İş yerlərində qadınların diskriminasiyasına qarşı mübarizə
Tarix: 19.06.2013 | Saat: 23:01:00 | E-mail | Çapa göndər


Beynəlxalq Əmək Təşkilatının (BƏT), Beynəlxalq Həmkarlar İttifaqları Konfederasiyasının (BHİK) və Azərbaycan Həmkarlar İttifaqları Konfederasiyasının (AHİK) birgə təşkilatçılığı ilə “İş yerlərində qadınların diskriminasiya hallarına qarşı mübarizədə onların bacarıqlarının möhkəmləndirilməsi” mövzusunda beynəlxalq seminar keçirilib.
Tədbirdə çıxış edən BHİK-in vitse-prezidenti, AHİK-in Gender Bərabərliyi və Qadın Problemləri üzrə Mərkəzinin sədri Cəmilə Səttarova seminarın məqsəd və vəzifələri barədə məlumat verib. Bildirilib ki, AHİK qadınların iş yerində hüquqlarının tapdalanmasının, ayrı-seçkiliyə məruz qalmalarının qarşısının alınması, onlar üçün nümunəvi şəraitin yaradılması və s. istiqamətlərdə məqsədyönlü işlər aparır. İşləyən qadınlar arasında aparılan sorğular sübut edir ki, Azərbaycanda bu sahədə qanunun kobud şəkildə pozulması halları müşahidə olunmur. Mərkəzin sədri vurğulayıb ki, AHİK-in beynəlxalq qurumlarla birlikdə apardığı məqsədyönlü işlər, maarifləndirmə tədbirləri nəticəsində bu sahədə bir çox nailiyyətlər əldə olunub. Qeyd edilib ki, dünyanın başqa ölkələrindən fərqli olaraq Azərbaycanda qadınlar dövlət səviyyəsində yüksək qayğı ilə tam əhatə olunublar. Seminarda BƏT-in işçi bürosunun baş mütəxəssisi Sergius Qlovasqas iş yerlərində diskriminasiya hallarına qarşı mübarizədə və bərabər hüquqa nail olunmasında həmkarlar ittifaqlarının rolu, qadınların həmkarlar ittifaqlarına daha fəal şəkildə cəlb edilməsi yollarında qarşıya çıxan maneələr və onların aradan qaldırılması ilə bağlı məruzə edib. BHİK-in siyasi məsələlər üzrə müşaviri Olqa Nikoloe Pan Avropa Regional Şurasının Qadın Komitəsinin strukturu, tərkibi, proqramı və üstün cəhətləri haqqında məlumat verib. Seminarda iş yerlərində qadınlara qarşı daha çox yayılmış diskriminasiya halları ilə bağlı nümunələr səsləndirilib, milli fəaliyyət planının hazırlanmasına dair tövsiyələr verilib.




 
Bölməyə aid digər xəbərlər
16.11.2018
Sanqaçal qəsəbə sakinləri ilə növbəti səyyar görüş keçirilib
16.11.2018
Sahil Babayev Şəmkirdə 5 rayonun sakinləri ilə görüşüb
16.11.2018
Birinci qrup ilkin əlillik təyin olunanların sayında azalma 75,8 faizə çatıb
16.11.2018
“Bakı Metropoliteni” işçi axtarır
15.11.2018
110 şəhid hərbi qulluqçu üzrə 135 vərəsəyə birdəfəlik ödəmənin verilməsinə dair qərar qəbul olundu

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10491

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info