildirib ki, bunun üçün bərpa mərkəzlərinin maddi-texniki bazasının və əməkdaşlarının peşəkarlıq səviyyələrinin artırılması nazirliyin əsas iş planına daxildir. Həmçinin hazırlanmaqda olan Fərdi Reabilitasiya Proqramı bu sahədə mühüm rol oynayacaq.
Məlumat verilib ki, müəssisədə aparılan işlərin davamı kimi, burada ötən il 312, cari ilin birinci yarısında isə 166 nəfər əlilliyi olan şəxsə tibbi reabilitasiya xidmətləri göstərilib.
S.Babayev mərkəzdə yaradılan şəraitlə, Lənkəran, habelə bu bölgədəki digər rayonlarda - Biləsuvar, Cəlilabad, Yardımlı, Masallı, Astara və Lerikdə yaşayan əlillərə stasionar qaydada göstərilən bərpa müalicəsi xidmətləri, fizioterapevtik prosedurlarla yaxından tanış olub. Nazir mərkəzin fəaliyyətinin səmərəli təşkili, əlillərə göstərilən xidmətin keyfiyyətinin artırılması, onlara qayğı ilə yanaşılması və s. barədə tapşırıqlar verib.
Mahmud




 
Bölməyə aid digər xəbərlər
17.08.2019
Leyla Əliyeva Müslüm Maqomayevin məzarını ziyarət edib
17.08.2019
Dövlət Gömrük Komitəsi şirkətlərdən imtahan götürür
16.08.2019
Rusiya və İran hərbi gəmiləri Bakı limanını tərk edib
16.08.2019
İqtisadiyyat nazirinin müavini Masallıda vətəndaşları qəbul edib
16.08.2019
Eldar Sultanov: İntiharlarla bağlı xəbərlərin KİV-də yayılması insanların, xüsusilə gənclərin psixologiyasına mənfi təsir göstərir

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10858

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”
4 Azərbaycana qarşı casusluq edən 128 nəfər aşkar edilib
5 Türkiyədən Naxçıvana uçuşlar yeni hava dəhlizi vasitəsilə həyata keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info